Dowladda Filand oo ka hadashay wiilka Feysal Cali Waraabe oo ku biiray ISIS

By Asad Cabdullahi Mataan

Helsinki (Caasimada Online) – Dowladda Filand ayaa ka hadashay warka ku saabsan wiil Soomaaliyeed oo ku dhashay dalkaas in uu ku biiray kooxda Daacish ee ka dagaallanta waddamada Syria iyo Ciraaq.

Wiilkan oo lagu magacaabo Xuseen Feysal Cali Waraabe, waxaa dhalay guddoomiyaha xisbiga mucaaradka Somaliland ee UCID, Feysal Cali Waraabe.

Haddaba, Agaasimaha arrimaha caalamka u qaabilsan dowladda Finland ayaa la weydiiyay sidda ay u arkaan warkan ku saabsan in wiil Soomaali ah oo ku dhashay dalka Finland in uu jihaad u doontay dalka Sryia.

Wuxuu sheegay in uusan ka warheynin warkaas balse haddii qofka uu da’da qaan gaarka dhaafo ama uu ku kirro ee ah 18-sanno, wixii uu sameeyo uu isaga mas’uuliyad ka noqon doono.

Wuxuu kaloo sheegay sarkaalkan in waalidkiisa wax kasta oo ay sheegayn ee ah in wiilkaas uu ka mid noqday dagaallamayaasha Daacish aaney laga yeeli doonin.

Sarkaalkan ayaa tilmaamay in dastuurka dalka Finland uu lee yahay qofka haddii uu ka dhaco baasaboorkiisa oo xittaa ay ku cadahay in uu galay dambi waa loo cusbooneen siin karaa.

Wiilkan ayaa la baxay Abuu Shuceyb a Somali, balse magaciisa saxda waxaa lagu sheegay Xuseen Feysal Cali.

Wuxuu ku dhashay dalka Finland sannadkii 1992-dii.

Feysal Cali Waraabe oo ka hadlaayay wiilkiisa wuxuu yiri seddax sanno ka hor ayuuba salaada in uu takado billaabay isla markaana uu diinta Islaamka.

Feysal Cali Waraabe wuxuu kaloo sheegay in wiilka Abtigiis uu horrey ugu dhintay dagaalka ka socda Syria.

Horey ayaa gabdho iyo wiilal Soomaali ah lagu arkay dagaalka ka socda Syria, kuwaasoo markii hore ka yimid wadamada qurbaha.

Caasimada Online

Xafiiska Wararka Yurub

Caasimada@live.com