Waxan aan jicelahay in aan la wadaago bulshaweynta Soomaaliyeed meel kasta oo ay joogto sida aan u arko ka aqoonyahan ahaan habka loo tarjumay maamulwanaagii uu Madaxweynaha Dowladda Federalka Soomaliya Mudane / Maxamed Cabdullahi Farmaajo mahadi haka gaartee, uu shacabka u ballan qaaday, oo uu sheegay in dowladdiisu tahay dowlad isla xisaabtan. Waxana uu sheegay waliba kuwa ku takri fala Awoodda lagu aaminay ee musuq ku dhaqma in beeraha lagu falidoon. Waa hadal shacabka intiisa badan dhiiri geliyey loona riyaaqay, loogana bartay madaxweynaha muddadii yareyd ee uu R’iisulwasaraha ka ahaa dowladdii KMG aheyd.
Waxa la filayey in mas’uuliyiinta kuwa hore ama kuwa dambe lala xisaabtami doono, taas oo ka billaaban lahayd dhammaan he’adaha dowliadda. Lana kala saari doono qofka wanaagga ku sifoobay iyo kan maamul xumada caadeystay. Lana ciqaabi doono midka musuqa ku kacay lana abaal mariyo midka maamul wanaagga ku sifoobay.
Waxa muuqato mitaal ahaan in aan la helin ilaa iyo hadda qof maamulxumo iyo musuq loo qabtay, masuuliyiinta wax qabadkooda waxa uu soo baxaa marka ay shaqeeyaan ee ka hor lama ogaan karo, mana qabo in 14 guddoomiye degmo ay wada xunyihiin kuwaas oo si saf ah looga qaaday shaqada.
Dadkii shaqooyinka laga qaaday oo ay u dambeeyeen guddomiyayaashii Degmooyinka gobolka banaadir afar iyo tobanka shaqada laga fadhiisiyey ma markii la baaray ayaa la’ogaaday in aysan ku habbooneyn guddomiyenimada ay hayeen oo wax qabadkooda ayaa la dhaliilay, mase qaladaadkooda ayaa batay, ma lala xisaabtamay asey ku caddaatay in aysan maamulwanaagga ku sifoobin. Halkaas waxa muuqatay in aan la raacin hadalkii madaxweynaha ee ahaa in qofwalba wixii lagu aaminay lagula xisaabtamo.
Kuwa cusb ee la magacaabay ma hore ayaa loo soo tijaabiyey in ay ahaan jireen maamulayaal ku sifoobay wax qabad iyo hufnaan, mase asxaab aahaan ayaa lagu doortay, sideebaa loola xisaabtami doonaa haddii aan marka horeba kii ka horeeyey lala xisaabtamin, lana tusin in aan maamulxumo laga aqbaleyn.
GUNAAND
Waxa aan aad u jeclaan lahaa in Soomaalidu is weydiiso goormaan gaari doonaa in qofka lagu qiimeeyo aqoonta uu u leeyahay shaqada uu dalbanayo in uu qabto aanna iskaga guuri doonaa hebel waa saaxiibkey aan aqaanno cidina ugama habboon shaqadaan iyada oo ay dhici karto in ay taagan yihiin kuo takhasus sare u hyeysta isla jagada lagu magacaabayo is aqoon qaawan oo aan khibrad la jirin.
Waxa aan ku tali lahaa in arrinkaas uusan sii socon oo la dabar jaro, haddii aan rabno in aan Addunka la jaan qaadno.
Dowladda Madaxweyne Farmaajo ka sugi meyno in ay aqbasho wax ka soo horjeedo ballantii ay shacabka u qaaday.
WA BILLAAHI ALTTOWFIIQ
W/Q: Dr. Inj. Axmed Cumsr Classow
