Muqdisho (Caasimada Online) – Fal-celin aan caadi aheyn ayaa ka dhalatay xilka cusub ee loo magacaabay wasiirkii hore ee Waxbarashada Soomaaliya Mudane Cabdullaahi Goodax Barre.
Wareegto kasoo baxday xafiiska guddoomiyaha hay’adda Maareynta Musiiboyinka Qaranka ee SODMA Mudane Maxamuud Macallin ayaa Goodax Barre loogu magacaabay La-taliye sare ee arrimaha sugnaanta cunnada ee hay’adda.
Magacaabista Goodax Barre ayaa timid kadib markii guddoomiyaha hay’adda uu arkay baahida loo qabo in si deg-deg ah loo dhameystiro howlaha dib-u-yagleelida hay’adda SODMA.
Shaqada La-taliyaha cusub ayaa la sheegay in lagu faah-faahin doono shaqo tilmaame (TOR) gaar ah oo qeexaya howlaha uu qabanayo, kaasi oo ay soo saari doonto hay’adda.
Haddaba, Sidee looga fal-celiyay arrintaan?
Xuseen Cabdulle Maxamed: “Hay’adda SoDMA Wasiir Goodax Barre gacanta miyaa uga dhacday mise waa ka dhab?.”
“Shaqa sharaf leh, Godax bare ha shaqeyso tareenkana dhiniicsa haka raaco. Loma qabanaayo ardaydii xamar uu ku adkeyey iyo kuwii uu Gado ee uu futiyey xita qabrigii Booqday,” ayuu yiri Cabdullahi Maxamed Issak.
Sakariye Cabdulqaadir Aadan oo isagna ka fal-celiyay ayaa waxa uu yiri “Ninka kama xishoonin walaahi.”
Axmed Saalax ayaa sidoo kale yiri “Waa sheeko aan la yaabey anigu, bal waa yahay ee ka mira dhali.”
Dalmar Xaaji: “Goodax meeshaas meel ka sareeysa ayuu u qalmay, si kastaba waa nin aqoon tiisa io waayo aragnimadiisa loo baahan yahay waaye.”
“Shaqadan wasaarada beeraha ayaa laheed food security advisor ee si toos ah uma laheen SODMA,” ayuu yiri Maxamed Xaashi oo kamid ah dadka ka fal-celiyay magacaabistan cusub.
Sakariye Sheekh Xuseen ayaa isna waxa uu yiri: “Inaa-lilaahi Goodax Barre ma sidaan baa u dambeysay.”
“Goodax waa jabay markaan laakiin libaax qoyay marna dawaca ha isku moodin,” ayuu yiri Mursal Cali.
Shaafici Cali Axmed oo isna ka fal-celiyay arrintaan, ayaa waxa uu yiri “Waa bahdil wasiir to lataliye Subxaanallah.”
Jawaari Yare: “Aduun waa har labadiisa gelin. From Wasiir ilaa La-taliye Hay’adeed.”
“Soo dhawoow Goodax Barre waa rug cadaa siyaasada muddo fog ku jiray xilal kala duwan kasoo qabtay dalka, waana muhim qibrada ku jirta inaa laga faa’iideysto, so dhawoow mudane markale,” ayuu yiri Maxamed Cabdi Xuseen.
Cabdiraxmaan Nuur ayaa isna yiri: “Jago sare oo wasiir ayaa soo qabatay xishood majira miyaa!.”
“Sanadkaan xilkii lataliyuhu waa dhintay,” ayuu yiri Maxamed Cali oo kamid ah dadka ka fal-celiyay xilka cusub ee loo magacaabay wasiirkii hore ee Waxbarashada Soomaaliya.
