Gaalkacyo: Barakacayaal xeradooda dab uu qabsaday + Khasaare xoogan

By Asad Cabdullahi Mataan

Gaalkacyo (Caasimada Online) Wararka ka immaanaya magaalada Gaalkacyo ee xarunta Gobalka Mudug ayaa sheegaay in dab qabsaday xero ay daggan yihiin dadka soo barakacay oo ku taalla koonfurta Gaalkacyo in ay ku dhinteen carruur hanti kalena ay ku baaba’day.

Sida ay dad goob joogayaal ah u sheegeen warbaahinta illaa sagaal carruur ah oo u badan ku da’yer ayaa ku dhaawacmay aqalo ka sameesan bacana waa ay ku gubteen dadbkaas.

Xerada dabka uu qabsaday ayaa lagu magacaabaa Buulo Carafaat waa mid ka mid ah xeryaha ay ku nool yihiin dadka soo barakacay ee ku yaalla dhinaca Galmudug.

Qaar ka mid ah dadka ku nool xerada ayaa sheegay in dabka ka dhashay burjuko lagu illoobay mid ka mid ah kaamka taasoo iyadoo shidan laga tagay.

Carruurta dhaacantay ayaa waxay ahaayeen kuwa xilligaas jiifay kaamka, waxaana dhaawacooda la dhigay isbitaallo ku yaalla Gaalkacyo.

Ma ahan markii ugu horreysay oo dab uu qabsado xeryaha ay ku nool yihiin dadka soo barakacay ee ku yaalla koonfurta Gaalkacyo.

Caasimada Online

Xafiiska Wararka Gaalkacyo