Xiisad dagaal oo Gaalkacyo ka taaggan & ciidanka Puntland oo is-horfadhiya

By Asad Cabdullahi Mataan

Gaalkacyo (Caasimada Online)-Wararka naga soo gaaraya magaalada Gaalkacyo ee gobalka Mudug ayaa sheegaya in halkaas saakay ay ka taagan tahay xiisad kaddib markii lagu arkay ciidamo aad u hubeysan oo ka tirsan kuwa maamulka Puntland oo gadoodsan.

Ciidankan ayaa shaley soo gaaray meel galbeedka ka xigga magaalada waxaana ay xittaa madaafiic ku garaaceyn gegida diyaaradaha Gaalkacyo.

Dadka deeganka ayaa sheegay in ciidamada ay aad u hubeysan waxaana ay wataan gaadid dagaal.

Xaaladda magaalada ayaa aad u kacsan waxaana laga cabsi qabaa ina y saameyn ku yeeshaan isku socodka dadka iyo gaadidka.

Dhinaca kale, sarkaal u hadlay maamulka Puntland ayaa xaqiijiyay in ciidamada lagu arkay galbeedka Gaalkacyo ay ka tirsan yihiin ciidamada maamulka Puntland kuwaasoo sameeyay gadood markii dhowr bil aan mushaar la siin.

Ma jirto wax war ah oo ka soo baxay maamulka Puntland oo ku aadan ciidamada maalintii labaad ku sugan magaalada Gaalkacyo ee gobalka Mudug.

Caasimada Online

Xafiiska Wararka Gaalkacyo

Caasimada@live.com