Cadaado (Caasimada Online) – Wasaaradda Arrimaha Gudaha iyo Fedaraalka Soomaaliya, ayaa shaacisay jadwalka dhameystirka maamul iyo dooroshooyinka Dowlad Goboleedka Galmudug.
Wasiirka Arrimaha Gudaha iyo Federaalka, Cabdiramaan Maxamed Xuseen (Odaawaa), ayaa u mahad-celiyay Odayaasha Dhaqanka, Guddiga Farsamadda, Maamulka Xumin iyo Xeeb iyo dhammaan saaxiibadda beesha caalamka, sida hufan ee ay uga qayb qaateen Dhismaha Maamulka Gobolada Mudug iyo Galgaduud.
Wasiirka Arrimaha Gudaha, ayaa tilmaamay in muddo labo todobaad gudahood ah la qaban doono doorashooyinka Guddoonka Baarlmaanka, Madaxweynaha & Ku xigeenkiisa.
Sidoo kale Wasiir Odawaa ayaa sheegay in maanta oo Isniin ah la dhaarin doono inta badan xubnaha Baarlamaanka Dowlad Goboleedka Galmudug, ka dibna la gudageli doono doorashooyinka.