Muqdisho (Caasimada Online) – Ilhaan Cumar oo ka tirsan Congress-ka dalka Mareykanka ayaa markii ugu horreysay ka hadashay burburinta ay ciidamada Kenya ku hayaan xarumaha shirkadda isgaarsiinta Hormuud ee koonfurta Soomaaliya.
Ilhan oo qoraal kooban soo dhigtay Twitter-keeda ayaa sheegtay in dowladda Soomaaliya iyo ciidamada AMISOM looga baahan yahay inay wax ka qabtaan dhibaatooyinkaasi.
Sidoo kale waxa ay intaasi ku dartay Hormud iyo shirkadaha kale ee ku yaalla dalka ay si weyn uga qeyb qaataan horumarka, gaar ahaan dhanka tiknolojiyadda.
”Dowladda Soomaaliya iyo ciidamada mabad ilaalintu waxaa laga rabaa inay ilaaliyaan shirkadda Hormuud iyo dhamaan shirkadaha kale oo qaaraan weyn ku leh dalka Soomaaliya adeegyo muhiim ahna bixiya,mar aan Soomaliya tegay sanadkii 2011 ayaan la yaabay sida tiknolojiyadda meel sare u gaartay Soomaaliya.” ayay tiri Ilhaan Cumar.
Somali government and peacekeeping forces, need to protect @Hormuud and the Somali telecom industry as they make enormous contribution to the economy and provide vital services.
During my visit to Somalia in 2011, I was surprised by the quick evolution of technology in Somalia. https://t.co/u1vAht8sUo
— Ilhan Omar (@IlhanMN) August 25, 2019
Hadalkan ayaa ku soo aadaya, iyadoo dhowaan ciidamada Kenya ay qaraxyo ku burburiyeen xarun ay shirkadda isgaarsiinta Hormuud ku laheyd gobolka Gedo.
Tallaabadaas ayaa waxaa cambaareysay xukuumadda federaalka, agaar ahaan wasaaradda boostada, isgaarsiinta iyo tiknolojiyadda Soomaaliya.
Caasimada Online
Xafiiska Muqdisho
caasimada@live.com
