Manchester United oo xiiseyneysa xidiga PSV Kevin Strootman.

Asad Cabdullahi MataanBy Asad Cabdullahi Mataan

Manchester United ayaa dalab u dirtay ciyaaryahanka qadka dhexe ee kooxda PSV Kevin Strootman, sida laga soo xigtay wakiilka ciyaaryahanka.

Ciyaarayahanka heerka caalami ee dalka Holland ayaa lala xiriirinaayey inuu lacag badan ugu dhaqaaqo Old Trafford xilli uu Sir Alex Ferguson u arko inuu isaga dhiso qorshihiisa qadka dhexe, waxayna wararku soo jeedinayaan in heshiisku uu dhici karo bisha Janaayo.

22-jirkaan wakiilkiisa Chiel Dekker ayaa xaqiijiyey inay kooxda Premier League xiiseyneyso xidigaan wuxuuna daaha ka qaaday inay laf ahaantiisa diiradu u saaran tahay inuu u dhaqaaqoEngland.

Dekker ayaa u sheegay talkSPORT: “Dhamaan kooxaha ugu wa weyn Yurub way la socdaan xaalka Kevin, laakiin inuu u dhaaqaaqo England ayaa ah mudnaantiisa koowaad wuxuuna aqbali karaa inuu u dhaqaaqo Manchester United iyo kooxo kale oo Yurub ah oo lasoo xiriiray.”

Strootman ayaa 20-kulan saftay xilli ciyaareedkaan wuxuuna dhaliyey lix gool xilli uu sedax kale caawiye ka ahaa.

Waxaa Qoray: Ahmed Jaangoan

E-mail: jangoan@hotmail.com

Caasimada – Mogadishu.