Maxkamada Ciidamada oo xukuntay dadkii ka dambeeyay qaraxii Beerta

By Asad Cabdullahi Mataan

Muqdisho (Caasimada Online) – Maxkamada ciidamada qalabka sida ayaa xukun ku riday ragii ka dambeeyay qaraxii dadka badan ku dhinteen ee ka dhacay Suuqa beerta ee degmada Waaberi.

Dadka maanta la xukumay ayaa gaaraya ilaa iyo seddex ruux, waxaana horey loo dhageystay dacwada loo heystay dadkaasi oo 7 ruux gaarayay

Xukunada lagu riday seddexdaan ruux ayaa isugu jira dil toogasho iyo xabsi sanado badan ah, waxaana ay ku eedeysnaayeen qaraxii ka dhacay Suuqa Beerta ee degmada Waaberi.

Dadka la xukumay waxaa ku jira wadihii gaariga ku qarxay Suuqa beerta, oo la qabtay isla maalinkii uu dhacay qaraxa dadka badan ay ku dhinteen.

Ku dhawaad 35 ruux ayaa ku dhimatay qaraxa ka dhacay Suuqa beerta ee degmada waaberi, waxaana ku dhaawacmay dad intaasi kasii badan.

Caasimada online
Xafiiska Muqdisho
Caasimada@live.com