Muuqaal: Shariif Xasan iyo maamulkiisa oo soo saaray farriin muhiim ah oo ku socoto dadweynaha Koonfur Galbeed

By Asad Cabdullahi Mataan

Baydhabo (Caasimadda Online) – Maamulka Koonfur Galbeed ayaa ku dhawaaqay inuu u bilaaban doono asbuuc loogu magac daray (Todobaadka Koonfur Galbeed iyo dadkeeda) oo macnaheedu yahay asbuuca lala xisaabtami doono Maamulka Koonfur Galbeed iyo waxa u qabsoomay labadii sano oo ay jireyn.

Haddaba maamulka Koonfur Galbeed ayaa soo saaray muuqaal ka hadlayo farriin uu madaxweynaha Koonfur Galbeed Shariif Xasan Shiikh Aadan iyo wasiirka Warfaafinta Ugaas Xasan u direyn shacabka Koonfur Galbeed iyagoo ugu baaqay inay kasoo qeyb galaan kulankaas isla xisaabtanka iyo is aaminaada ah.

Kulankaas ayaa sida uu qorshahu yahay bilaaban doono Maalinta Axada ah oo ay taarikh ku beegan tahay 26 March 2017, waxaana kasoo qeyb geli doono dhammaan hey’adaha kala duwan ee Maamulka Koonfur Galbeed, waxayna halkaas dadweynaha su,aalo ku waydiin doonaa madaxda.

Haddaba halkaan hoose ka daawo muuqaalka:

Caasimada Online
Xafiiska Baydhabo
Caasimada@live.com