Mucaaradka A/Madoobe oo war cusub kasoo yeeray & Go’aan ay ka laabteen

Asad Cabdullahi MataanBy Asad Cabdullahi Mataan

Muqdisho (Caasimada online) Madaxweynayaashii isku magacaabay Jubbaland ,ee Iftiix Xasan Baasto, Cabdi Baaleey, Cumar Buraale, iyo wakiil ka socday Barre Hiiraale ayaa waxay ka wada hadleen arimo ay ka mid yihiin Heshiiskii Adis Ababa iyo Shirka 21-ka Bishan lagu wado inuu Muqdisho ka furmo.

Kadib kulan ay ku yeesheen magaalada Muqdisho, ayuu Cabdi Shire Warsame , Wakiilka Barre Aaadan Shire Hiiraale wuxuu  sheegay inay soo dhaweynayaan , isla-markaana ay taageeerayaan Heshiiskii Maamulka Jubba iyo sidoo kale dowlada Federaalka Soomaaliya ay kusoo kala saxiixdeen magaalada Adis Ababa.

Raggan ayaa hore waxay u sheegeen inay kasoo horjeedaan heshiiskaas, waxaana ay ku tilmaameen mid xaaran ah , isla markaana dowlada ay uga hiilisay rag ay diriri kala dhexeyso .

Cabdi Shire, wuxuu tilmaamay in iyagoo tix raacaya qodobo Dastuuri ah una hogaansamaya dowlada Soomaaliya ay soo dhaweynayaan Heshiiskaas iyo qodobadii labada dhinac ay kal Sixiixdeen

Sidoo kale wuxuu tilmaamay inay isku raacsan yihiin wax waliba oo kasoo baxa shirka looga hadlayo aayaha gobolada Jubbooyinka iyo Gedo , ee lagu wado inuu Muqdisho ka furmo 21-ka bishan kaaas oo qabanqaabadiisa ay wado dowlada Soomaaliya.

Raggan ayaa dhowaan waxay dagaal magaalada Kimsaayo kula galeen Hogaamiyaha maamulka Jubba Axmed Maxamed Islaam Axmed Madoobe, inkastoo markii dambe laga soo saaray Magaalada .

Hogaamiyaha maamulka Jubba ay dhowaan ayaa si cad u sheegay inuusan ka qeyb galeyn Shirka qorshihiisu uu ka socdo magaalada Muqdisho ee looga hadlayoaayaha Jubbooyinka iyo Gedo.

Caasimada online

Xafiiska Muqdisho

Caasimada@live.com