Muqdisho (Caasimada Online)-Sida ay baahiyeen warbaahinta Britain Booliska ayaa soo bandhigay agabkii ay isticmaalayeen Kooxihii dhawaan weerarka ku qaaday buundada London.

Seddexda ruux ee weerarka ku qaaday buundada London ayaa kala ahaa Khuram Butt, 27-jir, Rachid Redouane, 30-jir, iyo Youssef Zaghba, 22-jir.

Agabka uu soo bandhigay Booliska ayaa isugu jira Mindiyo, Gawaari, Qaraxyo, Suuman iyo agab kale oo ay isticmaalayeen Kooxda.

Booliska ayaa sheegay in ilaa iyo xad ay fashiliyeen weerarka waxa ayna cudur daar ka dhigeen in Kooxdaasi ay u diideen inay isku Qarxiyaan Qaraxyadii ku xirnaa.

Booliska waxa uu sidoo kale bar aqoonsaday maleeshiyaadka weerarka fuliyay kuwaa oo horay u galay danbiyo Qaran.

HOOS KA DAAWO SAWIRADDA

Muqdisho (Caasimada Online) – Hogaamiyaha Maamulka Koofur Galbeed Shariif Xasan Sheekh Aadan ayaa weli ku sugan magaalada Abu Dabai ee xarunta dalka Imaaraadka Carabta.

Hogaamiyaha ayaa halkaa kula kulmay mas’uuliyiin ka tirsan Shirkadda DP World oo ay kawada hadleen arrimo dhowr ah.

Hogaamiyaha ayaa madaxda shirkada ka dalbaday inay qeyb ka noqdaan maalgashiga ku socda deegaanada maamulka Koonfur Galbeed, waxa uuna usoo jeediyay inay qiimeyn ku sameeyan Dekadda Baraawe oo aan iminka shaqeyn.

Shariif Xasan ayaa Madaxda usoo bandhigay inay dhismo ku sameysan karaan Dekadda Baraawe oo la rumeysan yahay inay kasoo xaroon karto dhaqaale xoogan.

Shariif Xasan iyo Madaxda Shirkada ayaa ugu danbeyntii isku afgartay in la qiimeeyo Dekadda Baraawe, si loo soo arko meelaha maalgashiga u baahan.

Shirkadaani ayaa la filayaa in wafdi ay u dirto magaalada Baydhabo kuwaa oo qiimeyn doona qaab dhismeedka Dekadda Baraawe iyo dhaqaalaha ku bixi kara haddii ay dhacdo in lagu heshiiyo qorshaha ay Imaaraadka kula wareegeyso Dekadda.

Shirkaddan laga leeyahay dalka isu tagga Imaaraadka Carabta ayaa qorsheyneysa inay la wareegto dhamaan Dekedaha ku yaala Soomaaliya.

Shirkadda DP World ayaa qorsheyneysa inay la wareegto dhamaan Dekedaha ku yaala dalka, waxa ayna horay ula soo wareegtay dhowr Dekadda.

Dekadaha ay horay ula wareegtay shirkadaani ayaa waxaa kamid ah Dekedaha Berbera iyo Boosaaso oo ay heshiisyo kala gaar gaar ah la gashay Maamulada Puntland iyo Somaliland.

Dowlada Imaaraadka ayaa ku taameysa inay xajisato dhammaan Dekadaha ku yaalla dalka, gaar ahaan kuwa ay maamulaan maamul Goboleedyada.

Dhinaca kale, waxaa jira warar hoose oo sheegaya in Hogaamiyaha maamulka Koonfur Galbeed iyo Madaxda Shirkadda DP World ay isla gaaren heshiis ku aadan inay la wareegayaan Dekadda Baraawe.

Muqdisho (Caasimada Online) – Wasiiru dowlaha Arrimaha Dibadda Qatar Sultan bin Saad Al-Muraikhi iyo wafti la socda, ayaa socdaal deg deg ah kusoo gaaray magaalada Muqdisho ee caasimadda Soomaaliya, halkaasi oo uu iminka kulan kula leeyahay madaxda dowladda Soomaaliya.

Xog aan helnay ayaa sheegeysa in Sultan bin Saad Al-Muraikhi uu iminka kulan la leeyahay ra’iisul wasaare Xasan Cali Kheyre, uuna kala hadlayo xiisadda ka dhex ooggan dalalka Carabta ee Soomaaliya ay dhexdhexaadka ka noqotay.

Waxaa la sheegay inuu uga mahad-celin doono Soomaaliya, sida aysan ugu biirin dalalka Islaamiga ah ee colaadiyey dalka QATAR.

Sultan bin Saad Al-Muraikhi ayaa sidoo kale la filayaa inuu la kulmo madaxweynaha Soomaaliya Maxamed Cabdullaahi Farmaajo, kalana hadlo arrintan.

Warar kale oo aan helnay ayaa sheegaya in dowaldda Qatar ee dhaqaalle xooggan siin doonto dowladda Soomaaliya, go’aanka ay qaadatay darteed, ayada oo rumeysan in go’aankan dowladda Soomaaliya uu colaad uga abuuray dalalka kale ee Carbeed.

Go’aanka Soomaaliya ayaa keenay in Sacuudiga ay dib u dhigaan dhaqaale ay horey ugu ballan qaadeen Soomaaliya, kuna cadaadinayaan in xiriirka loo jaro dalka Qatar.

Diyaaradaha shirkadda Qatar Airways ayaa hadda adeegsaday hawada Soomaaliya kadib markii laga mamnuucay hawada dalalka ku yaalla gacanka carbeed.

Soomaaliya ayaa ku sugan xaalad laba darro mid dooro ah, waxaana go’aan kasta oo ay qaadatay uu yahay mid dhinac uga abuurayo saaxiibo dhinaca kalena cadaawad.

Caasimada Online
Xafiiska Muqdisho
[email protected]

Muqdisho (Caasimada Online) – Ciidamo ka tirsan milateriga dowladda federaalka Somalia ayaa la sheegay inay abaabul ka dhan ah qorshaha howlgalka xasilinta amniga Muqdisho ka wada degmada Kaaraan, kuwaasi oo beel ahaan kasoo jeeda Waqooyiga magaalada Muqdisho.

Arrintaan ayaa ka danbeysay labo maalin kadib markii Guddoomiyaha degmada Kaaraan C/fataax Nuur Cali “Yaanyo” u yeeray ciidamada xasilinta, halkaasina oo ay markii ay yimaadeen isku dhac ku dhex maray ciidamo milateriga ka tirsan oo deegaanka ah iyo ciidamadii loo yeeray ee ka socday kuwa xasilinta caasimada, waxaana halkaasi ku dhintay Guddoomiye waaxeed iyo dad kale oo dhaawacyo kala duwan kasoo gaaray.

Warku wuxuu intaa ku darayaa in ciidamadaan oo qaab beeleed isu abaabulaayo ayaa waxay kasoo horjeedaan falkii maalintii Jimcaha ciidamada xasilinta amniga Muqdisho hub ka dhigis ugu sameeyeen ciidamo ku sugnaa degmada Kaaraan, kuwaasi qaarkood hubkoodii lala wareegay xabsigana la dhigay.

Warar madaxbanaan ayaa sheegaya in siyaasiyiin iyo mas’uuliyiin ay ku lug leeyihiin abaabulkaan looga soo horjeedo in mar kale ay ciidamada xasilinta amniga Muqdisho howlgal ka fulin degmada Kaaraan.

Xildhibaan Muuse Suudi Yalaxow oo ka tirsan Senatorada aqalka sare oo deegaan ku leh dhismihii taliskii ciidamada badda ayaa la sheegay inuu taageerayo qorshahaan ay wadaan ciidamada milateriga ee qaabka beeleed isu abaabulaayo.

Caasimada Online
Xafiiska Muqdisho
[email protected]

Muqdisho (Caasimada Online) – Qarax culus ayaa waxa uu Caawa ka dhacay magaalada Muqdisho ee caasimada Somalia, waxaana Qaraxa xigay rasaas xoogan.

Qaraxa ayaa ka dhacay inta u dhexeysa Isbitaal Digfeer iyo Isgooyska Banaadir, waxaana Qaraxa xoogiisa laga wada maqlay Degmooyinka Gobolka Banaadir.

Qaraxa ayaa ka dhacay goob aad u mashquul badan xili dadka eeryadaasi ku sugnaa ay ahaayen kuwo ka baxay afurka.

Goobta Qaraxa ayaa waxaa hadda ku sugan ciidamo ka tirsan dowlada kuwaa oo xiray dhammaan waddooyinka iyo isu socodka gaadiidka.

Ma cadda Khasaaraha ka dhashay Qaraxa iyo waxa uu ahaa bartilmaameedka.

Caasimada Online
Xafiiska Muqdisho
[email protected]

Muqdisho (Caasimada Online) – Mid kamid ah duuliyayaasha shirkada Easyjet ayaa si argagax leh u dajiyay diyaarad uu kasoo duuliyay dalka Slovenia kuna socotay UK.

Diyaaradaani ayaa waxaa saarnaa rakaab tirro ahaan lagu sheegay 151 rakaab kuwaa oo galay jawi kaduwan kii hore kadib markii gudaha diyaarada lagu arkay dhalinyaro ku sheekeysanaayay Daacish iyo Al-qacida.

Rakaabka diyaarada ayaa durba wargaliyay howlwadeenada diyaarada, iyagoo u sheegay in diyaarada ay la socdaan 3 Ruux oo si aad ah uga sheekeysanaaya Kooxaha argagixisada.

Diyaarada oo kusii jeeday UK ayaa laga dajiyay garoonka Cologne-Bonn ee dalka Jarmalka, waxaana xabsi la dhigay 3dii dhalinyaro ee laga shakisnaa.

Booliska ayaa burburiyay Boorso weyn oo ay wateen dhalinyaradaasi kadib markii laga shakiyay isku xirnaanshahooda iyo sheekooyinkooda ku aadanaa howlaha argagixisada.

Booliska Cologne ayaa sheegay in qaar ka mid ah rakaabka ay shaqaalaha diyaarada ku wargeliyaan in saddexda nin ay ka sheekaysanayeen argagixisanimo, balse faahfaahin dheeraad ah laguma sheegin qoraalka.

Dhinaca kale, Maamulka Shirkadda Easyjet ayaa sheegay in duuliyaha uu gaaray go’aanka dejinta diyaaradda, si uu u hubiyo ammaanka rakaabka diyaaradda saaran.

Caasimada Online
Xafiiska Muqdisho
[email protected]

Hargeysa (Caasimada Online) – Madaxweynaha Jamhuuriyadda Somaliland, Mudane Axmed Maxamed Silaanyo, waxa uu xeer Madaxweyne oo summadeedu tahay JSL/M/XERM/249-4866/062017 ku Cayimay Xilliga Doorashada Madaxweynaha iyo Madaxweyne Ku-xigeenka Jamhuuriyadda Somaliland la qaban doono

Madaxweynuhu:
Markuu Arkay: Qodobka 90aad ee Dastuurka Jamhuuriyadda Somaliland;

Markuu Arkay: Qodobka 83aad ee Dastuurka Jamhuuriyadda Somaliland;

Markuu Arkay: Qodobka 9aad ee Xeerka Wax-ka Beddelka iyo Kaabista Xeerka Doorashooyinka Madaxtooyada iyo Goleyaasha Deegaanada ee Xeer Lr. 20/ 2001;

Markuu Helay: Qoraalka Guddida Doorashooyinka Qaranka ee Summaddiisu tahay KDQ/XK/060/2017 ee ku taariikhaysan 08/06/2017, Ujeeddadiisuna tahay Cayimaadda Doorashada Madaxweynaha iyo Madaxweyne Ku-xigeenka Jamhuuriyadda Somaliland, si waafaqsan Qodobka 9aad (2) ee Xeerka Wax-ka Beddelka iyo Kaabista Xeerka Doorashooyinka Madaxtooyada iyo Goleyaasha Deegaannada ee Xeer Lr. 20/ 2001;

Markuu Arkay: Go’aanka Golaha Guurtida Jamhuuriyadda Somaliland ee summaddiisu tahay GG/JSL/Go’aan-02/03/2017, kuna taariikhaysan 06/03/2017, kaas oo lagu sameeyey muddo korodhsiimo ku eeg 13/12/2017;

Markuu Arkay: Qoraalka Maxkamadda Dastuuriga ah, ee summaddiisu tahay MD/DD/01/2017, kuna taariikhaysan 16/02/2017, ujeeddadiisuna tahay Qaraarka Dib-u-eegista Qaraar Fasiraad lam.MS/DD/02/2015 ee 18/08/2015;

Markuu Ku Qancay: In ay lagama-maarmaan u tahay Hannaanka Dimuqraadiyadda iyo Doorashooyinka in la cayimo Xilliga Doorashada Madaxweynaha iyo Madaxweyne Ku-xigeenka Jamhuuriyadda Somaliland;

Wuxuu Soo saaray Xeerkan oo lagu go’aamiyey in taariikhdu marka ay tahay 13/11/2017, ay noqoto maalinta ay qabsoomayso Doorashada Madaxweynaha iyo Madaxweyne Ku-xigeenka Jamhuuriyadda Somaliland.

Caasimada Online
Xafiiska Hargeysa
[email protected]

Makka (Caasimadda Online) – Madaxda dowladda Sadcuudiga ayaa dadka kasoo jeedo dalka Qatar ka mamnuucay inay galaan beydka Alle ee Xaramka taasoo qeyb ka ah dagaalka ay kula jiraan dowladaha Khaliijka wadanka Qatar sida uu qoray wargeyska kasoo baxo Magaalada Doha ee lagu magacaabo Al Sharq newspaper.

Ururka Xuquuqul Insaanka dalka Qatar ee loo yaqaan Qatar’s National Human Rights Commission (NHRC) ayaa ka dhawaajiyey inay soo gaartay cabashooyin ka imaanayo dadka kasoo jeedo Qatar kuwaas oo sheegay inay dowladda Sacuudiga u diiday inay galaan Masjidka Haramka ee ku yaal Makka iyo Beydka Alle.

Ali bin Smaikh al-Marri oo ah madaxda ugu sareeyo hey’adda NHRC ayaa tilmaamay inay arrintaan ka hor imaaneyso Xuquuqul Insaanka, sidoo kalana ay xad gudub weyn ku tahay diinta Islaamka in dad Muslimiin ah loo diido inay booqdaan beydka Alle.

Wuxuu cambaareeyey falkaan uu ku tilmaamay inuu yahay mid ka dhan ah diinta islaamka iyo xuquuqul insaanka, wuxuuna ka codsaday hey’adaha Islaamiga ah inay arrintaan soo farageliyaan.

Dadka falanqeeyo siyaasadda Bariga dhexe ayaa muujinayo in tallaabada ay Sacuudiga dadka Qatar ugu diiday beydka Alle ay tahay mid nacasnimo ah isla markaasna aan wax raad ah ku laheyn diinta Islaamka.

Dowladda Sacuudiga ayaa waji kale oo foosl xumo ah u rogtay dagaalkii ay dowladaha Khaliijka kula jireen Dalka Qatar oo ay ku tilmaameen inay garab siiso kooxaha argagixisada.

Dowladda Sacuudiga weli si rasmi ah uguma hadlin go’aankaan cusub oo ay qaadatay, waxaana la sugayaa sida uu arrintaan uga hadlo u adeegaha Beydka Alle ee dalka Sacuudiga.

Caasimada Online
Xafiiska Jeddah
[email protected]

Baydhabo (Caasimada Online) – Waxaa magaalada Baydhabo lagu xiray Sargaal ka tirsan ciidamada maamulka Koonfur Galbeed, kaa oo lagu eedeeyay inuu ka danbeeyay toogashadii Jimcihii ka dhacday Magaalada Baydhabo.

Sargaalkani oo lagu magacaabo Cabdulle Isaaq ayaa dadka la toogtay u adeegsaday ciidamo isaga ka amarqaata kuwaa oo toogasho ku dilay 17 ruux oo rayid u badan iyo dhaawaca tiro ka badan 10 kale.

Cabdulle Isaaq oo ka tirsan Saraakiisha Ciidamada Daraawiishta ee Koonfur Galbeed, ayaa ciidan uu horkacayay waxaa uu ku amray in ay xoog ku galaan xero ku taala bariga Baydhabo oo raashiin loogu qaybinayay qoysas barakacayaal ah.

Xariga Sargaalkani ayaa waxaa qeyb weyn ka qaatay ciidamada Ethiopia ee ka howlgala magaalada Baydhabo oo iyagu weerar ku qaaday Hooyga Sargaalka gacan ku dhiiglaha ah.

Ehelada Sarkaalka ayaa la sheegay n ay iyaga ogolaadeen in Sarkaalkaas la xiro si xal looga gaaro xiisadii gacan ka hadalka dhlisay ee ka dhacday Magaalada Baydhabo ee Xarunta Gobolka Baay.

Dhinaca kale, amarka lagu xiray Sargaalkani ayaa waxaa lahaa Hogaamiyaha maamulka Koonfur Galbeed, Shariif Xasan Sheekh Aadan.

Caasimada Online
Xafiiska Baydhabo
[email protected]

Dowladda federaalka Somalia oo go’aan dhexdhexaadnimo ah ka qaadatay muranka iyo khilaafka dalalka Khaliijka ayaa waxaa ay taasi keentay in dowladda Sacuudiga uu mugdi geliyo taageeradii Somalia u ballan qaatay isla markaana uu ku cadaadiyo dowladda madaxweyne Farmaajo in xiriirka u jarto dalka Qatar.

Tallaabada ay dowladda Somalia ku muujisay mowqifkeeda wuxuu sababay in wafdi wasiiro ah oo booqasho ku tegay Riyadh ay natiijo la’aan dalkii dib ugu soo laabtaan, heerkii qaabileed ee la filayayna aysan la kulmin.

Sacuudiga ayaa doonaya in dowladda curdanka ee Somalia ku fikrad noqoto dalalka xiriirka u jaray wadanka Qatar, Sacuudigana uu sii xoojiyo xiriirka kala dhaxeeya dowladda cusub.

Arrintaan ayaa waxay noqotay labo daran mid dooro, waxaana laga yaabaa in go’aanka dowladda qaadatay haddii ay ku sii dheganaado in dowladda Sacuudiga iyo Imaaraatka ay gaabin doonaan xiriirka Somalia la leeyihiin, taasoo seameyn doonto ganacsiga baaxada leh ee ganacsatada Soomaaliyeed.

Sacuudiga ayaa la filayay in ay dib u fasaxaan oo ay bilaabaan dhoofinta xoolaha oo dhaqaale xoogan uu kasoo galo Somalia, halka dalka Imaaraatka Carabta uu yahay dalka kaliya ee ganacsiga ugu xoogan ka hesho Somalia.

Ganacsiga ugu badan ee raashinka sida, burka, bariiska, sonkorta, bagaashka, dharka iyo maciishadaha kala duwan ayaa waxaa laga keenaa dalka Imaaraadka Carabta oo ganacsatada Soomaaliyeed ay ku tiirsan yihiin.

Haddii dowladda federaalka ay caddeyn weydo mowqifkeeda ku aadan cidda ay taageerto ama ay codkeeda ku biirin weydo dalalka xiriirka u jaray Qatar, waxaa uu saameyn doonaa nolosha malaayiin Soomaaliyeed oo ku tiirsan dekaddaha Imaaraatka ee soo mara ganacsiga kala duwan iyo Suuqa xoolaha ee Sacuudiga oo la filayay in dhawaan dib u bilaabaan dhoofinta xoolaha.Dowladda Somalia ayaa xiriir dhow la leh dalka Qatar oo madaxweynaha Somalia ka taageertay inuu ku guuleysto kursiga madaxweynenimada.

Agaasimaha Madaxtooyada Fahad Yaasiin oo saaxib la ah Madaxweyne Farmaajo ayaa la rumeysan yahay inuu yahay nin xiriir dhow la leh dowladda Qatar, wuxuuna qabaa inaan xiriirka loo jarin dowladda Qatar.

Dowladda Somalia ee curdanka ah ayaa dhex taagan xaalad siyaasadeed oo u baahan in si degan looga baaraan dego, iyadoo awalba ay xaalad noocaan ah ka haysatay dalalka deriska oo aysan isku fiicneyn, haddii tani ay kusii darsantana waxay u muuqataa dowlad ku dhex dhimata dalal is-diidan iyo dib u dhac 26 sano laga soo kabsaday in dib loogu noqdo.

Waxaa la gudgeon dowladda uu hoggaamiyo madaxweyne Farmaajo iyo RW Kheyre in ay ka daaraan degaan siyaasadaha is-diidan iyo khilaafka dalalka Khaliijka iyagoo u daneynaaya 10-milyan ee ay madalaan, iyadoo aan la fiirin dano shaqsi, koox ama dal, kana shaqeeyaan danaha malaayiinta qof ee ay ku dhaarteen.

Waxaa boggaadin mudan go’aanka dowladda Jabuuti ka qaadatay qalalaasaha Carbeed ee Khaliijka ka taagan, iyadoo eegtay danaha shacabkeeda, cidnana ku xadgudbin.

W/Qoray: Ali Muhiyaddiin.
Facebook.com/sheekha2

Muqdisho (Caasimada Online) – Warar hoose oo aan ka heleyno Safaarada Imaaraadka ee magaalada Muqdisho ayaa sheegaya in dowlada Imaaraadka ay u yeertay Danjiraheeda Somalia Maxamed Al-Cuthmaan.

Danjiraha ayaa waxaa u yeeray Wasiirka arrimaha dibadda Imaaraadka kadib markii ay sii xoogeysatay xiisada Sacuudiga iyo Imaaraadka kala dhexeysa dowlada Qadar.

Danjiraha ayaa la sheegay in loo yeeray wixii ka danbeeyay go’aanka ay dowlada Somalia ka qaadatay xiisada ka dhex aloosan dowladaha Sacuudiga iyo Qadar.

Danjiraha ayaa la sheegay inuu kamid noqon doono Guddi ay dowlada Imaaraadka u direyso dalalka carabta ee aan weli go’aan ka qaadan xiisada ka dhex aloosan dowladaha Khaliijka.

Dowlada Imaaraadka ayaa sii ololineysa xiisada ka dhex taagan dowladaha Sacuudiga iyo Qadar, waxa ayna Imaaraadka dhowr sano ku taameysay in adduunka laga horgeeyo Qadar.

Si kastaba ha ahee, Dowlada Imaaraadka ayaa dhanka kale culeys ka saareysa dowlada Somalia si ay qeyb uga noqoto xiisaada ka dhex aloosan dowladaha Khaliijka.

Caasimada Online
Xafiiska Muqdisho
[email protected]

Muqdisho (Caasimada Online) – Madaxweynaha Somalia Maxamed C/llahi Farmaajo ayaa qadka Telefoonka kula hadlay dhigiisa dalka Qadar Sheekh Tamim Bin Xamad Al Thani, sida ay sheegeen ilo lagu kalsoon yahay.

Sida ilo-wareedyadu sheegeen, Labada mas’uul ayaa si qoto dheer uga wadahadlay xiisada Qadar kala dhexeysa dowlada Sacuudiga, kadib markii ay soo ifbaxeen eedeymo la xiriira in Qadar ay dhaqaale ku bixiso Kooxaha Nabadiidka ee Argagixisada.

Amiirka Dalka Qatar Sheekh Tamim Bin Xamad Al Thani, ayaa Madaxweynaha Somalia ka dalbaday inuu qeyb ka noqdo dowladaha garabka u ah, bacdamaa xulafada Sacuudiga ay dhambaalo gaarsiinayaan dowladaha carabta ee aan qeybta ka aheyn xiisada.

Amiirka Dalka Qatar Sheekh Tamim Bin Xamad Al Thani, waxa uu Madaxweynaha Somalia si diiran uga codsaday inay ku biiran garabkooda kasoo horjeeda Sacuudiga iyadoo la eegaayo xiriirka Somalia kala dhexeeya Qadar.

Ilo ku dhow dhow Madaxweynaha Somalia ayaa sheegay in Madaxweyhuhu uu ka cudur daartay in dowladiisa ay ku biirto xiisada ka dhexeeysa labada dal.

Madaxweynuhu waxa uu sidoo kale Amiirka Dalka Qatar Sheekh Tamim Bin Xamad Al Thani u ballanqaaday inay ka qeybqaadan doonaan dadaalada lagu heshiisiinaayo Sacuudiga iyo Qadar, iyadoo wixii intaa ka badan aysan awoodi karin Somalia.

Sidoo kale, Amiirka Dalka Qatar Sheekh Tamim Bin Xamad Al Thani, ayaa dhigiisa Somalia u ballanqaaday inaanu waxba iska bedeli doonin garab istaaga Somalia, waxa uuna u cadeeyay in Qadar aysan saameyn ku yeelan doonin go’aanka Sacuudiga.

Si kastaba ha ahaatee, Dowlada Qadar ayaa awooda ugu badan isugu geyneysa kasbashada Somalia, waxa ayna Qadar cabsi ba’an ka qabtaa in Somalia ay ku biirto taageerada Sacuudiga.

Caasimada Online
Xafiiska Muqdisho
[email protected]

Muqdisho (Caasimada Online) – Dowladda Federaalka Soomaaliya ayaa ku baaqday in dadka shacabka ah ee deggan guryaha xoogga dalka ay sida ugu dhaqsiyaha badan uga baxaan.

Kulan ay Muqdisho ku yeesheen golaha wasiirada iyo sidoo kale Taliyeyaasha ciidamada oo looga hadlayey arrimo ku aadan xasilinta Muqdisho ayaa waxaa qodobadii kasoo baxay kamid ahaa in shacabka si kama dambeys ah uga guuraan 1-da July guryaha ay leeyihiin ciidank xoogga dalka.

“In la baneeyo lagana baxo guryaha ay leeyihiin Ciidamada Xooga dalka ee ku yaalla Muqdisho 1 Julaayo ka dib Shacab laguma arki karo Guryaha Ciidamada Xooga” ayaa lagu yiri qoraalka dowladda.

Shacab Soomaaliyeed ayaa muddo badan ku nool xarumo muhiim ah oo ciidanka xoogga dalka ku leeyihiin magaalada Muqdisho.

Caasimada Online
Xafiiska Muqdisho
[email protected]

Muqdisho (Caasimada Online)-Ra’isul wasaaraha Xukuumada Somalia Xasan Cali Khayre ayaa afur u sameeyay Madaxda Hay’adaha amaanka DF.

Ra’isul wasaaraha ayaa afurka kadib Madaxda ugu baaqay inay u adeegan bulshada Soomaaliyeed, isla markaana ay wax muuqda ka qabtaan amni darida weli ka jirta dalka.

Kheyre ayaa madaxda Ciidamada Xasilinta Caasimadda u sheegay in Mas’uuliyiinta dowladda Soomaliya ay la qeybsanayaan Marxalad kaste oo ay ku sugan yihiin.

Kheyre waxa uu sidoo kale sheegay inay muhiim tahay in meel looga soo wada jeesto shaqsiyaadka hubeysan ee doonaaya inay carqaladeeyan amniga Muqdisho.

Muqdisho (Caasimada Online)- Haweenka Soomaaliyeed ayaa mudooyinkii u danbeeyay kusoo badanayay qeybaha kala duwan ee ciidamada, gaar ahaan taliska booliska Soomaaliyeed oo ay ka dhex muuqdeen, waxayna qeyb ka noqdeen lafdhabarka booliska Soomaaliyeed, iyadoo muuqaaladaan ay muujinayaan kartida iyo ad-adeega haweenka Soomaaliyeed.

HALKAAN KA DAAWO MUUQAALADA

Caasimada Online
Xafiiska Muqdisho
[email protected]