(Mogadishu, Somalia, October,07, 2012) Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta xafiiskiisa ku qaabilay Safiirka Dowladda Hindiya ee Soomaaliya Ambasador Sibabrata Tripathia

Madaxweynaha Jamhuuriyadda iyo Safiirka Hindiya ee Soomaaliya ayaa ka wada hadlay sidii loo xoojin lahaa xiriirka labadda dalka , Ganacsiga, Dib u dhiska, Horumarinta, Ammaanka, iskaashiga labada Dowladood iyo arrimo kale.

Ugu dambeeyntii Ambasador Sibabrata Tripathia ayaa madaxweynaha Jamhuuriyadda Federaalka Soomaaliya iyo Ra’iisul Wasaaraha cusub ugu hambalyeeyey xilalka cusub .

Dhamaad

Kooxaha uu kulanku u dhexeeyo: Barcelona vs Real Madrid.

Garoonka lagu ciyaarayo: Comp Nou.

Saacada geeska Africa: 8:50 PM [Sedax saac oo todan daqiiqo dhiman]

Garsooraha kulankaan qaban doona: Carlos Delgado Ferreiro.

Line up-ka macquulka ah ee laga yaabo inay labada koox kusoo galaan:

Barcelona:

Valdes
Alves, Song, Mascherano, Adriano
Xavi, Busquets, Iniesta
Pedro, Messi, Sanchez.

Real Madrid:

Casillas
Arbeloa, Pepe, Ramos, Marcelo
Khedira, Alonso
Di Maria, Ozil, Ronaldo
Benzema.

Barcelona iyo Real Madrid ayaa is wajihi doona kulankoodii 222-aad ee tartamada oo idil, iyadoo Barcelona ay ka guuleysatay Real 87 jeer, halka kooxda martida ah ay guuleysatay 88 jeer, 47 kulana barbaro ayey ku kala bexeen.

Kulankaan ayaa dhacaaya iyadoo Barcelona ay Real ka dhibco badan tahay dhanka horyaalka waxayna ka sareysaa 8 dhibcood.

Real ayaa heysata natiijooyin niyad dhis ah waxayna gaartay afar guul oo isku xigta, laakiin kooxda martida loo yahay sooma gaarin guul darro uga dambeysay tii ay Real kaga qaaday Super Cup Spain.

Wax badan ka baro kulankaan ‘El Clasico’.

Barcelona ayaa wajaheysa Real Madrid kulankii 222aad ee tartamada oo dhan. Kooxda Catalans waxa ay badisay 87 jeer, halka Real Madrid ay badisay 88 jeer.

Blaugrana ayaa badisay dhamaan lixdii kulan ee ugu danbeysay ee tartamada oo dhan ah tan iyo intii guuldarro 2-1 ay ka soo gaartay Madrid koobkii Supercopa.

Hadii Barca ay badiso caawa, waxa ay ka dhigan tahay ku bilaabashadoodii ugu fiicneyd horyaalka ee abid.

Real Madrid ayaa laga badiyay seddex ka mid ah shantii kulan ee ugu danbeysay ee ay marti ahaayeen tartamada oo dhan.

Los Blancos ayaa badisay kaliya hal kulan sideedii kulan ee ugu danbeysay ee La Liga ee ay qoorta isku galaan Barcelona, halka lix kulan laga badiyay kulanka kalena barbaro ayay ku kala baxeen.

Rikoorka Jose Mourinho ee kaga horyimid Barcelona intii uu macalin u ahaa Chelsea, Inter iyo Real Madrid waa sida tan: Waxa uu badiyay lix kulan, waxa ay uu barbaro kala kulmay 7 kulan, waxaana ay guuldarro ka soo gaartay 10 kulan. Barca ayaana ah kooxda ugu badan ee guuldarro soo gaarsiisa Mourinho intii uu macalin ahaa.

Cristiano Ronaldo ayaa dhaliyay 12 gool tartamada oo dhan xilli ciyaareedkan, waxaana uu labo gool dheer yahay dhigiisa Barca Lionel Messi.

Garsoorka kulankaani waa side.?

Xiriirka kubada cagta dalka Spain ayaa kulankaan u magacaabay inuu dhex dhexaadiyo Carlos Delgado Ferreiro.

Laakiin uma muuqdo inuu yahay nasiibka Barcelona, si gaar ah ayeyna isha ugu heyn doontaa, ka dib markii uu dhex dhexaadiyey  14 kulan oo ay ciyaareysay Barcelona, waxay badisay 11 kulan, 2 kulan waa laga badiyey, kulana barbaro ayey gashay. Wuxuuna ciyaartoyda Barcelona siiyey hal kaar oo casaan ah, iyadoo ay ka roon yihiin dhanka Real.

Dhanka Real Madrid, wuxuu u dhex dhexaadiyey 7 kulan , hal ciyaar lagama badin todobadaas kulan, shan ka mid ah wey badisay, labana barbaro ayey gashay. Wuxuuna mudadaas Real u taagay laba kaar oo casaan ah.

Si kastaba Carlos waa nin ku gaamuray garsoorka wuxuuna La Liga dhex dhexaadiyey 104 kulan.

Aduunku siduu u arkaa El Clasico.?

El Clasico war la’aan waa kulan kubada cagta ah oo ugu weyn caalamka sida uu sheegay Jose Mourinho:

“Marka ay Madrid la ciyaaryso Barcelona, adduunka oo dhan ayaa joogsada” ayuu yiri Mourinho.

“Waa kulan aan jecelnahay inaan ciyaarno, kaliya aniga kaliya ma ahan, laakiin hubaashii iyaga xitaa waa jecel yihiin, xaqiiqdii waa wax ka badan kulan caadi ah oo horyaal ah.”

Laakiin ninka kasoo horjeeda ee Tito Vilanova ulama muuqato sida uu kulankaan u balaariyey Jose wuxuuna keliya ku koobayaa kulan iyagu ay dhibco ka doonayaan:

“Waxaan ciyaareynaa kulanka kale oo kubada cagta kaasoo sheegi doonaa hadii aan shan, sideed ama 11 dhibcood ka sareyn doono Madrid.”

Siduu adiga kuula muuqdaa El Clasico? Fikirkaaga inoo sheeg.

Labada koox ayaa mid waliba u hardameysaa inay gaarto guul, Real kama daadegi doonto bareejo fikirkeedu waa inay ku badisaa Camp Nou, sababtoo ah sideed dhibcood ayey ka dambeysaa kooxda ay xafiiltamaan.

Iyadoo ka war heysa in Horyaalkii sanadii hore ay ku weysay gurigeeda tiiyoo ay Super Cup Spain uga soo tageen guriga Real Madrid, Barcelona ma aqbali karto guul darrado kasoo gaarta Camp Nou.

Si kastaba ha ahaatee waxa aan sugnaa waa waqti kooban oo 90 (Sagaashan) daqiiqo ah, oo ay labada koox garoonka ku wada jiraan.

Balse akhriste sideey kuula egtahay adigoo kaashanaaya Qibrada aad kulankaan u leedahay.

Ma Barcelona ayaa guul gaari doonta, mise Real ayaa sedaxda dhibcood kasoo fara maroojisan doonta, mise waa isku garba dhici doonaan.?

Saadaashaada kulankaan inoo sheeg, hadii aad haleesho saadaasha saxda ah ee goolasha la iska dhalinaayo kulankaan waxaan kugu soo qori doonaa warbixinta natiijada ciyaarta.

Dowladda Puntland ee Soomaaliyeed ayaa soo dhoweysey magacaabista Raysal wasaaraha cusub ee DF Somalia Cabdi Faarax Shirdoon ”Saacid” oo habeenimadii xalay lagu dhawaaqey.

Wasiirka Warfaafinta Puntland Eng.Maxamud Caydiid Dirir oo saxaafada maanta 07 October,2012 kula hadlay Garowe ayaa ku akhriyey bayaan xukuumadda ka soo baxay oo ku aadan magacaabista Wasiirka Koowaad ee DF Somalia.

Warka Puntland ka soo baxay ayaa lagu sheegey inay ka qayb qaateen hirgelintii qorshaha nabada Somalia ”RoadMap” ,waxana ay sheegeen inay Puntland diyaar u tahay sii xoojinta sidii lagu gaari lahaa Dowladda Somaliyeed oo nidaamka Federaalka ku shaqeysa.

Hadaba akhristayaasha sharafta leh waxaan halka idiin ku soo gudbineynaa nuqul kamida bayaankii ka soo baxay dowladda Puntland ,waxana uu u qornaa sidatan:.

7 October, 2012

Cristiano Ronaldo ayaa booska sagaalaad kaga jira liiska tobanka ciyaaryahan ee ugu goolasha badan kooxda Real Madrid, waxayna sedaxleydii uu ka dhaliyey Ajax ka dhigeysaa inuu kaalinta sagaalaad ku galo 158 gool oo uu u dhaliyey kooxda reer Spain, waxaana lagu dhiiri geliyey ninka reer Portugal inuu liiskaan hugaamiye ka noqon karo.

Kabtankii hore ee kooxda Real Madrid Amancio Amaro oo ah ninka ku jira kaalinta Tobnaad isagooo leh 155 gool ayaa qaba inuu noqon karo ninkii ugu goolasha badnaa ciyaartoydii soo martay Real.

wuxuuna u sheegay shabakada Goal.com inuu ku faraxsan yahay in Rikoorkiisa laga jebsho.

“Miyey ii keeneysaa aniga murugo hadii ay ciyaartoyda Real Madrid ka gudbaan goolasheyda? Maya,” ayuu yiri.

“Xittaa kama welwel qabo intii gool ee aan Real Madrid u dhaliyey, waxaa jira ciyaaryahano iga sareeya- keliya hada ma ahan Cristiano Ronaldo. Hada ma ahan inaan ka welwelo goolasha uu dhaliyey, laakiin wuxuu noqon karaa huga,miyaha goolasha.”

Manchester City ayaa diyaar u ah inay sameyso dhaqaaqoodii labaad bisha Janaayo iyagoona soo xero gelinaaya ninka 30 milyan oo euro lagu qiimeeyo ee weerarka uga ciyaara kooxda Fiorentina Stevan Jovetic.

Ilo lagu kalsoon yahay oo ay soo xigatay shabakada Goal.com, ayaa sheegaya in City ay xigaan la kulantay isbuucii lasoo dhaafay, laakiin kooxda Serie A ayaan ka fuqin qiimaha ay ku dooneyso xidiga weerarka ku wanaagsan.

Waxaa la fahamsan yahay in Fiorentina ay heshiis shaqsi ah la gaartay Jovetic kasoo lagu iibinaayo sanada soo aadan, taasoo inta badan ay waayihiisa kooxda Viola soo idleynaya dhamaadka sanadka.

Si kastaba, Sky Blue ayaa u dirtay madaxa horumarinta Ispoortiga ee kooxda Patrick Vieira, inuu soo daawado kulankii ay Fiorentina guul darrada 2-1 ka ah kala kulantay kooxda Inter.

Kooxda heysata hotyaalka Premier League ayaana diyaar u ah inay bisha January dhiig cusub kusoo darto ciyaartoydeeda, iyadoo xidigaan lagu qiimeeyo mid ka mid ah dhalinta ugu wanaagsan Yurub.

Laakiin waxay wajihi doonaa dagaal adag oo kala dhexeyn doona Juventus, taasoo 20 milyan oo euro oo ay ku dooneysay weeraryahanka laga soo diiday xagaagii lasoo dhaafay.

Ninka lagu naaneyso ‘JoJo’,  Jovetic ayaa afar gool dhaliyey lixdiisii kulan ee ugu horeysay xilli ciyaareedka cusub.

Tababaraha kooxda Barcelona Tito Vilanova ayaa qaboojiyey booska uu ku macaamiloon doono ninka ay kooxdiisu ku duuasho ee Lionel Messi, marka ay caawa ka hor yimaadaan kooxda ay xafiiltamaan ee Real Madrid, kulanka loogu magac daray El Clasico.

Ninka reer Argentina ayaan boosna looga cayimin Blaugrana, laakiin waxaa maanka lagu hayaa inuu cayaarayo booskiisa weerarka, iyadoo kooxda difaacaneysa koobka ay diyaarsanayaan inay shabaakad daafac oo celisa u dhigaan ninka jooga gaaban.

“Dhibaato kama taagna halka uu cayaarayo [Lionel] Messi,” ayuu Vilanova ku sharaxay shirkiisa Jaraa’id. “Madrid wey ogaan doontaa sida aan u ciyaareyno.”

El Clasico ayaa caawa bilaaban doonta xiliga geeska Africa marka ay saacxadu ku began tahay 8:50 PM [Laba Saac iyo Konton Daqiiqo].

Manchester United ayaa diirada saaratay  ninka lagu naaneyso Messi-ga cusub ee Alen Halilovic waxaana wararka xanta ah ay sheegayaan inuu usoo dhaqaaqo Old Trafford, sida uu qoray wageyska Daily Mirror.

Waxaa ninakaan si gaar ah loola barbar dhigaa weeraryaahanka kooxda Barcelona Lionel Messi.

Kubad sameeyaha kooxda Dinamo Zagreb ayaa ah keliya 16 jir wuxuuna ka ciyaaraa booska uu kaciyaaro ninka ay isku wadanka yihiin ee Luka Modric.

United wanted Modric this summer but he only had eyes for Real Madrid.

Tababaraha meesha fog wax ka arka Sir Alex Ferguson ayaa dhiiri gelinaaya in da’yarkaan Halilovic uu kusoo biirsho kooxdiisa United.

Laakiin ciyaaryahanka ayaa sheegay inuusan hada maanka ku heyn inuu aado koox kale balse uu doonayo inuu diirada saaro  u ciyaarista Zagreb: “Sheekada ku sabsan Manchester United? Wax badan masii fiirin wararka xanta ah. . Dinamo Zagreb ayaana go’aan ka gaari doonta waxa dhacaaya.

“Waxaan isku deyayaa inaan kor isku qaado inta karaankeyga ah – wax walba oo kale hada ima quseeyaan.”

Arsene Wenger ayaa isticmaali kara lacagtiisii ugu badneyd ee uu abid ciyaaryahan kusoo iibsado isagoo maanka ku haya inuu 35 milyan oo ginni bisha Janaayo kooxdiisa Gunners ugu soo xero geliso gool ma gafe Radmal Falcao.

Tababaraha Arsenal ayaa laga soo xigtay isuucii lasoo dhaafay inuu u baqooli karo xidiga.

“Hadii uu Arsene doonayo inuu lacagtaas isticmaalo inta uu Janaayo suuqa kala iibsigu furan yahay, xaqiiqdii taas wuu sameyn karaa,” ayuu yiri Gudoomiyaha Arsenal Peter Hill-Wood.

Arsenal iyo taageerayasheeda ayaa baadi goob ugu jira koobkoodii ugu horeeyey ilaa muddo todobo sano ah.

Mustaqbalka Nemanja Vidic ee  Manchester United ayaa shaki ku jiraa mar kale iyadoo kooxda reer Spain ee Barcelona iyo kooxda heysata horyaalka Italy ee Juventus ay isku deyayaan inay kabtanka ka dhaqaajiyaan gegeda Old Trafford, sida uu qoray warsidaha The People.

Labada kooxdood ayaa maanka ku haya inay ninka reer Serbia ka dhaqaajiyaan horyaalka Ingiriiska dhamaadka xilli ciyaareedkan, xitta hadii uu kusii jiro xaaladiisa dhaawaca ah.

Dhamaadla xilli ciyaareedka Vidic ayaa heshiiskiisa waxaa ka harsanaan doona hal sano, waxaana nasiib darro noqon doona inuu go’aan ka gaaro mustaqbalkiisa.

United, ayaa dhibaato kala kulmeysay laba sano ka hor  iyadoo Real Madrid ay xiiseyneysay ninkaan, waana inuu go’aan qaata 30 jirkaani hadii uu qandaraaska dhereynayo iyo hadii kale, kaasoo todobo isbuuc oo kale garoomada ka maqnaanaya.

Barcelona ayaa raadineysa ninkii booska ka bedeli lahaa Carles Puyol, iyadoo Old Lady ay dooneyso inay iska dhisto daafaceeda dambe.

Barcelona ayaa daafacaan ku rabta 12 milyan oo ginni, halka ay Juventus ku rabo ku dhowaad 16 milyan oo ginni.

Farshaxamiistaha Soomaaliyeed ee caanka ah Amin Camir, ayaa sawir gacmeed ka sameeyay magacaabista Ra’iisul wasaaraha Somalia, Cabdulqadir Faarax Shirdoon “Saacid”.

Amin ayaa sawir gacmeedkiisa ku muujiyay in dadweyne badan oo Soomaaliyeed ay kasoo horjeedaan magacaabista Saacid, sida isaga fikirkiisa ah ee uu sawiray.

Waxa uu sidoo kale uu kusoo qaatay talo ay Shariif Xasan iyo Gaas siinayaan Madaxweynaha ee ah inaan laga murgoon rabitaanka shacabka.

Waxa uu sidoo kale muujiyay in madaxweynaha iyo ra’iisul wasaarahaba ay lasoo shaqeeyeen ururada aan dowliga ahayn “NOGs”,  sidoo kalena la filayo dowlad NGO ah.

Haddaba arag Sawirka Amin

Ra’iisul Wasaarahii hore ee dalka Soomaaliya  Cabdi Wali Maxamad Cali Gaas ayaa u ballan qaaday  inuu la shaqeyn doono Ra’iisul Wasaaraha cusub ee Soomaaliya Cabdi Faarax Garaad Shirdoon Saacid.

C/wali Maxamed Cali Gaas Ra’iisul Wasaarahii hore ee dalka Soomaaliya ayaa mudanayaasha Baarlamaanka Soomaaliya waxaa sidoo kale uu ka codsaday inay la shaqeeyaan Ra’iisul Wasaaraha dalka Soomaaliya si uu uguto waajibaadka shaqo ee horyaala.

Gaas ayaa sidoo kale wuxuu sheegay 06-Septempar sanad kahor ay aheyd maalin taariiqi ah oo dalka Soomaaliya lagu saxiixay Road-mapka shalay oo maalintaasi oo kale ku beegan dalka waxaa loo magacaabay Ra’iisul Wasaare cusub.

Waxuu sheegay Ra’iisul Wasaarihii hore inay hortaalo Shaqo adag oo loo baahanyahay inuu ka gudbo.

Cabdi Faarax Garaad Shirdoon Saacid ayaa balan qaaday dhankiisa inuu dhamaystiri doono dowladiisa uuna wadada u xaarayoMusuqmaasuqa.

Shaki kuma jiro in dad badan oo Soomaaliyeed ay jeclaayeen inay arkaan Maxamed Cabdullahi Farmaajo oo loo magacaabo Ra’iisul Wasaaraha Dalka Somalia. Waxaa sidoo kale daah uusan saarneyn in Farmaajo uu muujiyay wax qabad cad, lix bil oo uu hogaaminayay hay’adda sharci fulinta dalka.

Ayada oo uu eegayo arrimahaas ayaa madaxweyne Xasan, waxa uu go’aankiisii ugu horeeyay ahaa inuu soo magacaabo Mr. Farmaajo, hase yeeshee ugu dambeyn uu ka laabtay kadib cadaadisyo xoogan oo isu biirsaday.

Haddaba, maxay tahay sababta loo magacaabi waayay Farmaajo, maadaama uu isku darsaday wax qabad iyo taageero shacab?

Waxaan isku dayeynaa inaan sharaxno dhowr qodob oo is biirsaday oo Farmaajo uu xilkaas ku seegay.

1 – Shacbiyaddiisa. Madaxweynuhu marnaba dhib kuma qabin inuu magacabao qof ka shacbiyad badan kana caansan, hase yeeshee dad isaga la taliyayaal u ah ayaa ku cabsi geliyay in awoodiisa iyo xilkiisa uu mugdi gali doono, haddii uu Farmaajo ka dhigo ra’iisul wasaare. Gaar ahaan waxaa arrintan aad ugu ololeeyay kooxda Damul Jadiid oo iminka saameyn weyn ku leh siyaasadda Somalia, oo ka cabsaday in Farmaajo uu wiiqi karo hamigooda siyaasadeed. Xusuuso kooxdan waxa ay kaalin xoog leh ku lahayd doorashadii Madaxweynaha, waxayna isku dayeysaa inay siyaasadda dalka saameyn weyn ku yeelato.

2 – Shariif Xasan Sheikh Adan. Qof walba waa uu ka dheregsan yahay heerka ay gaar siisan tahay cadaawadda ka dhaxeysa Farmaajo iyo Shariif Xasan Sheikh Adan. Shariif Xasan waa ninkii ka dambeeyay in Farmaajo xilka laga qaado, xilli uu si aad ah ugu mintiday madaxweynihii hore ee dalka Shariif Sheikh Axmed. Shariif Xasan waxaa weli uu hami uga jiraa wasiirka Maaliyadda, sidaa dateedna wuxuu aaminay in haddii Farmaajo meesha yimaado uusan xilkaas arki doonin. Weli ma cadda inuu xilkaas iminka heli doono, hase yeeshee waa hamigiisa.

Xusuuso Shariif Xasan waa ninkii madaxweynaha siiyay codadkii uu kaga soo gudbay wareega koowaad ee doorashada intooda badan. Si kastaba madaxweynaha Shariif Xasan wuu u diidi karaa wasiirka maaliyadda isaga oo iska ilaalinaya kacdoon shacbi, hase yeeshee hadduu uu yeelay taladiisa ahayd inuusan Farmaajo magacaabin cid la og ma lahan.

3 – Ethiopia iyo Kenya. Ra’iisul Wasaare Saacid, waxa uu muddo degenaa dalka Kenya. Waxaa uu sidoo kale xiriir dhow la lee yahay Dowladda Ethiopia, waxaana Caasimada Online ay xog ku heshay inay kaalin ku lahaayeen magacaabistiisa, ayna ka dhaadhciyeen madaxweynaha in Farmaajo uusan ku habooneyn siyaasadda iminka socota ee ah “Wejiyo Cusub”, sidaa darteedna loo baahan yahay weji cusub, islamarkaana Saacid uu yahay nin ku haboon arrintaas.

4 – Caasho Xaaji Cilmi iyo Tarsan – Xaaska Ra’iisul Wasaaraha cusub ee Somalia Caasho Xaaji Cilmi, oo kasoo jeeda beesha Habar Gidir, Saleebaan, waxa ay loolan xoogan u gashay sidii ay u hor istaagi lahayd magacaabista Farmaajo, oo seygeeda oo ay aad beel ahaan isugu dhow yihiin Farmaajo loo magacaabi lahaa. Waxa ay madaxweynaha ka dhaadhicisay ayada oo kaashaneysa guddoomiyaha gobolka Banaadir ahna duqa magaalada Muqdisho Tarsan, in loo baahan yahay weji cusub. Waxa ay sidoo kale ayada iyo Tarsan ay madaxweynaha u sheegeen in haddii la magacaabo Saacid ay Caasho Xaaji Cilmi dowladda taageera buuxda uga gadi karto beesha ay kasoo jeedo ee Habar Gidir, oo miisaan culus ku leh siyaasadda dalka.

5 – Damul Jadiid. Xog aan helnay goor dambe ayaa sheegeysa in Saacdi uu xubin ka yahay Damul Jadiid, balse aanu ahayn qof muuqda ama ku fir fircoon kooxda. Damul Jadiid waxa ay madaxweynaha ku lee yihiin saameyn xoogan. Inta badan xubnaha ku hareereysan iyo la taliyayaashiisa waa kooxdaas, waxaana ay dagaal xoogan u galeen sidii ay u hor istaagi lahaayeen go’aan madaxweynaha ku magacaabi lahaa Farmaajo. Waxaa xitaa dhacday in maalin madaxweynu u yeeray suxufiyiinta si uu Farmaajo u magacaabo, hase yeeshee ay ugu dambeyn ayaga ka celiyeen, ayna ka dhaadhiciyeen Saacid oo ay u arkeen nin kooxda ka tirsan balse aan lagu ogeyn.

6 – Beesha Caalamka – Qodobkan, waa kan ugu weynaa ee madaxweynaha uu dhaafi waayay. Caasimada Online waxa ay xog ku heshay in madaxweynuhu diyaar u ahaa in dhammaan qodobada kale ee aan kor kusoo xusnay uu dhinac maro, balse uu meel uu dhaafo waayay beesha caalamka, gaar ahaan xafiiska QM ee Somalia ee uu hogaamiyo Mahiga. Ugu dambeyn markii madaxweynaha uu arkay dhammaan cadaadisyadii kale oo lagu diray diidmada beesha caalamka, ayuu ka weecday Farmaajo, welibana isaga oo jecel inuu magacaabo. Waxaa laga yaabaa in dad bada ay is yiraahdeen “Maxaa naga galay Beesha Caalamka?”, hase yeeshee siyaasaddu sidaas maaha. Mararka qaar waa inaad qaadataa go’aan aada og tahay inaadan ku faraxsaneyn.

Si kastaba Ra’iisul Wasaaraha cusub iyo dowalddiisaba ee uu soo dhisi doono, waxaan u rajeyneynaa guul iyo inay noqdaan kuwa kasii fiican Farmaajo oo dadka iyo dalka wax u qabta.

FG: Ma nihin taageerayaal Farmaajo iyo mucaarad madaxweynaha iyo ra’iisul wasaaraha cusub midna, balse haddaanu nahay Caasimada Online kama leexano runta, haddii aan jecel nahay iyo haddii kaleba, iyo haddii nalagu jecel yahay iyo haddii kaleba, sidaa darteedna qoraal kasta oo aan qorno kuma farxad gelin karno qof kasta, oo waa qasab in dadka qaar ay dhibsadaan, balse fikirkaaga waad nagu biirin kartaa. Mahadsanid

W/Q: Axmed Cali Sheikh “Alaxmed”                                                                                                                                     Tifaftiraha Caasimada Online

Madaxweynaha Somalia ayaa magacaabay wasiirka 1-aad ee dalka Somalia oo laga warsugayay muddo ku dhow bil cida uu u xulan doonno waxana ugu dambeyn nasiib u hellay Dr Saacid Faarax Shirdoon  oo ah nin dhaqaal yahan ah isla markaasna mudo kasoo shaqeeyay meelo badan.

Wararka hoose ee laga helayo Xafiiska madaxweynaha Jamhuriyadda federaalka Somalia xasan Shekh Maxamud ayaa shegaya in wasiirada qaar ay muran ka taagan yihiin sida loo qeybinaayo xukuumadda Ra’iisul wasaare Dr Saacid uu soo dhisaayo.

Wasiirada muranka uu ka taagan yahay waa wasiirada ugu muhiimsan sida wasiirka arrimaha gudaha,iyo  Wasiirka Maaliyadda.

Xogta hoose ee laga hellay xafiiska madaxweynaha waxay sheegaysa in ay jiraan shax wasiiro madaxweynaha horyaala kuwaas oo qaarkood aysan suura gal ahayn inuu magacaabo iyadoo ay jiran qaabka qeybsiga beelaha ee xilalka dowladda Somalia.

Wasaaradda Maaliyadda.

Wasiirka Maaliyadda ayaa ah wasiirka muranka ugu xoogan uu ka jiro waxa madaxweynaha uu doonayaa inuu u magacaabo wasaaraddaas Haween wuxuuna qorshaynayaa Ra’iisul wasaare ku xigeen ahna wasiirka Maaliyadda uu ka dhigo Fowsiyo Maxamed Sheekh oo ah xildhibaanad ka tirsan dowladda cusub kana tirsanaan jirtay xukumadihii kmg ahaa.

Fowsiyo waxay soo noqotay mar wasiirka Haweenka iyadoo xilkaas mudo haysay waxaana ay kamid noqotay Xildhibaanada cusub ee dowladda Somalia waxana door Muhiim ah xilligaan ka qaadatay ololahii Madaxweyne Xasan Sheekh waxaana la sheegaa inay loolan culus u gashay sidii Madaxweyne Xasan sheikh ay ugu muujin lahayd daacadnimadayda iyo howlkarnimadeeda iyadoo xildhibaano badan oo u dhawaa Madaxweynihii hore Shariif Sheekh Axmed iyo Musharaxiin kale ay si fudud ugu soo leexisay dhanka Madaxweyne Xasan SHeekh oo ugu dambeyn loo doortay madaxweynaha Somalia.

Fowsiyo waa mid kamid ah Tiirarka Kursiga Madaxweyne Xasan Sheekh Maxamuud waxaana Madaxweynaha kula balamay in laga dhigayo Gabadhii ugu horeysay ee Ra’iisul Wasaare ku xigeen ahna wasiirka maaliyadda ka noqota dalka Somalia iyado madaxweyne Xasan Sheekh oo Fagaaraha ka sheegay tiro dhowr jeer ah in haddii uu ku guulaysto xilka madaxweynaha uu  Haween u magacaabi doonno wasaaradda Maaliyadda taas oo muuqanayso in Fowsiyo ay tahay Wasiirka maaliyadda ahna Ra’iisul Wasaare ku xigeenka dalka Somalia oo warqadayda ay taallo.

Beelaha digil iyo Mirifle ayaa si xoogan ugu soo horjeestay in Fowsiyo Maxamed Sheekh laga dhigo Ra’iisul wasaare ku xigeen ahna wasiirka Maaliyadda waxayna sheegayaan inay tahay mid sharci darro ah oo lagu tumanayo Dastuurka iyo habka qeybsiga beelaha xilalka dowladda.

Fowsiyo Maxamed Sheekh Waxaa ay kasoo jeeda Beesha Eelay ee Raxanweyn waxana ay isku jufo yihiin guddoomiyaha Barlamanka Prof Maxamed Cisman jawaari oo isna ah Eelay ee Raxanweyn isla markasna aysan dhici Karin in labo qof oo Eelay ay qaataan xilalka ugu muhiimsan dowladda ee Digil iyo Mirifle kasoo gaaraya Saamiga dowladda.

Fowsiyo Ayaa ah qofka ugu dhow Madaxweynaha marka laga hadlo Shaqsiyaadka kasoo jeeda Digil iyo mirifle ee dowladda ku jira ama siyaasada ku lugta leh iyadoo Booqashadii Madaxweyne Xasan Sheekh uu ku tagay Baydhabo ay si cad u sheegtay inay Xildhibanada Digil iyo Mirifle ay codka siiyeen Madaxweynaha isagana laga rabo inuusan ilaabin.

Fowsiyo Maxamed Sheekh Ayaa haatan kamid ah xildhibaanada cusub ee dowladda iyadoo horey ugu tirsanaan jirtay waxaana ay tahay qof siyaasadeeda ku xeran hadba qofkii Mas’uul sare  iyadoo aan ka dheeraan mas’uulkas,waxaana ay ka shaqeyn jirtay goob harqaan ama dawaar ah oo ku taallo Magaalada Dupai halkas oo ay isku barten xaaska Madaxweynihi hore dalka Somalia C/laahi yuusuf waxaana ay kala hadashay seygeeda oo ay isbartay kadiban Fowsiyo ayaa wixi markas ka dambeeyay siyaasada ku dhexjirtay waxayna jeceshahay in loogu yeero Magaca DRs.

Beelaha Laysaan iyo Hadame ayaa ah labada beel ee isha ku haaya xilka xildhibaanad Fowsiyo ay ku haminayso ee Ra’iisal wasaare ku xigeenka ahna wasiirka Maaliyadda waxaana jira dagaal u muuqda laba dhinac laakin ah saddex dhinac oo kala ah Beelaha Eelaay,Laysaan iyo Hadame waxana marka hore ay Beelaha Laysan iyo Hadame ay doonayaan inay iska saaraan beesha Eelay iyo Damaca Fowsiyo Maxamed Sheekh kadibna loolan final ah uu dhexmaro Laysaan iyo Hadame.

Fowsiyo ayaa u muuqanayso inay ugu dambayn ay ku adkaan karto loolanka siyaasaded iyo ceyrsiga labadan xil Ra’iisul Wasare xigeen ahna wasirka Maliyadda.

Wasiirka Arrimaha Gudaha iyo Amniga Qaranka.

Beesha Habar gidir ayaa loolan adag ugu jirta sidii ay ku heli lahaayeen wasiirka arrimaha gudaha iyo amniga qaranka waxana soconaya kulamo ay qaar kamid ah raga raba kursigaas ay marti qaadyo ku sameeyan hoteelada Muqdisho, waxaana ay u badan tahay inay heli doonto.

Hase yeeshee Jufooyinka hoose ee beesha Habar gidir ayaa isku garbinaya xilka Wasiirka arrimaha gudaha  Somalia waxana ragas ay kasoo kala jeedaan Jufooyinka kala ah Sacad,Ceyr iyo Saleeban.

Yuusuf Garad cumar madaxii hore BBC-da.waa nin u dhashay Jufada Ceyr.

Nin magaciisa lagu sheegay Kabreeto oo haatan ka mid ah maamulka Dekadda Muqdisho,waa nin u Dhashtay Jufada Sacad.

Cali Maxamed Nuux( Tima Jilic) oo ah Guddoomiye ku xigeenka xisbiga Midnimada Jamhuuriga Somaliyeed.

Yuusuf Garad ayaa isaga tagay magaalada Muqdisho isagoo lagu arkayay magaalada Neyroobi,waxana la sheegay inuu noqday qof fashilmay wuxuuna waydiistay madaxweyne Xasan Sheekh inuu ka dhigo Wasiirka Arrimaha gudaha markas ayaa shuruud looga dhigay inuu odayaasha Jufadiisa uu taaageero ka raadsado uu dhankaas kasoo galo.

Cali Tima jilic ayaa kamid ah raga sida weyn loola xiriirinayo inuu noqdo Wasiirka Arrimaha gudaha iyo Amniga qaranka,Waxaana ay saaxibo isku dhow yihiin Ra’iisul Wasaare Dr Saacid oo u dhaxda Xildhibanad Caasho Xaji Cilmi oo Jufo hoose ay isla yihiin Cali Tima Jilic.

Si kastaba Ra’iisul wasaaraha ayaa wali soo magacaabin golihiisa wasiirada isagoo sheegay inuu soo dhisi doono  xukuumad wanaagsan oo dalka samata bixin karta xiligan.

Iyadoo dalkeena Soomaaliya ay ku sugan yihiin ciidamo shisheeye oo aad u fara badan, islamarkaasna ay yihiin kuwo dhanka ammaanka ka taageera Doowlada Soomaaliya, ayaa hadal kasoo yeeray madaxweynaha Jamhuuriyada Soomaaliya Prof. Xasan Shiikh Maxamuud, waxa uu ku sheegay in ciidamo shisheeye oo dalka lakeenay aysan marnaba keeni doonin dowladnimo ka dhalata Soomaaliya.

Madaxweynaha ayaa sheegay in shacabka Soomaaliyeed ay yihiin kuwa dhalin kara in dowlad rasmi ah ay ka hana qaadao dalka Soomaaliya hadii ay gacmaha isqabsadaan, laakiin aysan shisheeye marnaba nabad kadhalin karin Soomaaliya.

Madaxweynaha ayaa hadalkiisa kusii daray in lagama maarmaan ay tahay in ciidamada Soomaaliya latayeeyo islamarkaasna ay helaan mushaaraadkooda iyo caafimaad rasmi ah.
Waxa uu sheegay in aysan waxba tareen in laysku haleeyo marwalbo ciidamo shisheeye, laakin loo baahan yahay in latayeeyo kuwa Soomaalida.

“Doowladnimo anagay najirtaa, gacanteena ayay ku jirtaa ajnabi nooma keeni karo, walaahi bilaahi tallaai adinkuna waad aragteen aniguna waan ogahay ilaahayna wuu nala ogyahay kumanaan ajnabi ah haday noo imaadaan inaysan doowladnimo noo dhalin karin, xaqiiqdana waan soo taabanay sheegis maahan, kumanaan ciidamo ka socda doowladaha ugu quwada weyn ayaa Muqdisho imaaday oo hawadeeda diyaarado ladul taagnaay si ay u ilaaliyaan ammaanka wayna kari waayeen wayna ku fashilmeen ammaanna nooma aysan sugin, annaga ayay noo taalaa inaan amaanka sugano, go’aan cid magaarin inaan anaga amaankeena sugano maahane, qof walboo Soomaali ahna xili ayaa ka saaran ilaalinta amaanka wadanka” Sidaa waxaa yiri madaxweyne Xasan Shiikh.

Sidoo kale madaxweynaha Jamahuuriyada Soomaaliya waxa uu sheegay in ciidamada Soomaaliya haddii aysan helin mushaarad rasmi ah dhibaato ay kala kulmayaan shacabka Soomaaliyeedna, waxa uu sheegay in lo baahan yahay in xuquuqdooda si saami ah ay uhelaan soo loga badbaado ineey waxyeeleeyaan shacabka.

“Askariga jidka taagan taleefanaduu dadka kaqaata, jeebabkuu farteeystaa, baabuurtuu jidka u taagan yahay si uu lacag uga qaato maxaa yeelay xaqii uu lahaa ninaa qaatay, kistii yareed ee soo gaari lahayd ayaan gaarsii la’nahay seen marka u rabnaa inaan ammaan ku seexano oo uu na’ilaaliyo, markaan ognahay in Calasoow iyo Jaamac Inay qaateen mushaarkii askarigaas lasiin lahaay ama garaamkiisa, seen u rabeeynaa marka aanan diyaar u ahayn koow inaan xaqiisa siino hadiiba dadkeena qaarkiis ay bixiyeen ama dad kale ay dibadda nooga keeneen aan jidka u taaganahay, waa foolxumo taas waa in askariga kow uu helaa xuquuqdiisa” ayuu yiri madaxweyne Xasan Shiikh Maxamuud.

Hadalkaan kasoo yeeray madaxweyne Xasan Shiikh ayaa waxa uu imaanayaa xili gudaha dalka Soomaaliya ay ku suga nyihiin ciidamo shisheeye oo aad ufarabadan islamarkaasna ka socda Midowga Afrika taageerana siiya Ciidamada doowlada.

Wakiilada QM iyo Midowga Yurub u qaabilsan Somalia, ayaa hambalyo ka diray magacaabistii Cabdi Faarax Shirdoon Saacid ee Ra’iisul Wasaaraha Somalia.

Michele Cervone d’Urso iyo Augustine P. Mahiga, ayaa sheegay in magaaabista Mr. Saacid ay caawimaad ka geysan doonto dib u dhiska iyo maamul wanaaga dalka ku yaalla Geeska Africa.

Waxa ay sheegeen in ay Saacid u rajeynayaan inuu ku guuleysto xilkiisa.

Michele oo ah wakiilka EU-da ee Somalia ayaa sheegtay in ururka ay matasho uu diyaar u yahay inuu la shaqeeyo Mr. Saacid iyo dowladda cusub ee uu soo dhisi doono, oo ay sheegtay inay fileyso inay noqoto mid loo dhan yahay oo ay ka qeyb galaan dhinacyada kala duwan ee Soomaalida.

Sidoo kale Mahiga ayaa sheegay in magacaabista Saacid ay iminka aadi doonto baarlamanka Somalia, si loo ansaxiyo.

Ergeyga QM ayaa sidoo kale ku amaanay madaxweyna Xasan Sheikh inuu wada tashi dheer oo uu dhinacyo badan la yeeshay ka sameeyay magacaabista Saacid, ka hor inta uusan ku dhowaaqin.

Waxa uu ballan qaaday in xafiiska QM ee Somalia uu si dhow ula shaqeyn doono Saacid iyo xukuumadda cusub si ay uga gudbaan caqabadaha hor yaalla.

Dibad bax lagu taageeraayo soo magacaabista Ra’iisul Wasaaraha dalka Soomaaliya ayaa maanta waxa uu ka dhacay Degmada Dhuusomareeb ee Gobalka Galgaduud.

Qaban qaabada Banaanbaxa ayaa waxaa la sheegay inay aheyd in la muujiyo sida shacabka reer Dhuusomareeb ay ugu faraxsan yihiin soo magacaabista Ra’iisul Wasaaraha cusub ee dalka Soomaaliya.

Shacab aad ufara badan ayaa isugu soo baxay Dibadbaxa kuwaasi oo aad ugu faraxsanaa soo magacaabista Ra’iisul Wasaaraha Soomaaliya.

Goobta dibadbaxa uu ka dhacaaye ayaa waxaa ka hadlay xubno kamid ah Ururka Ahlusuna kuwaasi oo sheegeen inay soo dhaweynayaan Ra’iisul Wasaaraha Soomaaliya.

Sidoo kale halkaasi ka hadlay Guddoomiyaha Maamulka Dowladda ee Degmada Dhuusomareeb ee Gobalka Galgaduud C/raxmaan Cali Maxamed oo sheegay inuu soo dhaweynaayo Ra’iisul Wasaaraha cusub ee Soomaaliya.

Shacabkii halkaasi isugu soo baxay ayaa dhamaantood u hambalyeeyay Ra’iisul Wasaaraha cusub ee dalka Soomaaliya ee shalay lasoo magacaabay.

Real Madrid iyo Barcelona ayaa El Clasico ku kulmaaya caawa, taasoo loom eel dhigay kulanka ugu weyn La Liga, waxaana wax walba u muuqdaan macquul ka dib bil iyo bar ka hor, iyadoo sided dhibcood ay u dhexeyso farqiga dhibcaha labada kooxood.

Hadii ay Barcelona aruursato sedaxda dhibcood ee caawa, Catalans ayaa 11 dhibcood ka sara mari doonta Madrid – taasoo go’aamin karta sida kooxda heysata horyaalka ay u difaacato, waxayna marka laba loo eybiyo oo bar lagu daro ay u muuqataa inay inta badan lumisay Horyaalka.

Jose Mourinho ayaa soo gabagabeeyey mashaqadiisa guul la’aaneed kulankii ay la ciyaareen Deportivo La Coruna isbuucii lasoo dhaafay, waxayna ka caawineysaa inay Madrid hesho guusheedii afaraad ee isku xigta tartamada oo dhan, si kastaba hadii laga badiyo waxay sugi doonaa horyaal taariikhda gala inay ku guuleysataan maadaama 11 dhibcood ay ugu samri doonaa kooxda ay xafiiltamaan.

Sababtoo ah kooxna kuma guuleysan weli La Liga iyadoo kooxda kale ka dambeyso sideed dhibcood, sideed dhibcood, waa wixii ugu weynaa ee kooxna aysan kasoo kabsan, Valencia ayaana sanadii 2003-04 ku guuleysatay Primera Division iyadoo laf ahaanteedu ka dambeysay Madrid, waxaana ay kooxdii Rafael Benitez kasoo kabsadeen dhimasho oo markaasoo loo bixiyey “Galactico” weli ma aysan dhcin koox sidaas sameysay.

Sanadii lasoo dhaafay iyadoo uu Barcelona hugaaminaayey Pep Guardiola 10 dhibcood ayey uga samreen horyaalka, iyadoo kooxda Jose Mourinho ay horyaalka ku hanatay Rikoor ah 100 dhibcood. Ayna mudadaas ku dhaliyeen 121 gool.

C/Qaadir Faarax Shirdoon, ayaa maanta loo magacaabay Ra’iisul Wasaaraha Somalia, kadib muddo madaxweynaha laga sugayay arrintaas.

Munaasabaddii magacaabista ayaa waxaaa ka qeyb galay madaxda dowladda, xildhibaano, mas’uuliyiin kale iyo suxufiyiin, waxaana halkan idin kugu soo gudbineynaa qaar ka mid ah sawirrada munsabaadda.

Daawi Sawrriada.

C/Qaadir Faarax Shirdoon, ayaa maanta loo magacaabay Ra’iisul Wasaaraha Somalia, kadib muddo madaxweynaha laga sugayay arrintaas.

Mr. Shirdoon oo lagu naaneeso Saacid, ayaa jeediyay khudbad uu dhinacyo badan kaga hadlay kadib magacaabistiisa, waxaana idin soo gudbineynaa khudbaddaas ee nala dhageysta.

Codka Ra’iisul Wasaaraha.

Madaxweynaha Somalia ayaa maanta dalka u magacaabay ra’iisul wasaare cusub, kadib muddo laga sugayay.

Ra’sail wasaaraha Cusub ee Soomaaliya Magaciisa oo Buuxa waa Cabdul Qaadir  Faraax Shirdoon (Saacid).

Wuxuu ku dhashay Gobolka Galgaduud gaar ahaan degmada Dhuusamarreeb, sanadkii 1958-Kii.

Waxa uu waxbarashadiisii Hoose dhexe ku qaatay isla Gobolka Galgaduud.

Ra’isal wasaaraha Cusub ee Soomaaliya wuxuu ka qalin-jebiyay Jaamicadii Ummadda Soomaaliyeed ee Gaheyr bishii May 1983-kii oo uu helay shahaadada loo yaqaano’ Bachelor ee dhaqaalahaa,waxaana uu si weyn wax uga garanayaa Arimaha dhaqaalaha iyo Hormarintooda.

Saacid ayaa sanadihii 1983 ilaa iyo 1985 ka soo shaqeeyey Wasaaradihii Maaliyadda iyo Beeraha oo uu ka ahaa Dhaqaaleyahan. Halkaas oo uu 1985 u wareegey dhanka ganacsiga gaarka loo leeyahay oo uu la soo shaqeeyey shirkaddii lagu magacaabi jirey Bretton Woods Institutions isla markaana uu ahaa Aasaasihii iyo Maamulihii shirkadda loo yaqaano Shirdon International Ltd ilaa iyo 1991.

Dagaaladii sokeeye ee 1991kii ayuu Saacid u soo guurey Nairobi oo uu noqday Aasaasihii iyo milkiilihii Shirkadda loo yaqaano Shitraco Ltd & Shaam.

Saacid waxuu labaatankii sano ee la soo dhaafay ahaa shaqsi u dhuun daloola siyaasadda Soomaaliya oo uu bishii March 2012 loo doortay Guddoomiyihii ugu horreeyey ee Golaha Rajo (Rajo Forum).

Saacid waxuu leeyahay 4 caruur ah iyo xaas oo ay xaaskiisu tahay Asha Haji Elmi oo ah Xildhibaanad si weyn looga yaqaano Soomaliya oo wax badan dhanka bulshada rayidka ah ka soo shaqeysey oo ay Soomaali fara badan wax ugu qabatay.