Muqdisho (Caasimada Online) – Wararka ay Caasimada Online ka heleyso Magaalada Cadaado, ayaa sheegaya in maanta lagu heshiiyay qaabka ay u dhici laheyd doorashada Madaxtinimo ee Maamulka Galmudug.
Musharaxiinta u tartameysa qabashada Madaxweynaha iyo ku-xigeenkiisa ayaa goor dhow khudbado ku aadan waxqabakooda ka horjeediyay Baarlamaanka Maamulka Galmudug.
Murashaxiinta ayaa mid waliba wuxuu xildhibaanada ka codsanayaa inay siyaan codkooda, si uu ugu guulaysto xilka uu u tartamayo, una qabto hawsha uu ballan qaaday.
Sidoo kale, Golaha Baarlamaanka ayaa isku afgartay in doorashada ay u qabsoomi doonto habka loo yaqaano hal dheeriga ama 50+1 waxaana uu Madaxweynaha noqon doonaa Qofka ugu Codka badan.
Baarlammaanka maamulka Galmudug ayaa 4-ta bishan Julay wuxuu magaalada Cadaado ee gobolka Galgaduud ku dooranayaa madaxweynaha iyo ku-xigeenka maamulka, waxaana u tartamaya 12 murashax, kuwaas oo ay madaxweynenimada u tartamayaan:-
1- Axmed Cabdisalaam Xaaji Aadan
2- Cabdikariim Xuseen Guuleed
3- Axmwd Macallin Fiqi
4- Cabdi Xasan Cawaale (Qayb-diid)
5- Maxamed Cilmi Afrax
6- Xasan Maxamed Nuur.
Madaxweynenimada maamulka Galmudug ayaa waxaa iyaguna u tartamaya:
1- Maxamed Xaashi Cabdi
2- Xasan Maxamed Warsame
3- Bashiir Diiriye Shariif
4- Cabdullaahi Bashiir Cabdi
5- Cabdullaahi Xaashi Warsame
6- Cabdulqaadir Cabdullaahi Warsame.
Caasimada Online
Xafiiska Muqdisho
Caasimada@live.com