Muqdisho (Caasimada Online) – Qaraxyo iyo rasaas xoogan ayaa mar qura is qabsaday magaalada Jakarta ee xarunta dalka Indonesia kuwaasi oo ay ku dhinteen dad aad u farabadan oo shacab ahaa.
Qaraxyada dhacay ayaa tirro ahaan lagu sheegay ilaa 6 qarax oo mid kamid ah lala beegsaday goob ganacsi oo aad u weyn oo lagu magacaabo Sarina.
Mas’uuliyada weerarka ayaa waxaa sheegtay Kooxda Daacish (Al-Amak), waxaana weerarkaasi ku nafwaayay 38 ruux, halka dhaawacana uu gaaray ilaa 53.
Fududeynta weerarka ayaa waxa ay Dowladu dusha u saartay nin lagu magacaabo Bahrun Naim kaas oo xiliyo hore xabsi ku jiri jiray balse iminka u baxsaday gudaha dalka Siiriya wuxuuna ka mid noqday Mas’uuliyiinta ugu sar sareeysa ee kooxda Daacish .
Sanadku markuu ahaa 2009-kii ayaa weerar kuwan lamid ah waxaa lagu qaaday laba hotel oo ku taalla magaalada Jakarta.
