Sawirro: Muxuu yahay qorshaha socdaalka R/W Kheyre ee dalka Norway?

AvatarBy Asad Cabdullahi Mataan

Muqdisho (Caasimada Online) – Wafdi uu hoggaaminaayo Ra’iisul Wasaaraha Xukuumadda Soomaaliya ayaa goordhow ka Ambabaxay Magaalada Muqdisho, waxaana ay kusii jeeddaan dalka Norway sidda ay xaqiijiyeen Mas’uuliyiin ka tirsan dowladda.

Kheyre iyo Wafdigiisa ayaa waxa ay ka qeyb gali doonaan Shir looga hadlaayo Arrimaha Maaliyadda, kasoo ka furmaya dalka Norway, loona yaqaan Osolo Forum ama Madasha Oslo.

“Maanta waxaan safar shaqo u raacey Reysulwasaare Mudane Xasan Ali Kheyre waxaan u soconaa sida aan aduunka ugu qanci laheyn isbedelka Maaliyadda iyo Dhaqaalaha wadanka mudada ay jirtey xukuumada ” ayuu yiri Wasiirka Maaliyadda Soomaaliya Cabdiraxmaan Ducaalle Beyle oo qeyb ka ah Wafdiga Ra’iisul Wasaaraha.

Shirka ayaa la filayaa inay ka qeyb-galaan madax ka socota dalalka deeqda bixiya, waxaana sida ay Caasimada Online xogta ku heshay ay dowladda qorsheyneysaa inay u bandhigto hindisayaal ku saabsan sidii ay u caawin lahaayeen Soomaaliya.

Dowladda Soomaaliya ayaa bilihii lasoo dhaafay waday dadaallo kala duwan oo lagu horumarinaayo Kaabayeyaasha dhaqaallaha, waxaana dowladda ay qarka u saaran tahay in laga Cafiyo deymaha lagu leeyahay.

Caasimada Online
Xafiiska Muqdisho
Caasimada@live.com