Sawirro: Qaar kamid ah waddooyinka Baydhaba oo isku bedelay Isbitaalo

Muqdisho (Caasimada Online) – Wararka naga soo gaaraya Gobolka Baay ayaa sheegaya in xaalad adag ay ka jirto deegaanada maamulka Koonfur Galbeed.

Deegaanada Awdiinle iyo Goofgaduud Buurey ee duleedka Magaalada Baydhabo ee Gobolka Baay, ayaa waxaa ka jira dhibaatooyin ugu badan ee saameynta adag ku yeeshay nolosha.

Dadka deegaanka ayaa waxaa saameeyay Abaaraha iyo Xanuuno ka dhashay abaarta, iyadoo isbitaalada qaar ay buux dhaafiyeen dad waaweyn iyo carruur ay soo riteen xanuunada.

Dadka ayaa Isbitaalo ka dhigtay hareeraha waddooyinka waxaana arkeysaa waddooyin dhowr ah oo la xiray isla markaana laga dhigayo Isbitaalo KMG ah.

Dadka ayaa ah kuwo la nool caafimaad darro, daawo la’aan iyo biyo yari, waxaana aad u yar gargaarka dadkaasi kaga imaanaya dhanka Dowlada, Maamulka iyo Hay’adaha.

Xanuunada ka dhashay abaarta ayaa waxaa sidoo kale ku dhintay carruur iyo dad waaweyn kuwaa oo waayay gurmad.