Muqdisho (Caasimada Online)-Waxaa maanta boqolaal ka mid ah Shacabka Muqdisho iyo Mas’uuliyiinta dowladda Saaladda ciid ay ku wada tukadeen Masjidka Isbaheysiga Qaranka ee Muqdisho.
Salaada ciid kadib mas’uuliyiinta dowladda ayaa hambalyo u diray dhammaan Shacabka Soomaaliyeed, waxaana ay ugu baaqeen in la adkeeyo Ammaanka Muqdisho maadaama amniga uu yahay mid muhiim u ah nolosha.
Ra’isul wasaaraha xukuumada Somalia Xasan Cali Kheyre ayaa dadka shacabka ah la wadaagay maalinta farxada ciideed, waxa uuna ku baaqay in laga wada shaqeeyo amniga, midnimada iyo wada jirka.
Kheyre waxa uu sidoo kale shacabka ku baraarujiyay in la caawiyo kuwooda liita isla markaana lala qeybsado dhibaatooyinka heysta carruurtooda.
Sidoo kale, Inta badan Wadooyinka Magaalada Muqdisho ayaa xirnaa Ciidii lasoo dhaafay, balse Ciidaan waxaa furay dhammaan Wadooyinka Magaalada Muqdisho, taasoo dadka Shacabka u sahashay in ay booqdaan qaraabadooda.
