Jowhar (Caasimada Online) – Wafdi uu hoggaaminayo ergeyga cusub ee QM u qaabilsan arrimaha Soomaaliya James Swan ayaa goor dhow gaaray magaalada Jowhar ee xarunta ee gobolka Shabeelaha.
Madaxweynaha HirShabelle, ku xigeenka iyo mas’uuliyiin kale ayaa wafdiga Qaramada Midoobay ku soo dhaweeyey garoonka diyaaradaha ee magaaladaasi.
Ujeedada socdaalka uu James Swan ku tagay Jowhar ayaa lagu sheegay mid la xariirta xoojinta wadashaqeynta maamulka HirShabelle iyo Qaramada Midoobay.
Wakiilka oo kulan hordhac ah la qaatay Madaxda sare ee maamulkaasi ayaa waxa ay kaga hadleen dhibaatooyinka ka jira gobollada Hiiraan iyo Shabeelaha Dhexe.
Sidoo kale waxaa la filayaa in saacadaha soo socdo uu kormeeero xarumaha maamulka iyo goobaha qadiimiga ah ee ku yaalla magaalada Jowhar .
James Swan ayaa horay booqashooyin ugu soo kala bixiyey magaalooyinka Garowe iyo Kismaayo, halkaasi oo uu kula soo kulmay Madaxweyneyaasha Puntand iyo Jubbaland.
Halkan hoose ka daawo Sawirrada:
Halkaan ka daawo Warkaan oo muuqaalo ah
Caasimada Online
Xafiiska Jowhar
Caasimada@live.com
