Garowe (Caasimada Online) – Wararka naga soo gaaraya magaalada Garowe ayaa sheegaya inuu iscasilay wasiirkii arimaha gudaha ee maamulka Puntland oo muddo afar sano ah xilkaasi hayay.
Wasiirka Wasaaradaha Arrimaha gudaha iyo dowladdaha hoose ee Maamulka Puntland C/llaahi Cali Xirsi Timo-cadde oo saakay Warbaahinta kula hadlay Magaalada Garoowe ayaa ku dhawaaqay in uu iska casilay xilikii Wasiirnimo.
Sababaha uu isku casilay wasiirka arrimaha gudaha Puntland ayuu ku sheegay inay tahay sababo isaga u gaar ah, mana jirto faahfaahin dheeri ah uu ka bixiyay iscasilaada uu maanta ku dhawaaqay.
Sidoo kale waxaa la sheegay in Eng Timo-cadde Saacadaha soo socda uu Magalada Garoowe kaga dhawaaqi doono in uu yahay Musharaxa Doorashada Madaxweyne kuxigeenka Puntland oo bisha soo socota la filayo inay ka dhacy Garoowe.
Waana sababta ugu weyn ee loo malaynayo inuu isku casilay wasiirka, waxaana doorashada Madaxweynaha dowlad Goboleedka Puntland lagu wadaa inay dhacdo 8 bisha 1-aad ee sanadka 2019.
Caasimada Online
Xafiiska Garowe
Caasimada@live.com
