Wasiiro ka tirsan maamulka Somaliland oo maanta dhaawacmay kadib markii..

Hargeysa (Caasimada Online)  – Sida uu goordhow ku soo warramaya wariyaha Caasimada Online ee Hargeysa, labo ka mid ah wasiirada maamulka Somaliland ayaa ku dhaawacmay shiil baabuur oo ka dhacay degmada Burco ee gobalka Togdheer.

Wasiirada dhaawacmay ayaa ka mid ah Wasiirka warfaafinta Somaliland, Cabdulaahi Daahir Cukuse iyo wasiirka caafimaadka Saleebaan Xagle Toosiye.

Waxaa kaloo shilka ku dhintay caaqil la socday wafdiga  madaxweynaha Somaliland Axmed Siilaanyo oo safaro maalmahan ku marayay bariga Somaliland.

Wasiirka warfaafinta Cunkuse ayaa la sheegay in uu gacanta ka dhaawacmay halka wasiirka caafimaadka Xaglo Toosiye uu galay Shook, waxaana labadooda loo qaaday isbitaal ku yaalla Berbera,

Madaxweynaha iyo wafdigiisa ayaa ku soo laabtay magaalada Hargeysa.

Labada wasiir ayaa ku dhaawacmay markii baabuurtooda ay isku dhaceen xilli ay marayeen deeganka Laalees ee bariga magaalada Berbera.

Ma jirto ilaa hadda cid ka hadashay shilka ka dhacay saakay aroortii xilli wafdiga madaxweynaha Somaliland ay ku soo joojeedeen magaalada Hargeysa

Caasimada Online

Xafiiska Wararka Hargeysa

Caasimada@live.com