Xaqiiqooyin muhiim oo ay tahay inaad doorashada Koonfur Galbeed ka ogaato

Asad Cabdullahi MataanBy Asad Cabdullahi Mataan

Muqdisho (Caasimada Online) – Doorashada maanta ka dhaceyso magaalada Baydhabo ee gobolka Baay ayaa noqoneyso mid Taariiqi ah, maadaama ay tahay markii ugu horeysay oo doorashadan oo kale ay ka dhacdo magaalada Baydhabo.

Afar Sano kahor magaalada Baydhabo kama aysan dhicin doorasho lamid ah tan maanta ka dhaceyso magaalada Baydhabo ee gobolka Baay, waxaana muddadaasi madaxweyne ka ahaa Shariif Xasan Sheikh Aadan.

Madaxweyne Shariif Xasan Sheikh Aadan waxaa doortay Malaaqyada Matalaya beelaha kala duwan ee Koofur Galbeed, waxaana ay sidoo kale soo xuleen xildhibaanada baarlamaanka maamulkaasi uu leeyahay.

Madaxweynaha Koofur Galbeed ee maanta la doorto kadib waxaa qorshaha uu yahay in lagu xejiyo doorashada guddoonka baarlamaanka Koofur Galbeed, maadaama uu dhamaaday waqtiga ay xilka hayeen, sida aan xogaha ku heleyno.

Shariif Xasan Sheikh Aadan, oo gaarsiiyay maanta inay doorasho ka dhacdo magaalada Baydhabo ayaanan ka qeyb galeynin doorashada, waxaana uu horey u shaaciyay inuu ka tanaasulay musharaxnimadiisa, kadib heshiis uu la galay dowladda.

Waxaa Sidoo kale Doorashada maanta ka maqan Mukhtaar Roobow Mansuur oo ahaa musharixii ugu horeeyay ee Buuxiyay Sharuudihii laga doonayay, waxaana uu ku sugan yahay magaalada Muqdisho.

Toos ula soco Doorashada Baydhabo.

Caasimada Online
Xafiiska Baydhabo
Caasimada@live.com