Wararkii ugu dambeeyey ee Xasan Sh oo xaalad caafimaad u jooga Turkiga

Asad Cabdullahi MataanBy Asad Cabdullahi Mataan

Istanbul (Caasimada Online) Madaxweynaha Soomaaliya Xasan Sheekh Maxamuud iyo wafdi uu hoggaaminaayo ayaa xaley gaaray magaalada Istanbul ee dalka Turkiga.

Madaxweynaha ayaa u tagay dalka Turkiga baaritaan caafimaad, kaddib markii shaley galab uu safar degdeg ah ugu ambabaxay.

Ilaa hadda ma cadda xanuunka laga baarayo madaxweynaha, balse waa markii ugu horreysay oo madaxweyne Xasan Sheekh uu ambabaxo arrimo caafimaad tan iyo markii uu xilka qabtay dabayaaqdii sannadkii 2012-ka.

Afhayeen u hadlay madaxtooyada Soomaaliya ayaa sheegay in madaxweyna inta uu halkaas joogo uu booqon doono ehelkiisa oo halkaas deggan sidda uu yiri.

“Dadka Soomaaliyeed waxaan u sheegeynaa in uu madaxweynaha aad u fiican yahay, waxaana aan dadka uga digeynaa in ay dhageestaan wararka kutiri kuteenta ah” ayuu yiri Injineer Yariisow.

Madaxweyne Xasan Sheekh ayaa markii ugu dambeysay ee la arkay waxa ay ahayd aaskii qaran ee ra’iisal wasaarihii horre ee Soomaaliya Cabdirisaaq Xaaji Xuseen oo lagu aasay magaalada Muqidsho.

Caasimada Online

Xafiiska Wararka Muqdisho

Caasimada@live.com