Muqdisho (Caasimada Online) – Madaxweynaha Somalia Xassan Sheekh Maxamuud iyo Guddoomiyaha BFS Maxamed Sheekh Cusmaan Jawaari, ayaa fowdadii ka dhex dhacday Xarunta Baarlamaanka Somalia ku eedeeyay Ex Guddoomiyihii Maxkamada Sare Caydiid C/llaahi Ila-xanaf.
Guddoomiyaha BFS Jawaari ayaa madaxweyne Xassan ku wargaliyay in Ilka-xanaf uu lahaa Mas’uuliyada fowdadii ka dhacday maalintii Khamiista Xarunta Baarlamaanka taasi oo laga qariyay Saxaafada.
Jawaari waxa uu sheegay in kulankaasi ay Xildhibaanada fowdo sameeyen sidaana ay sabab u aheyd in Xildhibaanada la kala diro iyaga oo aan ka doodin xil ka qaadista Ilka-xanafa, waxa uuna carab dhabay in Saxaafada uu ku raali galiyay in kulanka uu u baaqday Kooram la’aan, hayeeshee uu arrinku sidaa ka fogaa.
Ilka-xanaf oo eedaasi lasoo gaarsiiyay ayaa iska fogeeyay in wax lug ah uu ku lahaa fowdada kulankaasi la sheegay in Kooram la’aan u baaqday.
Xassan Sheekh ayaa bilihii ugu danbeeyay ku kacsanaa Ilka-xanaf, isaga oo uga cabsi qabay in doorashada uu qalalaaso ka galsho.
Caasimada Online
Xafiiska Muqdisho
[email protected]