Hargeysa (Caasimada Online) – Xarunta Taraafikada ee magaalada Hargeysa waxa ku xiran Axmed Maxamed Maxamuud Siilaanyo oo ka mid ah maamulka dugsiga Nuuradiin ee gaarka loo leeyahay .
Macallin Siilaanyo ayaa la soo xiray ka dib markii lagu eedeeyey inuu magaciisu u eegyahay magaca Madaxweynaha Somaliland Axmed Maxamed Siilaanyo.
Wwaxaana la ogaaday magaciisan ka dib markii macallin kale oo ka tirsan dugsiga oo baabuur watay ay lacag ku ganaaxeen ciidamada nabad-gelada waddooyinka ee Taraafikadu ka dibna uu macallin Siilaanyo ka codsaday inuu lacag ugu soo diro Zaad-ka sidaasina ay Taraafikadii ku arkeen magaca Axmed Maxamed Maxamuud Siilaanyo .
Waxaana xusid mudan in lacagta Zaad-ku lagu diraa ay sheegto qofka oo afaran Taraafikada ayaa Macallin Siilaanyo ugu tagay dugsiga iyaga oo halkasi ka soo xiray.
Maamulaha guud ee dugsiyadda Nuuradiin oo uu macalin iyo maamule ku xigeen ka ahaa ayaa ka hadlay xariga loo gaystay macalinkaasi oo ciidanka Nabadgalyadda wadooyinku ee loo yaqaan Taraafikada ay shalay xabsiga u taxaabeen, waxaana la sheegay in la waydiin doono sababta ku kaliftay inuu la baxo Magaca Siilaanyo oo kale.
Maamulaha iskuulka oo saxaafadda la hadlayey ayaa yiri: “Macalin kaliya muu ahayn ee maamule ku xigeenka dugsiyadda sare ee wiilasha ee dugsiga Nuuradiin ayuu ahaa waxaa magaciisa la yirhaahdaa Axmed Maxamed Maxamuud Siilaanyo, waxaana magaca Siilaanyo loo bixiyeey muddo dheer ka hor wakhtigii uu madaxweyne Siilaanyo uu ahaa gudoomiyihii jabhaddii SNM, jacayl la jecel yahay Siilaanyo ayaa loogu bixiyey markii saddexda magac ee hore isku eekaadeen ayaa naanaystan loo bixiyey”.
Arrintaan ayaa la yaab iyo fajac ku noqotay dadkas Somaliland iyagoo is waydiinayo sababta loo diidayo in la baxsado magaca Madaxweynaha oo kale.
Caasimada Online
Xafiiska Garoowe
[email protected]