Sawirro cusub oo laga helay weerarka argagixiso ee baarlamanka Britain (Daawo)

By Asad Cabdullahi Mataan

London (Caasimada Online) – Qof baabuur wata ayaa jiiray dadweyne ku sugnaa banaanka xarunta baarlamanka Britain ee magaalada London, halkaasi oo ay ku dhaawacmeen 12 qof oo ku sugnaa.

Qof kale ayaa isna mindi ku weeraray sarkaal booliis ah, oo uu dhaawacay ka hor inta aan la toogan oo aysan dilin booliiska.

Dadka ku sugan gudaha baarlamanka ayaa loo sheegay inay joogaan oo aanay bixin. Xildhibaano ayaa sheegay inay maqleen saddex ama afar xabad oo dhacay.

Tifaftiraha dhinaca siyaasadda ee wargeyska The Independent ayaa soo tweet gareeyey “Waxaa jira dhwaq xooggan, qeylo iyo argagax. Kadib waxaa dhacay rasaas xooggan. Booliis hubeysan ayaa meel walba jooga”

Booliiska London ayaa sheegay in dhacdadan ay ula dhaqmayaan inay tahay ficil argagixiso illaa laga helo wax xaqiijin kara inaysan ahayn.

Waxaa hadda nasoo gaaray sawirada weerarka

Caasimada Online
Xafiiska London
caasimada@live.com