Dhuusamareeb (Caasimada Online) ― Madaxa xukuumadda Galmudug, Sheekh Maxamed Shaakir Cali Xasan ayaa magacaabay guddiga doorashooyinka iyo khilaafaadka dowlad goboleedka Galmudug, kadib warqad ka soo baxday xafiiskiisa.
Guddiga oo ka kooban illaa 11 xubnood ayaa ka shaqeyn doono wajiga labaad ee dhismaha Galmudug iyo doorashada maamulkaasi.
Arrintan ayaa uga sii dareysa khilaafka u dhexeeya dowladda oo horay ugu dhawaaqday gddiga farsamada maamulka Galmudug oo ka kooban 13 xubnood, balse Ahlu Sunna Waljamaaca ayaa ka hortimid guddigaasi, maadaama aan laga siin wax xubin ah.
Sidoo kale waxa ay arrintani ku soo aadaysaa, iyadoo xalay wasiirka arrimaha gudaha iyo hoggaanka Ahlu Sunna kulan ku soo dhammaaday natiijo la’aan ay ku yeesheen magaalada Dhuusamareeb xarunta gobolka Galgaduud ee bartamaha dalka Soomaaliya.
Halkan hoose ka aqriso
