Kismaayo (Caasimada Online) – Madaxweynaha dowlad goboleedka Jubbaland, Axmed Maxamed Islaam (Axmed Madoobe) ayaa maanta magaacabay madaxweyne ku xigeenada koowaad iyo labaad ee maamulkaasi.
Wareegto ka soo baxday xafiiska Maxweyne Axmed Madoobe ayaa waxaa ku xigeenkiisa koowaad uu ugu magacaabay, Maxamuud Sayid Aadan oo horay u hayey xilkaasi.
Sidoo kale waxa uu ku xigeenkiisa labaad u magacaabay, Cabduqaadir Xaaji Maxamed oo isna horay u hayey jagadaasi.
Madaxweynaha Jubbaland, Axmed Madoobe ayaa u rajeeyey labada ku xigeen in uu alle u fududeeyo xilalkaasi.
Arrintan ayaa ka dhigay in wax isbedal ah uusan ku imaan hoggaanka Jubbaland, marka loo fiiro saddexda qof ee ugu sarreeya maamulkaasi oo markale dib u soo laabtay.
Halkan hoose ka aqriso
