Akhriso: Magacyada qaar ka mid ah mas’uuliyiinta DF uga dhintay weerarka

By Asad Cabdullahi Mataan
-

Muqdisho (Caasimada Online) – Warar dheeraad ah ayaa waxa uu kasoo baxayaa weerar ismiidaamin iyo mid toosa oo maanta lagu qaaray Xarunta Wasaarada Arrimaha Gudaha Somalia oo ku taal isgooska Sayidka ee magaalada Muqdisho.

Weerarka ayaa waxaa ku dhintay mas’uuliyiin ka tirsanaa Waaxyaha Wasaarada, Askar iyo shaqaale kale oo ka tirsan Wasaarada.

Warar hordhac ah ayaa sheegaya in dadka ku dhintay weerarka uu kamid ahaa Maxamed Axmed Ilkacase oo mar soo noqday Xoghayaha Wasiirkii Arrimaha Gudaha ee Dowladdii Madaxweyne Xasan Sheekh Xildhibaan Cabdiraxmaan Odawaa.

Sidoo kale  Liibaan Cusmaan oo ka mid ah Agaasime waaxeedyada Wasaarada iyo sidoo kale Agaasimaha Waaxda Amniga ee Wasaaradda uu ku dhaawacmay kaas oo lagu Magacaabo Siyaad.

Inta badan Xarunta ayaa waxaa hadda gacanta ku haya ciidamada NISA oo ku sugan qeybaha sare iyo banaanka Wasaarada waxaana dhacaaya rasaas aan sidaa usii badneyn.

Dhinaca kale, waxaa suuragal ah in waxyeelada shaqaalaha Wasaarada ay intaa kasii badato waxaana weli socda gurmad.

Caasimada Online

Xafiiska Muqdisho

Caasimada@live.com