Aqri: Waa sidee xaaladda wasiirka arrimaha gudaha dowladda Soomaaliya?

AvatarBy Saalax Saciid Sabriye

Muqdisho (Caasimadda Online) – Ciidamo Hubeysan ayaa weerar ku bilowday qarax ismiidaamin ah ku qaaday Wasaaradda Arrimaha Gudaha iyo midda Amniga oo ku shaqeeyo hal xarun.

Haddaba Caasimadda Online ayaa soo ogaatay Xaaladda Wasiirka Arrimaha Gudaha Cabdi Maxamed Sabriye.

Sida ay shaqaale ka tirsan Wasaaradda noo xaqiijiyeen Wasiirka ayaa Wasaaradda ka maqnaa waqtiga uu dhacayey Qaraxa.

Sidoo kale waxaa Wasaaradda Amniga ku sugnaa Wasiir ku xigeenka Wasaaradda Amniga Maxamuud Boonow.

Sida ay wararkii ugu dambeeyey Sheegayaan Wasiir Boonow ayaa laga saaray Xarunta Wasaaradda gaar ahaan qeybta dambe.

Sodoo kale shaqaale badan ayaa xarunta laga saaray inkastoo ay jiraan kuwa kale oo dhibaato ay kasoo gaartay qaraxaas.

Qaraxa labaad ayaa khasaaro xoog leh geystay, waxaana weli la heyn khasaaraha rasmiga ah ee ka dhashay.

Rasaasta laga maqlayey wasaaradda ayaa hadda xoogaa yaraatay, waxayna u muuqataa in Wasaaradda ay la wareegeen Ciidamada Dowladda.

lama ogo haddii la dilay ciidamadii weerarka soo qaaday iyo haddii ay weli ku jiraan, wixii soo kordhana waan idiin soo gudbin doonaa Inshaa Allah.