Aqriso: Magacyada Golaha Wasiirada cusub ee la filayo inay Taalibaan ku dhowaaqdo

Kabul (Caasimada Online) – Hoggaamiye sare oo ka tirsan Taalibaan oo codsaday in aan magaciisa la shaaciin ayaa xaqiijiyey in Taalibaan ay ku jirto diyaargaroowgii ugu dambeeyay ee ku dhawaaqista Golaha Wasiirrada ee cusub oo la filayo inay ka mid noqdaan dhammaan xubnaha hadda ka tirsan golaha hoggaaminta.

Madaxa ugu sarreeya Taalibaan Hibatullah Akhundzada ayaa wadatashiyo ku qabanaya magaalada Kandahar, oo loo yaqaan meesha ay ku dhalatay kooxda Taalibaan, waxaana weheliya ku-xigeennadiisa Sirajuddin Haqqani, oo ah madaxa shabakadda Haqqani, iyo Mullah Mohammad Yaqoob, oo ah wiilka aasaasaha Taalibaan Mullah Omar, ahna madaxa Guddiga militariga Taalibaan.

“Hoggaanka Taalibaan wuxuu hadda kala tashanayaa qowmiyado kala duwan, xisbiyo siyaasadeed iyo gudaha Imaarada Islaamiga sidii loo dhisi lahaa dowlad ay tahay in laga aqbalo, lagana aqoonsado gudaha iyo dibedda Afghanistan,” ayuu Sher Mohammad Abbas Stanikzai, oo ah hoggaamiye kale oo Taalibaan ah ku yiri khudbad telefishanka laga sii daayay Sabtidii.

Liiska xubnaha hoggaamiya Taalibaan, oo la filayo in lagu daro Golaha Wasiirrada cusub ee Afghanistan waxaa ka mid ah;

1- Mullah Abdul Ghani Baradar, oo ah madaxa xafiiska siyaasadda ee caasimadda Qatar ee Doha.
2- Sheikh Abdul Hakeem, madaxa wada xaajoodka Taliban ee Doha
3- Sher Abbas Stanekzai, ku-xigeenka kooxda wada xaajoodka ee Doha
4- Sadar Ibrahim, oo ahaa taliyihii hore ee guddiga militariga
5- Abdul Qayyum Zakir, taliyihii hore ee guddiga militariga
6- Mullah Fazil, wasiir ku xigeenkii hore ee gaashaandhigga
7- Abdul Manan Akhund, oo la dhashay aasaasaha Taalibaan Mullah Omar
8- Maulvi Noor Muhammad Saqib, madaxii hore ee cadaalada Taalibaan
9- Amir Khan Muttaqi, wasiirkii hore ee warfaafinta
10- Abdul Salam Xanafi, oo xubin ka ah kooxda wadaxaajoodka Taaliban ee Doha
11- Qari Deen Muhammad, oo xubin ka ah kooxda wadaxaajoodka Taliban ee Doha
12 – Lateef Mansoor, oo xubin ka ah kooxda wadahadalka Taliban ee Doha
13- Sheekh Qaasim, oo ka tirsan kooxda wada xaajoodka Taliban ee Doha
14- Muhammad Zahid Ahmadzai, diblumaasi hore oo Taalibaan oo joogi jiray Pakistan
15- Maulvi Abdul Kabeer, guddoomiyihii hore ee gobolka Nangarhar
16- Sheikh Abdul Hakim Sharee, oo ah wadaad saamayn badan leh
17- Noorulah Noori, maxbuuskii hore ugu xirnaa jiray xabsiga Guantanamo Bay

Waxaa sidoo kale Golaha Wasiirada la filayaa inay ka mid noqdaan, xubno aan caan aheyn, ama la aqoon xilalka ay hadda ka hayaan kooxda, kuwaas oo ay ka mid yihiin; Abdur Rahman, Mullah Gul agha, Ameer Haqqani, Mullah Maxamed Xasan, Sheekh Shariif, Faizullah Khan, Taj Mir iyo Xafis Majeed.

Isha: VOA