By Muqdisho (Caasimada Online) – Madaxweynaha Maamulka Jubba Axmed Maxamed Islaam (Axmed Madoobe) ayaa shalay ku dhaqaaqay tallaabo weyn oo dib u heshiisiin ah kadib markii uu booqday hotelka uu Muqdisho ka degan yahay Barre Aadan Shire (Barre Hiiraale) oo kulan gaara dhex maray.
Tallaabadan ayaa imaaneysa iyadoo uu hakad ku jiro shirkii dib u heshiisiinta beesha Mareexaan iyo maamulka Jubba oo muddo dheer la sugayay inuu Kismaayo ka furmo, waxaana kulanka Axmed Madoobe iyo Barre Hiiraale uu ahaa salaan iyo booqasho, balse wararka ku dhow ayaa sheegaya in la isku afgartay wadahadallo toos ah oo dhex mara.
Barre Hiiraale ayaa ka mid ahaa siyaasiyiinta ugu waaweyn ee ka horjeeda Axmed Madoobe iyadoo dagaal dhiig badan ku daatay ku dhex maray magaalada Kismaayo, kaasoo aan weli laga heshiin, laakiin tallaabada Axmed Madoobe lagu tilmaamay mid dhinaca nabadda loo qaaday.
Caasimada Online
Xafiiska Muqdisho
Caasimada@live.com
