CALI KHALIIF GALAYR: Maah maaahyo xumo waa gudniinsho xumo (FAALLO)

By Asad Cabdullahi Mataan

Waxaan ku bilaabayaa magac Allah ee naxariis oo dhan iska leh: Nin ayaa noo sheekeeyey, waxaan sheekadiisa ka xasuustaa oo ka mid ahayd… Waxaa meel nala deganaa oday waayeel ah oo markuu damco inuu qoslo adduun oo dhan qariba… Isagoo hadalkiisii sii wata ayuu yiri…Maalin dhowayd ayaa laysoo wacay oo waxaa lay yiri odaygii qosolkii hawlo kale ayuu ku darsaday.

Haataan Cali Khaliif siyaasad xumadii khayaanada ku dhisnayd ee aanu habka loo xeeladeeyo damaciisaa qarsoon aanu garanayn… Wuxuu ku darsaday aflagaado ka baxsan aflagaadada dadka waa wayni isticmaalaan… Illayn dadku maaha ma gefayaal… Allah kaliya Ayaan gefin qof waynna gef waa ka dhacaa laakiin gefka aflagaadada ah ee dadka waayeelka ah ee wax garadka ahi waa mid garasho huwan.

Cali Khaliif wuxuu hadal aan marinkiisa lahayn iyo siyaasad qalloocan oo xuub caaro huwan oo aan ujeedadeedu qarsoomi karin wadaba maanta wuxuu keenay inuu ku maah maaho… Ku qariyey ku qariyey Ee Gun cad… oraahdaasi dad badan oo dadka dhawaan kacay ee aan Somaligii hore aan aqoon saas u badan lahayn ayaa anoo meel fadhiya I waydiiyey… markaan u sheegay macnaheeda kii ugu roonaa wuxuu yiri… Hadal qof wayn maaha, iskabadaa hadal qof wayn oo haddana aqoon yahan baan ahay yiraahda ama lagu tilmaamo.

Oraahdaasi waxay ku timi nin ayaa la talin jiray qof dumar ah ee aan sharafteeda dhawran oo aan is xafidin ee ninkii arkaaba ka danaysto… Ninkii la talin jiray ee ay diiday taladiisa ka dib markay sheekadii ku xumaatay oo meel kasta laga ogaaday dhaqankeeda ayuu ku yiri iyadoo calaacalaysa markuu maqlay…. Ku qariyey ku qariyey Ee Gun cad… Somalidu waxay tiraahdaa…. Maah Maahyo xumo Waa Gudniinsho xumo… Oo Macnaheedu yahay waa buuryo qabnimo (caruurnimo)… Iyagoo uga dan leh hadal qof wayn yiraahdo maaha waxa, waxaas oo kale ku hadla.
Anigu maan arag laakiin waxaan dad badan ka maqlay bahalka Dhurwaaga la yiraahdo hadaad ka nixisid wax daran ayuu ka wareegaa…Marka Cali Khaliif nin yar maahee toloow miyaa laga nixiyey.

Waxaase nasiib darra ah isagoo Puntland waxaas daran afkiisa kaga sheegay oo haddana raacshay in Somaliland tahay dad ay yihiin Daris wanaag oo Dawlad wada dhisteen… Kuwa aan wali Garan karin siyaasadiisaas aanu sifiican u qarin karin.

Ogoobeey kuwii meel kasta dagaalka kaga qaaday oo dhaawac iyo dhimasha u gaystay wiilashii Buuhoodle iyo Marqaan kasoo hiiliyey ee uu dagaalka uga baxay kuwii laayey… Waa Somaliland taas uu ku tilmaamayo inay yihiin dad darisnimo ka dhaxayso oo ay dawlad wada dhisteen.
Ogoobeey waa duulkii beebeega shacabka jiidhsiinayey dagaalkii kalshaale…. Ogoobeey waa duulkii xabsiyada ku dullaystay oo bahdilka xun ku haya Dhallinayaradii Sool.

Gabagabadii

Madaxwaynaha Puntland wuxuu ku dhawaaqay oo fidiyey gogol lagaga tashado oo eedda ama la wada qaado ama ciddii lihi dusha looga tuuro… Wuxuuna dhowr jeer ku celceliyey Sool iyo Sanaag la’aantood wax Puntland la yiraahdaa ma jirto.

Haddaba Isimada Caaqilada Waxgaradka iyo aqoonyahanka shirkaa loo idmado waxaan talo ahaan oronayaa… Gabaygii Cali cilmi afyare ee ahaaa…

Gudiyahay docdiinaa khalqigu wada dayaayaaye
Dusha waxaad ku qaadeen culays dayn ka xoog badane
Dariiqaad fashaan baa hadhow laysku daadihine
Haddaad idinku dalabyeelataan kala didweeyaane
Dulaalbaa arlada meerayiyo daalin wayraxaye
Dariskiyo shisheeyuhu kuway soo dirsanayaane
Darxumadeenu waa maalintii laysku keendiro,e
Nin darmaan latagay raacdo waa dabagalaysaaye
Doqontii dhagwaynbaan ogayn dabinka hoosyaale
Dareenbaa kujira meel galbeed daabkuleeyahaye
Diyaar waxaad u noqotaan inaad daafacdaan cadowga

Wa Billaahi Tawfiiq
Qore: Abdulkadir Said Guureeye (Ciiltire)

Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online.

Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid