Cidda hor taagan dhismaha maamulka GALMUDUG loo dhisayo oo la shaaciyey

Saalax Saciid SabriyeBy Saalax Saciid Sabriye

Dhuusamareen (Caasimadda Online) – Xildhibaannada  Labada Gole ee Baarlamaanka Soomaaliya ee kasoo jeeda deegaanada maamulka Galmududg ayaa lagu eedeeyay a in ay caqabad kuyihiin dhismaha maamulka Galmudug .

Waxaa isa soo taraya Xildhibaanada Baarlamaanka Galmudug ee eedeymaha u jeedinaya Xildhibaanada Baarlamaanka Federaalka, ee deegaan doorashadoodu tahay Galmudug.

Waxaa hakad galay qorshihii ladoonayey  ee ahaa in ladhiso in  odayaaashii dhaqanka ee dooraan lahaa xilibaanada cusub ee Baarlamaanka Galmudug ,kuwaas oo iyaguna lagu wado in ay doortaan madaxweynaha maamulkaasi uu yeelan doono 4 ta sano ee soosocota

Dib u dhaca kuyimid dadaalkii lagu doonayey dhismaha mamulkaas ayaa lagu eedeeyey in ay ugu weyntahay xilibaanada  labada aqal ee Baarlamaanka  Soomaalia kana soojeeda deegaanada maamulka Galmudug .

Xildhibaan Shaacir Sheegow oo ka mid ah Xildhibaanada Baarlamaanka Galmudug ayaa sheegay in la sameeyaa maamul cusub oo Galmudug leedahay, ay caqabad ku yihiin Xildhibaanada Labada Aqal ee Galmudug ka soo jeeda.

Xildhibaan Shaacir Sheegow ayaa qaba in Dowladda Somaliya ay dadaal iyo juhdiba ku bixinayso dhismaha Galmudug cusub, balse ay taasi ka dhaqaaqi la’dahay Xildhibaanada Galmudug laga soo doorto, sida uu yiri.

“Arrimihii Galmudug waa socdaan lama dhihi karo, waana hakadeen lama dhihi karo. Arrintu weli waa iska cakiran tahay, dib u heshiisiinta ka dib wax tallaab ah oo horey loo qaaday majirto, Guddigii Doorashooyinka ee la fillaayayna in la magacaabo weli lama soo magacaabin.” Ayuu yiri.

Waxaa dib u dhac uu kayimid qorshahiii ladoonayey in lugusoo dhiso maamulka  ay yeelato Galmudug oo loo dhan yahay, taasoo ay Dawladda Soomaaliyana ay dadaalo badan ku bixisay sidii loo hirgelin lahaa dhismaha dawlad loo dhan yahay ee Galmudug yeelato

Caasimada Online
Xafiiska Muqdisho
caasimada@live.com