Ciidamo tiro badan oo Soomaaliya loo soo wado iyo qorshahooda oo ah in…

By Asad Cabdullahi Mataan

Muqdisho (Caasimada Online) – Howlgalka Midowga Afrika ee AMISOM ayaa ka baaran degaya in ay kordhiyaan ciidamadooda ku sugan Soomaaliya.

Afhayeenka ciidamada AMISOM, Korneel Cali Aadan Xumad oo la hadlay warbaahinta ayaa sheegay in dhawaan ay dalka immaan doonaan ciidamo hor leh oo ka socda howgalka Midowga Afrika ee AMISOM.

Wuxuu sheegay oo kale ciidamada AMISOM in ay ka immaan doonaan dalka Jabuuti kuwaasoo doonaya in ay ka qeyb qaataan dib u dhiska Soomaaliya.

Afhayeenka AMISOM ayaa carabka ku adkeeyay in ciidamada AMISOM ay dalka u joogaan siddii ay u caarin lahaayeen Soomaaliya isagoona intaas ku daray in dadka Soomaaliyeed looga baahan yahay in ay la shaqeeyaan ciidamada Midowga Afrika.

Si kastaba, waxaa sheegis mudan doorka AMISOM ee Soomaaliya ma yahay mid siddii la rabay u socda mise waa jugjug meeshaada joog?

Dad badan oo odorosa arrimaha Soomaaliya ayaa aaminsan in kaalinta AMISOM ee Soomaaliya uu yahay mid gaabis ah isla markaana aan dhab ka ahayn in Soomaaliya ay ka dhalato nabad.

In ka badan 20kun oo askari oo aad u qalabeesan ayaa ku sugan Soomaaliya kuwaasoo ka socda waddamada Uganda, Burundi, Kenya, Itoobiya, Jabuuti iyo Siraliyoon.

Ciidamadan waxay u wehli kumanaan kale oo ciidamo Soomaali ah kuwaasoo iyagan ku sugan qeybo ka mid ah dalka.

Ciidanka AMISOM oo ku sugan Muqdisho, Baydhabo, Kismaayo, Baladweyne, iyo qeybo ka mid ah gobalada Shabeellooyinka iyo Galgaduud ayaa weli nabadeen la’ xaafad kaliye oo ku taalla Muqdisho.

Waxaa la lee yahay ciidanka AMISOM waxay doonayaan uun in ay dhaqaale ka aruursadaan Soomaaliya marka uu dhamaado howgaladooda ay dib ugu laabtaan waddankooda.

Caasimada Online

Xafiiska Wararka Muqdisho

Caasimada@live.com