Dabageed oo loo doortay madaxweyne ku xigeen

Saalax Saciid SabriyeBy Saalax Saciid Sabriye

Jowhar (Caasimadda Online) – Yuusuf Axmed Hagar ‘Daba-geed’ ayaa loo doortay madaxweyne Ku-xigeenka dowlad goboleedka Hirshabeelle kadib doorasho loo dhan yahay oo ka dhacday magaalada Jowhar.

Yuusuf Dabageed oo dhawr jeer soo noqday gudoomiyaha gobolka Hiiraan, sidoo kalana mar wasiir ka noqday maamulka Hirshabelle ayaa codadkii ugu badnaa ku helay kursiga madaxweyne ku xigeenka maamulka Hirshabeelle.

Yuusuf wuxuu helay codad dhan 87 cod, halka musharaxii la tartamayay Maxamed Dheere uu helay codad dhan 12.

Yuusuf Dabageed wuxuu ka mid yahay siyaasiyiinta ugu miisaanka culus maamulka Hirshabelle iyo beesha uu kasoo jeedo.

Magaalada Jowhar waxey maanta martigalisay doorashada Hirshabelle iyadoo la doortay madaxweyne iyo madaxweyne ku xigeen, waxaana kusoo baxay sida ay dadka badi fahamsan yahiin musharaxiintii ay wadatay Villa Somalia.