Muqdisho (Caasimada Online) – Wasiir ku xigeenka wasaaradda warfaafinta Soomaaliya, Cabdiraxmaan Yuusuf Al-Cadaala oo maanta qoraal kooban saaray ayaa shaaciyay in dowladda federaalka ay qorsheneyso inay qaado dagaal kale oo weyn, xilli ay haatan dagaal milari kula jirto kooxda Al-Shabaab, kaas oo ka socda gobollada Soomaaliya.
Al-Cadaala ayaa sheegay in dowladda ay ku howlan tahay bilaabida howlgal lagula dagaalamayo musuqa, islama-markaana lagu ilaalinayo hufnaanta iyo isla xisaabtanka.
“Dawladdu waxa ay bilaabaysaa Dagaal kale oo Aad u xoogan kaas oo lagula dagaalamayo musuqa laguna ilaalinayo Hufnaanta iyo isla xisaabtanka” ayuu yiri wasiir Al-Cadaala.
Sidoo kale wuxuu isla xiriiriyay musuqa iyo Al-Shabaab, wuxuuna tilmaamay inuu dilaa yahay, sida uu hadalka u dhigay.
Wasiir ku xigeenka ayaa sidoo kale sheegay inay jiraan shaqsiyaad u hadla ama u dooda musuq-maasuqa iyo dadka sameeyay, sida uu hadalka u dhigay.
“Musuqu waa dilaa u shaqeeya Khawaarijta iyo kuwa u hadla!” ayuu hadalkiisa sii raaciyay wasiir ku xigeenka wasaaradda warfaafinta xukuumadda Soomaaliya.
Dhinaca kale, siyaasiga Cali Yare Cali oo ay si weyn isku hayaan Cabdiraxmaan Al-Cadaala ayaa ka falceliyay qoraalkiisa, isaga oo ku tilmaamay mid la yaableh
