Boosaaso(Caasimada Online) –Â Madaxweynaha maamulka Puntland ayaa wareysi uu bixiyy wuxuu si kulul kaga hadlay mooshinka xildhibaanada baarlamanka ay ka gudbiyeen Jubba.
Madaxweyne C/welli Gaas oo VOA la hadlay ayaa sheegay in xildhibaanada baarlamaanka Soomaliya ay ku mashquuleen shaqo aan tooda aheyn, sida uu hadalka u dhigay.
Wuxuu sheegay in Jubbaland ay isku tashatay laakiin xildhibaanada ay doonayaan iney kala dhantaalaan, sida uu C/welli Gaas ku sheegay wareysiga uu bixiyay.
Gaas, ayaa cadeeyay in xildhibaanada baarlamaanka Soomaaliya ay ku mashquuleen shaqo aan tooda aheyn, iyada oo ay u yaalaan howlo badan oo iney wax ka qabtaan u baahan.
“Baarlamaanka horayna war ayaa madaxtooyada laga soo saaray, anna waxaan leeyahay Jubbaland waxay ugu mashquulaan waa qalad, shaqo badan oo iney qabtaan ah ayaaba u taala”ayuu yiri Gaas.
Wuxuu ugu baaqay iney qabtaan howlaha shacabka u baahan yahay, oo ay ka leexdaan kala qeybinta shacabka Soomaaliyeed, sida uu sheegay Mr Gaas.
Halkan ka dhageyso wareysiga Gaas
Caasimada Online
Xafiiska Garoowe
Caasimada@live.com
