Muqdisho (Caasimada Online) – Wasiirka Arrimaha Dibedda ee dalka Ethiopia Dr. Workneh Gebeyehu, ayaa shaaca ka qaaday Dowlada Ethiopia ay ka fiirsan doonto Siyaasada kala dhexeysa Dowlada Somalia.
Dr. Workneh Gebeyehu, ayaa sheegay in Dowlada Ethiopia ay u kala duwan tahay Dowladii hore ee Somalia iyo tan iminka ka arimisa Somalia waxa uuna ku celcelshay inay ka fiirsan doonaan.
Waxa uu sheegay in Dowlada Ethiopia ay xiriir dhow la leedahay Dowladaha deriska la ah, balse Dowlada Somalia ee uu hogaaminaayo Farmaajo ay ka fiirsan doonaan xiriirka kala dhexeeya waxa uuna meesha ka saaray in Ethiopia ay ka didsan tahay maamulka cusub.
”Waxaan dooneynaa in dowladaha geeska ay noqdaan kuwo ka mideysan Siyaasada, amaanka iyo xiriirka ma jirto cid gaara aan ku caburineyno arrimahaasi waxa aysa dan ugu jirtaa dowladaha geeska”
Dr. Workneh Gebeyehu, ayaa Ciidamada Ethiopia ka jooga Somalia ugu baaqay inay sii wataan howlahooda, waxa uuna tilmaamay inay kala qaadi doonaan Siyaasada iyo nabadeynta Africa.
Dr. Workneh Gebeyehu, ayaa hadalkaani ka sheegay kullan gaar ah oo uu la qaatay qaar kamid ah Madaxda Urur gobaleedka IGAD.
Caasimada Online
Xafiiska Muqdisho
Caasimada@live.com
