Garoowe (Caasimada Online) Madaxweynaha Maamulka Puntland Cabdiraxmaan Maxamed Faroole iyo xubno ka tirsan Maamulkiisa ayaa maanta booqday deeganno badan oo ku yaalla gobalka Nugaal, halkaasoo tododbaadkii hore ay ku dhufteen dabeylo iyo roobab xooggan.
Faroole ayaa meelaha uu tagay waxaa ka mid ah deeganka Qarxis oo ka tirsan gobolka Nugaal kana mid ah meelaha ay sida weyn ay u dhaceen khasaaraha,
Madaxweynuhu wuxuu la kulamay qaar ka mid ah dadka deeganka isagoo kala hadlay xaaladooda sida ay tahay.
Deeganka uu Faroole tagay ayaa waxaa hadda ku sugan qoosas boqolaal kor u dhaafaya kuwaasoo ah kuwii wax ku noqday dabeylaha iyo roobabka ku dhuftay Bari iyo Nugaal.
Madaxwweynaha waxaa kaloo uu sheegay in la billaabay qaybinta gargaar ka yimid dalalka Jabuuti iyo Itoobiya kuwaasoo shaley ka degan magaalada Garoowe.
Magaalada Garoowe waxaa maanta markale ka degay diyaarado hor leh oo sida gargaar kuwaasoo ka yimid dalka Itoobiya.
Si kastaba, waxaa sii kordhaya khasaarah ka dashay dabeylayaha iyo roobabka xooggan ee ku dhuftay deegannada Puntland gaar ahaan Gobollada Karkaar, Gardafuuy iyo Nugaal.