Berigii saas iyo saas
Beeshiinaan la dagaalnay
Inta aan bursanaan
Hantidoodi ka boobnay
Bilcaamihiina dhammaan
Bacadkaan dhiganoo
Kufsi baan u bareernay
Baroortooda dhawaaqa
Cidna soo bixi wayday
Ee ma hadaad nin balaayiyo
Boqortooyo ahaatay
Ood baasheeydiyo geeskiyo
Barbarkeyga istaagtay
Wuu yaabay, Dhinacyaduu dayay. Malaha Jinnigii ayuu run u mooday. Wuxuu igu yiri: Oo sideed ku tiri?
Waxaan iri (Waxa aad sheegtay sow caay aad i caaynayso iyo amaan adiga kugu socotao isuguma jirto?). Haa ayuu deg deg ugu jawaabay.
(Hadaba intaasiba caaydeyda maaha. Adiga amaantaadana iilama eka. Ee hadaysan wuxuu Luuqad kale ahayn, malaha dad kalaad la hadlaysay ama ka hadlaysay ee duulal qarsoon reedaheena ka fiiri) ayaan ku celshay.
Ugu dambeyn waxaan ku iri:
Beesha aad ka hadlaysaba
Abidkeey kuma biirin
Hadaad baaba’ sameysiyo
Haddii aad boqna gooysay
Boqolaala qofood
Amaad boob ku dhaqaaqday
Adigaa bahaloobay….
Hadduu darajadiisa cilmiga iigu faani lahaa ooyin buu i badi lahaa iyo inaan kaligeey is ciilo saa waa tan aan u aqaan inay dad tartamiso misna kala tagsiisee.
W/qoray: Mohamed Abdullahi Abubakar (Dhaaley)
Facebook: https://www.facebook.com/mohamed.dhaaley