Muqdisho (Caasimada online) Dowlada Holland ayaa ansixiyay balaarinta howlaha gargaarka ay ka waday dalalka Turkey iyo Somalia, sida uu sheegay wasiirka arimaha dibada dalkaasi Frans Timmermans, kadib markii kulan ay shalay isugu yimaadeen golaha wasiirada ee dalkaasi.
Dowlada Holland ayaa usoo daabushay xeebaha dalka Soomaaliya maraakiib kala duwan kuwaasi oo qeyb ka ah howlgalka la dagaalanka burcad badeeda Soomaaliya ee Atalanta, iyo ciidamada Nato ee ku sugan xeebaha caalamiga.
Inka badan 250 ciidamada dowlada Holand ayaa sidoo kale loo daabulay dalka Turkey tan iyo sanadkii 2013, kadib markii labo urur oo wadani ay saldhig ka dhigteen magaalada dhanka koofureed ee Adana ee dalka Turkey.
Marka loo eego warbixin uu warbaahinta siiyay wasiirka arimaha dibada dalka Holland ciidamada dowladiisa ayaa qabtay shaqo cajiibleh, isagoo sheegay in labadii urur ay saameyn kala duwan ku yeesheen.
Dowlada Holland ayaa horay u sheegtay inay wadi doonto dadaalada ay ka wado dalka Soomaaliya, iyadoo masuuliyiin dowladaasi ka tirsan horay ay usoo gaareen magaalada Muqdisho ee caasimada Soomaaliya.
Caasimada online
Xafiiska Muqdisho