Kiiska maxkamadda ee xildhibaan Faaduma Geedi iyo C/rashiid oo billowday

Wajeer (Caasimadda Online) – Xildhibaanka baarlamanka Kenya ee laga soo doorto Wajeer, Faadumo Geedi ayaa talaaladii shalay aheyd Maxkamadda horteeda ka sheegtay in jir ahaan uu u weeraray Xildhibaanka Bariga Wajeer Cabdirashiid Qaasim kadib markii ay ku kala aragti duwanaadeen qoondeyntii miisaaniyada ee bishii Juun ee 2019-ka.

Faadumo Geedi ayaa sheegtay inay aad uga naxday markii ay aragtay Xildhibaanka Bariga Wajeer Cabdirashiid Qaasim oo feer la dhacayo isla markaasna uu dhaawac culus oo keenay jab uu kasoo gaaray Daanka.

Waxay xustay inay dhacdadu dhalisay mudaaharaad aad u xun oo ka imaanaya Haweenka ku jiro baarlamaanka, kuwaasoo ka dhiidhiyay khudbaddii miisaaniyadda.

Waxay maxkamadda horteeda ka sheegtay inay aad u qeylisay markii uu dilayey sidaas ay kusoo kala dhex gashay Gladys Wanga oo ah haweeney Baarlamaanka kasoo gashay Homa Bay.

Waxay u sheegtay garsooraha in Rashiid, oo lagu soo oogay dacwad inuu dilay uu ka cawday qoondeyn lacageed laakiin Ms Geedi waxay ku jawaabtay in gobolka oo dhan loo qoondeeyay Sh100m oo keliya.

“Eedeysanuhu wuxuu ii sheegay in aan caddaalad ahayn markaas kadibna wuu I dharbaaxay,” ayay tiri Marwo Faadumo Gedi.

Waxay sheegtay in dhacdadaasi ay sharaf dhac ku keentay isla markaana ay codsatay in la helo caddaalad.

“Aniga ahaan dhacdadan waxay ii ahayd niyad jab maahan sidii naag ahaan ee waa xaas ahaan iyo hooyo ahaan ….. Waxaan baryayaa in aan helo caddaalad, maahan in dacwadda loo qaado sida qof haween ama hoggaamiye oo kale. Waxaan ahay hooyo halka aan ka imidna ma ahan wax fudud in aad hoggaamiye ka noqoto ”ayay tiri Faadumo.

Waxay sheegtay inay qortay qoraal caddeynayo wixii gaaray ka hor inta aan lagu daaweyn Isbitaalka Karen.

Dhanka kale Xildhibaanka Bariga Wajeer Cabdirashiid Qaasim ayaa inkiray inuu wax xad gudub ah ku sameeyey Xildhibaan Faadumo.

Ugu dambeyntii Maxkamadda ayaa damiin kusii deysay Cabdirashiid Qaasim waxaana mar kale dib la isugu soo laaban doonaa dhageysiga dacwadda.

Faadumo Geedi iyo Qaasim ayaa is-dhaafsadeen erayo kulul mudadii uu socday kulankii Baarlamaam ee dhacay 13 June ee sanadkaan ka hor inta uusan gacan ka hadalka bilaabin mudanaha bariga Wajeer laga soo doorto.

Sidda laga soo xigtay wargeyska The Star, Xildhibaanka ayaa dalbaday in uu ogaado sababta Geedi, oo kamid ah Guddiga Miisaaniyadda, aysan wax lacag ah ugu qoodaynin degaankiisa.

Caasimada Online
Xafiiska Muqdisho
Caasimada@live.com