Muqdiaho (Caasimada Online) – Maamulka gobolka Banaadir ayaa albaabada isugu dhiftay xarun la sheegay in lagu sameyn jiray Dukumintiyada been abuurka ah, taas oo ku taalay Isgoyska KM-4 ee magaalada Muqdisho.
Maamulka ayaa sidoo kale sheegay in xabsiga ay u taxaabeen dadkii ka shaqeysanayay xaruntaas in kasta aan la shaacin tirada dadka lagu qabtay falkaas.
Guddoomiye ku-xigeenka maamulka iyo maaliyadda ee gobolka Banaadir Ibraahim Cumar Mahad-alle oo goobta tagay ayaa sheegay in xaruntaas lagu sameyn jiray Dukumintiyada been abuurka ah, sida warqadda dhalashada iyo sugnaanta ee laga bixiyo xarunta dowladda hoose ee Xamar.
Isaga oo goobta kula hadalay warbaahinta ayuu sheegay in ay jiraan xarumo kale oo suuqaasd madow ku shaqeeya, balse uu maamulka gobolku daba gal ku sameyn doono cidii lagu qabtana sharciga la hor keeni doono.
Halkaan ka dhageyso Codka:
Caasimada Online
Xaafiiska Muqdisho
Caasimada@live.com
