MUQDISHO oo ay ka dilaacday arrin ay walaac ka muujiyeen shacabka oo ah…

By Asad Cabdullahi Mataan

Muqdisho (Caasimada Online) – Magaalada Muqdisho ayaa waxaa ka dilaacay Kooxo wata gaadiid nooca raaxada ah oo dhac iyo boob u geysta dadka shacabka ah, islamarkaana aan la garaneyn wax ay yihiin.

Kooxdaani ayaa waxaa la sheegayaa inay wataan Gaadiidka raaxada ee muraayadaha madow, iyagoona xiliyada Habeenkii ay dhac u geystaan Haweenka iyo dhalinyarada iyagu wata Mobilada iyo Boorsooyinka Laptobyada ay ku jiraan.

Kooxdaani ayaa waxaa la sheegayaa inay Howlahaasi ka fuliyaan Degmooyinka Gobolka, waxa ayna wataan Bastoolado iyo qoryo ay ku fulinayaan dhacaasi.

Dowlada Federaalka Somalia ayaan weli ka hadlin Arrintaasi, markii laga reebo Ciidamada Degmooyinka oo xiliyada qaar sameeya iska caabin.

Mid kamid ah Kooxdaani ayaa waxaa Habeenimadii xalay lagu dilay Degmada Warta-Nabada kadib markii ay geysteen dhac, islamarkaana ay Ciidamada Degmada kala kulmeen iska cabin sidaana lagu dilay.

Caasimada Online

Xafiiska Muqdisho

caasimada@live.com