Muqdisho (Caasimada Online) – Ra’isul wasaaraha Xukuumada Somalia Xasan Cali Kheyre ayaa faahfaahino dheerad ah ka bixiyay bixinta deemaha lagu leeyahay dowlada Somalia.

Kheyre ayaa sheegay in dowlada Somalia ay ka go’an tahay bixinta deemaha lagu leeyahay waxa uuna tilmaamay in dhaqaalahaasi ay ku bixin doonaan muddo kooban sida aan kusoo sheegnay wararkeena hore.

Kheyre waxa uu sheegay inay la socdan in dhaqaalaha lagu leeyahay uu aad u badan yahay, balse aanu jirin cid kale oo lagu haleynkaro.

Waxa uu sheegay in qorshahooda ugu weyn uu yahay in dhaqaalahaasi ay ku bixiyaan muddo dhan hal sano iyo bar, iyadoo aan la kalifin shacabka Soomaaliyeed.

”Qaabka aan ku bixin doono deemaha nalagu leeyahay cidna kuma kalifi doono waxaase naga go’an inaan Somalia xor ka dhigno oo aan bixino dhamaan dhaqaalaha deenta ah”

”Deenta nalagu leeyahay qeybo waan ka heynaa keliya waxaa harsan qeybo kale oo aan rumeysanahay inaan ku bixin doono muddo kooban”

”Bixinta deenta waxaan ku hormarin doonaa Hay’adaha tabaaya lacagta ay nagu leeyihiin, waxaan qabaa in muddo ka yar hal sano iyo bar lagu bixinkaro deenta haddii ay shacabka bixiyaan canshuurta”

Waxaa uu sheegay in ay muhiim tahay in Soomaaliya ay iska bixiso Lacagaha lagu leeyahay si ay u hesho maalgashi Caalami ah.

Kheyre ayaa sidoo kale xusay in Soomaaliya aysan maalgashi heli karin inta lagu leeyahay lacagahaasi farabadan.

”Dhan waliba ayaan ka daraaseynay xaalada dalka, waxaa noo soo baxday inaan Somalia la maalgishankarin haddii aan la bixin dhaqaalaha deenta nagu ah”

Haddalka Kheyre ayaa imaanaya xili dowlada Madaxweyne Farmaajo ay ku faaneyso waxqabad mudada kooban oo ay jirto.

Caasimada Online
Xafiiska Muqdisho
[email protected]

Jedddah (Caasimada Online) – Dowladaha Sacuudiga, Imaaraadka , Baxreyn iyo Masar ayaa waxay xiriirka diblomaasiyadeed u jareen dowladda Qatar arintaasi oo ay ku sheegeen in dowladda Qatar ay soo faro galisay arimahooda gaarka ah iyo iney ku taageerto ururo argigixiso.

Wasaaradda arimaha dibadda ee dowladda Masar ayaa war-murtiyeed ay soo saartay waxay ku sheegtay in Masar ay go’aansatay  in xiriirka ay u jarto dowladda Qatar sababo la xiriira in Qatar ay taageero dhaqaale  ahaan Akhwaanka iyo in qaar hoggaamiyeyaasha Xarakada Ikhwaanka ah oo la xukumay ay dalkeeda ku martigeliso.

Wakaaladda Wararka ee Sacuudiga ayaa sheegtay in dowladda Sacuudiga ay ka xiratay xadkeeda dowladda Qadar, taasoo saameyneyso dhamaan isu socodkii dhulka, Biyaha iyo hawadaba.

Sidoo kale Wakaaladda ayaa sheegtay in arrintan looga gol leeyahay in ammaanka qaranka ka ilaaliyaan halista argagixisada iyo xag-jirka.

Dowladda Masar ayaa iyana qaaday tallaabo la mid ah tan Sacuudiga, waxaana ay xustay in hawadeeda iyo dekedaheeda ka xiratay dhamaan gaadiidka cirka iyo badda.

Sidoo kale Dalalka Baxreyn iyo Imaaraadka ayaa waxay xiriirka u jareen Qatar iyaga oo sheegay in muwaadiniinta u dhalatay Qatar ay soo gali karin dalalkooda, Imaaraadka tusaale ahaan waxaa uu u qabtay 14 maalmood in dadka Qatar u dhashay ay dalkaasi uga baxaan.

Ma aha markii ugu horreysay oo dalal Khaliij ay jaraan Qatar, 2014-kii, 3daas dal ee Khaliijka waxaa ay safiirradooda ka saareen Qatar iyaga oo diidanaa arrimo kuwa maanta la mid ah.

Caasimada Online
Xafiiska Muqdisho
[email protected]

Muqdisho (Caasimadda Online) – Madaxweynaha Soomaaliya oo sheegay in 6 bilood lagu bixin doono dhamman Deymaha lagu leeyahay Soomaaliya.

Isagoo la hadlaayay Boqolal ka mid ah Bulshada ka nool Magaalada muqdisho ayuu Madaxweynaha Soomaaliya waxa uu balan qaaday in mudo lix bilood ah Dowladda ku bixin doonto Dhamaan deymaha lagu leeyahay Soomaaliya.

Qorshaha Dowladadayda waa mid sal adag udhigaysa Soomaaliya oo ah qaran Madaxbanana oo udhameystiran dhamaan Baahiyihiisa Dowladnimo waana dhaqan gali doontaa sida uu yiri.

Soomaaliya ayaa deymo badan loogu cafiyey shirkii ka dhacay Magaalada london ee looga hadlayey arrimaha Soomaaliya, iyo midkii ay Jaamacadda Carabta dhawaan yeelataya, waxayna dowladaha Carabta ee deymaha ku lahaa Soomaaliya ka dhawaajiyey inay u cafiyeen.

Caasimada Online
Xafiiska muqdisho
[email protected]

Muqdisho (Caasimada Online) – Ra’isul wasaaraha Xukuumada Somalia Xasan Kheyre ayaa ka hadlay xaaladaha uu ku jiro dalka, tan iyo markii lasoo xulay Xukuumada cusub.

Kheyre waxa uu sheegay in dowlada Madaxweyne Farmaajo ay xooga saareyso dhowr qodob oo loo arko in lagu badbaadin karo xaalada uu dalka ku jiro.

Waxa uu sheegay in dhibaatada ugu badan ay tahay mid ka heysata in Shacabka Soomaaliyeed ay ka iibshaan howlaha dowlada, maadaama inta badan Shacabka ay yihiin kuwo aan arag dowladnimada.

Kheyre waxa uu tilmaamay in talaabada labaad ay tahay in si fog looga shaqeeyo sida ay wada shaqeyn ku dhex mari laheyd ciidamada iyo dadka shacabka ah, oo is fahankooda uu yahay mid loo maraayo dhibaato badan.

Ra’isul wasaare Kheyre waxa uu sidoo kale sheegay in dowladiisa ay tahay mid hadda iyo bilow dib usoo dhiseysa dalka waxa uuna cadeeyay inay wadaa Barnaamij loogu wanqalay ”Dal dhis”.

Waxa uu sheegay in Somalia keliya ay u baahan tahay in wada shaqeyn ay dhexmarto Ciidamada iyo shacabka, waxa uuna soo jeediyay in Somalia ay dhisan doonaan Soomaalida.

Kheyre waxa uu sheegay in Somalia ay dhibaatada ka bixi doonto goortii uu midow dhexmaro dhammaan Umadda Soomaaliyeed.

Waxa uu tilmaamay in shaqooyinka dowlada oo dhan lagu haleeyay Madaxweynaha iyo Ra’isul wasaaraha, balse uusan garaneynin sababta loo cidleeyay.

Sidoo kale, waxa uu soo hadalqaaday in mudada ay xilka hayaan ay dib usoo saxeen inkabadan 13 sharciyo oo lagu maamulaayo dalka, waxa uuna intaa raaciyay in sharciyada qaar ay yihiin kuwo Wasaaradaha.

Kheyre ayaa ku baaqay in shacabka Soomaaliyeed ay si dhow ula shaqeeyan dowladooda, iyadoo laga duulaayo dhibaatada uu soo maray dalka.

Si kastaba ha ahaatee, Ra’isul wasaaraha ayaa cadeeyay in dowlada Somalia ay lamid tahay mid cuuryaan ah oo u baahan in si dhaba loo garab istaago.

Caasimada Online
Xafiiska Muqdisho
[email protected]

Garoowe (Caasimada Online) – Wasiirka Arimaha gudaha iyo dowladaha Hoose ee maamul goboleedka Puntland, Axmed Cilmi Cismaan (Karaash) ayaa ka hadlay mowqifka Maamulka Puntland ee dowladda federaalka Soomaaliya.

Waxa uu sheegay in hadii ay yihiin Madaxda Maamulka Puntland ay aad u atgersan yihiin dowladda Federaalka Soomaaliya, islamarkaana dowladdii tan ka horeysay ay ka waayeen xaquuqdii ka maamul ahaan ay ku la haayeen.

“Dowladda hada jirta ee Farmaajo,iyo Kheyre waan taagersan nahay laakin anaga dowladdii tan ka horeysay ayaa na dulmisay oo aan ka weynay xaqeenii, waxayna noo aheyd  sacii cirka kasoo dhacay ee Dhurwaaga nagu noqday, laakin tan hada jirto rajo wanaagsan ayaan ka qabnaa” ayuu yiri Axmed Karaash

Maamulka Puntland ayaa horay u dhaliili jiray dowladdii uu hoggaamin jiray Xasan Sheekh Maxamuud waxana xusid mudan iyo dhowr mar Garoowe lagu qabtay shir lagu dhex dhexaadinayay maamulka Puntland iyo dowladii uu madaxweyne ka ahaa Xasan Sheekh Maxamuud.

Waxaa sidoo kale maalmihii dhowaa jiray khilaaf cusub oo u dhaxeeya dowladda federaalka iyo Puntland, kaasi oo ka dhashay shatiyo kalluumeysi oo ay bixisay Puntland kuwaasi oo dowladda dhexe ay ka hor timid.

Halkan hoose ka dhageyso wasiirka

Caasimada Online
Xafiiska Muqdisho
[email protected]

Adeer Abuukar Sheekh Axmed Mataan, iyo adeer Xamuu Caddey Sheekh Axmed Mataan iyo Dhammaan qoyska reer Sheekh Axmed Mataan meel kasta oo ay dunida ka joogaan iyo gabdhaha Xiddigaha Banaadir ee Mataan Cabdulle, ee ku kala sugan dhammaan daafaha dunida, waxay tacsi tiiraanyo leh ay u dirayaan ehalladii, qaraabadii, qoysaskii uu ka geeriyooday allaha u naxariistee Cabdulle Maxamuud Afrax (Cabdulle Libaax), oo ku geeriyooday magaalada Muqdisho ee caasimadda Soomaaliya.

Waxa ay si gaar ah tacsi ugu dirayaan Reer Afrax Caddow Gaadaay, iyo Carfaaye Cumar Bulow.

Waxay leeyihiin samir iyo iimaan allaha idinka siiyo marxuumka geeriyooday, isagana jannada fardowso allaha ka waraabiyo. Kitaabkiisa allaha ka siiyo gacanta midig. Inaa Lilaah waa Inaa Ileyhi Raajicuun.

Muqdisho (Caasimadda Online) – Madaxweynaha Soomaaliya Maxamed Cabdullaahi Farmaajo oo maanta ka qeyb galay banaabaxii loogu dabaaldagayey 100-kii maalin ee ugu horeysay dowladda Soomaaliya ayaa u gacan qaaday mid kamid ah ilaaladiisa khaaska ah.

Madaxweynaha ayaa la arkayey isagoo u gacan qaadayo askarigaan ka tirsan ilaaladiisa khaaska ah oo isku dayey inuu is hor istaag ku sameeyo shacab badan oo doonayey inay Madaxweynaha salaamaan.

Madaxweynaha ayaa dharbaaxo ugu shubay askariga wuxuuna amray inuu isaga dhaqaaqo meesha, waxaana wajigaha Madaxweynaha laga dareemayey xanaaq ku aadan inuu aad uga xumaaday in is hor istaag lagu sameeyo shacabkiisa taageersan ee doonayey inay gacan qaadaan.

Markaas kadib madaxweyne Farmaajo ayaa bilaabay inuu gacan qaado shacabkii Soomaaliyeed ee ka qeyb galay xafladda lagu soo dhaweenayey boqolkii maalin ee ugu horeysay dowladda Soomaaliya.

Madaxweynaha ayaa ugu dambeyn khudbad xasaasi ah u jeediyey shacabka kasoo qeyb galay banaaxbaxaas wuxuuna u ballan qaaday inuu fullin doono dhammaan ballan qaadkii ay sameysay dowladda.

Haddaba halkaan hoose ka daawo muuqaalka Madaxweyna oo gacan u qaaday mid kamid ah ilaaladiisa gaarka ah.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa maanta magaalada Muqdisho ee caasimada Somalia ka dhacay Bannaanbax ballaaran oo lagu taageerayo Boqolka maalmood ee Madaxweyne Maxamed C/llaahi Farmaajo.

Banaanbaxa ayaa ka dhacay Garoonka Kubadda Cagta ee Banaadir Stadium ee Degmada C/casiis, waxaana ka qeybgalay inkabadan 4,000 oo shacab ah oo ay wehlinayaan mas’uuliyiin ka kala tirsan labada Gole ee DF.

Madaxweyne Maxmaed Cabdullaahi ayaa jeediyey khudbad gaareysa 20 daqiiqo, oo ahaa mid qiireysan oo uu uga hadlaayay xaalada dalka iyo waxyaabaha u qabsoomay mudada 100-ka maalin ee uu xilka hayay.

Madaxweynaha ayaa ka hadley in uu ku taagan yahay fulinta wixii uu ballan qaadey markii uu doorashada ku jirey, sida la dagaalanka musuq-maasuqa, xasilinta dalka, caddaaladda iyo hormarinta dalka.

Madaxweynaha ayaa sheegay inuu ku guuleystay fulinta balan-qaadyadii uu qaaday, isla markaana uu ka dhabeeyay sida uu yiri.

Muqdisho (Caasimada Online) – Ugu yaraan 1 qof oo dumar ah ayaa ku dhintay in kabadan 10 kalane Isbitaal ayaa la dhigay kadib markii ay ku Neef qabatoomeen Bananbixii maanta ka dhacay Magaalada Muqdisho.

Dadkan ayaa naqaska ku xirmay kuleelkii iyo ciriirigii ka jiray Isbartiibada, waxaana ku jiray haween uur lahaa kuwaas oo lagu soo waday in Macaawino la siin doono.

Gaadiidka Ambalaasta ee Gobolka Banaadir ayaa ka qeyb qaadanayay daad-gureynta dadka ku neef qabatoobay garoonka, xilli saxmad badan ka jireen.

Illaa 11 Haween ayaa la geeyay Isbitaalka Umadda ee degmada C/casiis, waxay u badnaayeen haweenka ka tirsan degmada Wadajir, sidoo kale waxaa jira haween kale oo isbitaalada kale la geeyay.

Bulshada qaar ee ka qeyb galay Banaanbaxa ayaa isaga soo baxay Garoonka markii ay waayeen wixii loo soo balan qaaday ee ahaa in Madaxweynaha Cunto bixin doono waxa ayna dadka qaar soo baxayn iyagoo wali khudbeynaayo Madaxweynaha Soomaaliya.

Guddoomiyeyaasha degmooyinka ayaa ku mashquulsanaa la tacaalida xaalada haweenka ee ku neef qabatoobay garoonka Banaadir Stadium, waxaana ay ku sugnaayeen Isbitaalada qaar.

Caasimada Online
Xafiiska Muqdisho
[email protected]

Muqdisho (Caasimadda Online) – Ra’iisal Wasaaraha Xukuumada Federaalka ah ee Soomaaliya Mduane Xasan Cali Kheyre oo ka qeyb galay bannaan-bax lagu taageerayay 100-kii maalmood ee ay jirtay Dawladda uu Hoggaamiyo Madaxweyne Maxamed C/laahi Farmaajo, ayaa ka hadlay labadii bilood ee ay jirtay Xukuumadda uu hoggaamiyo iyo wax yaabihii u qabsoomay, waxana uu si gaar ah diiradda ugu saaray Midnimada iyo Wadajirka ka dhaxeeya hay’adaha sare ee Qaranka, kalsoonida Shacabka, Dhaqaalaha, Amniga iyo abaarihii ka dhacay dalka.

Ra’iisal Wasaare Xasan Kheyre waxa ugu horeyn uga mahadceliyey shacabka Soomaaliyeed taageerada ay dawladda u hayaan, wuxuna tilmaamay in waajib ay tahay in bisha ramadaan laga wada shaqeeyo danta guud ee dalka iyo dadka, gaar ahaan sugidda amniga, horumarinta caddaaladda, la dagaalanka musuq-maasuqa iyo gar-gaarka dadka danyarta ah.

Mudane Xasan Kheyre ayaa soo hadal qaaday sida ay xukuumadiisa uga go’an tahay in caqabadaha jira looga gudbo iskaashi dhex mara guud ahaan hay’adaha dawladda iyo bulsho weynta Soomaaliyeed.

“Caqabadaha iyo dhibaatooyinka ina horyaala waa kuwa ragaaday, dawladda kaliyana wax kama qaban karto, waxaa loo baahan yahay in dhammaan qeybaha kala duwan ee bulshada doorkooda ka qaataan, gaar ahaan aqoonyahanada, culimada, oday-dhaqameeyada, ururada samafalka, ganacsatada, haweenka iyo dhalinyarada, taas oo looga gudbi karo marka la helo midnimo, wadanino, wadashaqeyn iyo iskaashi dhex-mara dawladda iyo shacabkeeda”

Qorshaha Xukuumadda saldhigga u ah mar uu ka hadlayey Ra’iisul Wasaruhu ayuu tilmamay in ay kamid yihiin:

1)Kow- ka-guul-gaarista xasiloonida guud ee dalka, gaar ahaan sugidda amniga iyo la dagaalanka nabad-diidka,
2)Labo, dhisidda iyo meel-marinta cadaalad, garsoor hufan, karti, isla xisaabtan, daah-furnaan iyo ciribtirka Musuq-maasuqa.
3)SADDEX- kobcinta dhaqaalaha si loo ballaariyo wax-soo-saarka shaqo abuurka, maalgashiga iyo dib-dhiska kaabayaasha dhaqaalaha kuwaas oo lagama maarmaan u ah la dagaalanka saboolnimada iyo xasiloonida darada dalka.

Ra’iisul Wasaaraha oo ka hadlayay arrimaha abaaraha ayaa yiri:

“Wallow illaahey nooga raayay Abaarihii iyo dhibkii, balse casharka aan ka baranay abaarta, wuxuu na tusayaa haddii aan isku tashano xukuumad iyo shacabba in aan ka hortagi karno aafooyinka abaaruhu keenaan. Anagoo ka duulayna mowqifka ah in aan isku tashano, waxaa noo suurto-galay: In aan gaarsiino deeqaha gurmadka dalka oo dhan, mudadaas abaartu jirta waxaa la qeybiyey lacag dhan shan million oo dollar oo si hufan u gaaray dadka Soomaaliyeed.

Ra’iisul Wasaare Xasan Cali Kheyre ayaa sheegay in la wiiqay mudo kooban argagixisada, isagoona tilmaamay in la xakameeyey qaraxyadii iyo hubkii lagu sitay caasimadda.

“Howlgalkii ugu horeeyey ee la fuliyey waxaa lagu qabtay kooxo dhagar-qabayaal ah iyo hub sharci darro ah oo loo adeegsan jiray gumaadka shacabka, waxaan ku guuleysanay in ciidamo badan xeryahoodii lagu celiyo, waxaan kaloo qaadnay jidgooyooyin sharci darro ah”ayuu yiri R.W Kheyre.

Ugu danbeyn, Ra’iisul Wasaaraha ayaa tilmaamay in mudadaa kooban ee ay jirtay Xukuumaddu uu dalku gaaray horumaro la taaban karo haddii ay tahay dhaqaalaha oo sara-u-kacay iyo hannaanka maaliyadda oo dib loo saxay, isla markaana la dardargeliyey kobcinta iyo maareynta ilaha dakhliga, taas oo dhalisay in uu sara u kaco dhakhliga dawladda, laguna guuleystay bixinta mushaarka ciidamada iyo shaqaalaha dawladda.

—-DHAMMAAD—-

Cadaado (Caasimada Online) – Hogaamiyaha Maamulka Galmudug Axmed Ducaale Geelle Xaaf iyo Wafdi uu Hogaaminayo ayaa goor dhow gaaray Degmada Caabudwaaq ee Waqooyiga Gobolka Galgaduud.

Hogaamiyaha ayaa waxaa safarkiisa ku wehlinaayay ku-xigeenkiisa Maxamed Xaashi Carabey, Wasiiro iyo Xildhibaano ka tirsan baarlamaanka maamulka.

Socdaalka Hogaamiyaha iyo Wafdigiisa ayaa la sheegay inuu la xiriiro, sidii ay ugu kuur geli lahaayen xaalada degmada Caabudwaaq oo dhowr jeer ay dagaalo ku dhex mareen maleeshiyo beeleedyo.

Hogaamiyaha waxa uu kulan la qaatay Odayaasha Dhaqanka Degmada Caabudwaaq, wuxuuna kala hadlay arrimaha ku aadan xiisadaha ka taagan Magaaladaasi.

Degmada Caabudwaaq ayaa waxaa ka dhaca dilal ku saleysan aanooyinka qabiilka ah oo si aad ah ugu badan Magaalada, Odayaashana ay wax ka qaban waayeen.

Hogaamiyaha waxa uu xooga saarayaa sidii odayaasha kaaba qabiilada deegaanka looga dhaadhicin lahaa sidii nabadgelyada looga shaqeyn lahaa, isla markaana maamulkiisa doonayo inuu dib u heshiisiin dhex dhigo.

Hogaamiyaha ayaa horay u sheegay inay ka go’an tahay ka hortaga dhammaan waxyaabaha keeni kara colaadaha iyo khilaafyada jira.

Axmed Ducaale Geelle Xaaf, ayaa Degmada Caabudwaaq ee Waqooyiga Gobolka Galgaduud ku aaday safarkii ugu horeeyay tan iyo markii loo dhaariyay xilka.

Muqdisho (Caasimada Online) – Hay’adaha amaanka Dowlada Federaalka ah ee Somalia ayaa magaalada Muqdisho ka wada howlgalo Hub ka dhigis ah, kadib markii uu amray Madaxweynaha Somalia Maxamed C/llahi Farmaajo.

Hay’adaha ayaa beegsanaaya shaqsiyaadka lagu tuhmaayo Hubka, iyadoo Hub ka dhigista ay fulinayaan dhalinyaro aad loo hubeeyay kuwaa oo loo dhameystiray dhammaan xuquuqdii ay ku lahaayen DF.

Ciidamada qeybta ka ah Howlgalka Hub ka dhigista ayaa ilaa iyo hadda gacanta ku dhigay Hub farabadan oo ay ku jiraan kuwa culus ee looga dagaalamo goobaha ay ka jiraan colaada.

Ciidamada ayaa sidoo kale waddooyinka magaalada Muqdisho ka uruuriyay Askarta ku labisan dareeska ee xiliyadii hore buux dhaafi jiray waddooyinka magaalada Muqdisho, waxaana xusid mudan in iminka magaalada Muqdisho ay tahay mid ka caagan Askar Hubeysan isla markaana ku labisan dareeska iyo Hubka.

Warar hordhac ah ayaa sheegaya in shaqsiyaadka Hubka ku dhex heystay magaalada Muqdisho ay Hubkooda u daabuleen magaalada Jowhar ee xarunta KMG maamulka HirShabelle, halka qaarna la geeyay magaalada Beledweyne ee Gobolka Hiiraan.

Hubkaani loo daad-gureeyay magaalooyinka Jowhar iyo Beledweyne ayaa la mariyay dhulka, waxaana la xaqiijiyay in qaarkood si KMG ah loogu dhiibtay Wasiirada iyo Xildhibaanada maamulka HirShabelle oo xiligii hore ahaa kuwo aan heysan Hub ay naftooda ku difaacdan.

Sidoo kale, waxaa soo baxaaya warar sheegaya in shaqsiyaadka qaar ay Hubkooda ku duugen dhulka hoostii si ay uga badbaadan Howlgalada Hub ka dhigista oo magaalada Muqdisho ay kawadan ciidamada Qaran.

Hub ka dhigista ka socta magaalada Muqdisho ayaa saameyneysa min Madax ilaa Siyaasi, waxaana looga gol-leeyahay in magaalada Muqdisho laga hirgaliyo Xasilooni dhanka amaanka ah.

Si kastaba ha ahaatee, tan iyo markii ay bilaabatay Hub ka dhigista waxaa magaalada Muqdisho ka yaraaday Qarxyada iyo dilalka, waxa ayna tani muujineysaa in magaalada Muqdisho ay eersaneyso Hubka farahabadan ee lagu dhex wato.

Caasimada Online
Xafiiska Muqdisho
[email protected]

Siyaasiga Abdiweli Ibrahim Garyare oo ka mid ahaa ragii sida weyn uga shaqeeyey inuu kursiga Madaxweynaha Galmudug laga qaado Abdikariim Guuleed, islamarkaana Xaaf uu meeshaasi Madaxweyne ka noqdo ayaa iminka bilaabay kulamo uu la qaadano baarlamaanka Galmudug.

Xildhibaanada Galmudug oo uu afur ugu sameeyey xalay hotel Karmel ayaa waxaa uu kala hadlay lama arrimood, kuwaasi oo uu ku sheegay:

1 – Sidii aan ugu bogaadin lahaa geesinimada  iyo xilkasnimada ay ku sameeyeen isbadel looga talaabo maamulkii ragaadiyey dadka deegaanka Galmudug, looguna heli lahaa madax cusub oo looga fadhiyo horusocod dhab ah, oo aan afka baarkiisa aheyn. ) Ayuu yiri Abdiweli Garyare, waxaana uu intaasi raaciyey.

2 – Sidoo kalana waxaan kulanka uga hadalnay sidii baarlamaanka usii wadi lahaa isbadelada lama huraanka ah ee muuqda iyo la xisaabtanka hay’addaha fulinta, taasi oo dhabaha u xaareysa inaysan laba sano ee hartay inaga khasaarin.

Hadalka Abdiweli Garyare iyo kulanka uu la qaatay xildhibaanada ayaa waxaa ay muujinayaan inuu ku socdo xilka Madaxweyne kuxigeenka Galmudug, isagoona taageeraya mooshinka xilka qaadista ee laga diyaariyey Maxamed Xaashi Carabeey.

Madaxweyne Ahmed Ducaale Xaaf ayaa ka mid ahaa ragii xildhibaanimada ka raadsaday Cadaado, balse markii kurisigaasi la dhaafiyey isagana go’aansaday hanashada xilka Madaxweynaha Galmudug, sidaasi si la mid ah ayaa Garyare isagana xildhibaanimada uu waayey dhalisay sida muuqata inuu Madaxweyne kuxigeenka Galmudug u istaago.

Abdiweli Garyare waa siyaasi da’yar, waxaana wariye iyo hal-abuur bulshada Soomaaliyeed laga dhex yaqaan, inkastoo lagu tiriyo raga sida weyn uga soo horjeeda dowlada Madaxweyne Farmaajo.

Muqdisho (Caasimada Online) – Bannaanbax lagu taageerayo 100-ka maalmood ee Madaxweyne Maxamed C/llaahi Farmaajo ayaa waxa uu hadda ka socdaa Magaalada Muqdisho.

Banaanbaxa ayaa waxa uu ka socdaa Garoonka Kubadda Cagta ee Banaadir Studium, waxaana halkaasi ku sugan inkabadan 2,500 oo ruux oo ay ku jiraan madax ka tirsan DF.

Waxaa iminka Goobta gaaray Madaxweynaha Somalia Maxamed C/laahi Maxamed Farmaajo iyo Ra’isal wasaare Xasan Khayre oo halkaa ka jeedin doona Khudbado.

Waxaana Madaxweynaha Garoonka kusoo dhaweeyay Cutubyo ka tirsan Ciidamada xoogga dalka Soomaaliyeed.

Khudbada Madaxweynaha iyo Ra’isul wasaaraha ayaa khuseyn doonta waxqabadka dowlada cusub iyo qorshooyinka horyaal mudada ay sii jiri doonto.

Garoowe (Caasimada Online) – War goordhow nasoo gaaray ayaa sheegayain Hogaamiyaha maamulka Puntland C/wali Gaas uu xil ka qaadis ku sameeyay Gudoomiyihii Maxkamada Ciidamada Qalabka sida ee maamulka Puntland Cabdifitaax xaaji Aadan.

Guddoomiyaha ayaa waxaa xilka looga qaaday Wareeto kasoo baxday Xafiiska Hogaamiyaha, waxaana xil ka qaadista lagu sheegay mid uu maamulka ku hirgalinaayo isbedelada.

Gudoomiyihii Maxkamada ciidamada Puntland oo xil ka qaadistaasi lagu sameeyay ayaa Warbaahinta u sheegay in uu soo dhaweynayo xilka qaadista lagu sameeyay, isla markaana uu si dhow ula shaqeyn doono mas’uulka xilkaasi calfan doona.

Guddoomiyaha xilka laga qaaday Cabdifitaax Xaaji Aadan ayaa waxaa sidoo kale loo magacaabay Garsoore ka tirsan Maxkamada Ciidamada Qalabka sida ee maamulka Puntland.

Hogaamiyaha maamulka ayaa sidoo kale sheegay inuu sii socon doono isbedelka socda, waxa uuna Gudoomiyihii Maxkamada ciidamada Puntland ee xilka laga qaaday ugu baaqay inuu guto waajibaadkiisa Qaran.

Geesta kale, Hogaamiyaha ayaa sheegay in maamulka Puntland uu heer ka gaaray Garsoorka waxa uuna dhinacyada khuseeya Garsoorka ku dhiiragaliyay inay muujiyaan Hufnaan.

Caasimada Online
Xafiiska Garoowe
[email protected]

Muqdisho (Caasimada Online) – Xukuumada Somalia ayaa ka hadashay howlgalada Hub ka dhigista ee ka socta magaalada Muqdisho ee caasimada Somalia.

Xukuumada ayaa sheegtay in qiimeyn la sameeyay ay dadka shacabka ah kusoo dhaweeyen sida uu u socdo howlgalka Hub ka dhigista.

Wasiirka warfaafinta Soomaaliya Yariisoow ayaa sheegay in howlgalkii xasilinta amniga ee Magaalada muqdisho uu siwanaagsan uu hada u socdo.

Wasiirka waxa uu sheegay inay jiraan dad dhaliilsan qaabka ay u socto Hub ka dhigista waxa uuna tilmaamay in dadkaasi ay ka qaadi doonaan talaabo sharci ah.

Wasiirka waxa uu cadeeyay in DFS ay xaq u leedahay in Hub ka dhigis ay ku sameeyso dhammaan dadka hubeysan ee ku sugan magaalada Muqdisho.

Waxa uu tilmaamay in dadka kasoo horjeeda Hub ka dhigista ay yihiin kuwo dano shaqsiyadeed leh, waxa uuna meesha ka saaray in lagu dhaafi doono Hubka ay heystaan.

Yariisow waxa uu intaa ku daray in dowladda aysan aqbali doonin in howlgalkaas laga soo horjeesto talaabana ay dowladdu ka qaadi doonto cid waliba oo ka hor imaada qaabka uu u socdo howlgalka.

Waxa uu soo hadalqaaday Cabashada kasoo yeereysa qaar ka mid ah Siyaasiyiinta Soomaaliyeed ee howlgalka uu saameeyay, waxa uuna cadeeyay in DFS ay dadkaasi dhagaha ka fureysan doonto.

Wasiirka ayaa ugu dambeyntii sheegay in dowladda Soomaaliya ay diyaar u tahay in muddo gaaban ay ku xasiliso Ammaanka magaalada Muqdisho.

Dhinaca kale, Hub ka dhigista ayaa saameynta ugu badan ku yeeshay Siyaasiyiinta iyo Ciidamada dowlada ee aan la hubin diiwaan galintooda.

Caasimada Online
Xafiiska Muqdisho
[email protected]

London (Caasimada Online) – Waxaa la rumeysan yahay in dad badan ay dhinteen qaarna ay dhaawacmeen kadib markii baabuur uu dad ku jiray, qaarna lagu weeraray mindi agagaarka buunda London ee magaalada London, sida ay sheegeen booliiska Britain.

Booliiska ayaa sheegay inay ka jawaabeen markii baabuur nooca Van-ka uu dad badan ku jiiray bartamaha London. Illaa 20 qof ayaa la sheegay in baabuurka uu dhulka ku jiiray.

Waxaa la xaqiijiyey illaa saddex nin oo midkiiba uu wato mindi dhererkoodu yahay 12 inch inay fulinayeen weerarka, oo ay dadka beegsanayeen, markii ay baabuurka kasoo dageen kadib.

Goobjoogeyaal ayaa sheegay inay arkeen dad badan oo dhulka yaal oo aan nuuxsaneyn. Mid ka mid ah ayaa sheegtay inay indhaheeda ku aragtay ugu yaraan saddex qof oo surka laga jaray.

Waxaa illaa hadda la xaqiijiyey dhimashada toddoba qof iyo dhaawaca 30 qof oo kale. Booliiska ayaa sidoo kale toogtay saddexdii nin ee weerarka soo qaaday.

Warar kale ayaa iyaguna sheegaya in sidoo kale la maqlay rasaas dhaceysa, inkasta oo aysan caddeyn haddii rasaastan iyo weerarka baabuurka ay wada xiriiraan.

Weerarakan ayaa lagu sheegay weerar argagixiso.

Toddobaadkii tagay ayaa waxaa weerar qarax ismiidaamin ah oo ka dhacay magaalada Manchester lagu dilay 23 qof, waxaana lagu dhaawacay in ka badan 64 qof.

Caasimada Online
Xafiiska London
[email protected]

Muqdisho (Caasimada Online) – Waxaa magaalada Balcad kusoo qulqulaaya Siyaasiyiin iyo hogaamiyeyaal hore oo doonaaya in magaalada Balcad ay ka dhex aasaasan maamul cusub oo uu yeelan doono Gobolka Banaadir.

Qorshahaani lagu yegleelayo maamulka cusub ayaa waxaa isla daadihinaaya Hogaamiyaha maamulka HirShabelle Cosoble iyo xubno uu ku jiro Muuse Suudi Yalaxow oo kamid ah Xildhibaanada dalka.

Qorshaha ugu weyn ayaa la sheegay inuu yahay in Degmada Balcad la dhigo gogosha lagu dhisaayo maamul goboleed uu yeesho Gobolka Banaadir, waxaana la sameyn doonaa maamul KMG ah.

Maamulka uu yeelan doono Gobolka Banaadir ee lagu dhisaayo magaalada Balcad ayaa waxa uu noqon doonaa mid matalaad buuxda u ah dadka degan gobolka Banaadir, oo hadda wax maamul sharci ah aan lahayn.

Guddoomiyaha gobolka Banaadir ee iminka Taabit Cabdi, ayaa ah shaqsi uu soo magacaabay madaxweynaha dalka, mana ahan mid taageero ka haysta oo matala dadka degan gobolka.

Waxa uu sidoo kale wadaa dadaallo looga soo horjeedo dhismaha maamul sharci ah oo matala shacabka magaalada.

Dhinacyada doonaaya in maamulka lagu dhiso awood ayaa sidoo kale la sheegay in DF Soomaaliya ay siisay digniin, waxaana jira warar sheegaya in ciidamo la geeyay Degmada Balcad.

Caasimada Online
Xafiiska Muqdisho
[email protected]

Muqdisho (Caasimada Online) – Kullan shalay ka dhacay magaalada Muqdisho oo ay soo qaban qaabisay xildhibaanad Mina Xasan Shibis, ayaa lagu mucaaraday ololaha dadka degan gobolka Banaadir ay ugu doodayaan xuquuqdooda.

Kulankan ayaa waxaa si gaar ah looga soo horjeeday baaqii madaxweynaha Hirshabeelle ee gogoshii uu dhigay degmada Balcad si beelaha gobolka Banaadir aayahooda ugu tashtaan, islamarkaana u dhistaan maamul goboleed u gaar ah.

Xildhibaan Mina Xasan Shibis ayaa u muuqatay inay taageertay hadalkii ra’iisul wasaare Xasan Cali Kheyre ee ahaa in arrimaha gobolka Banaadir looga danbeeyo Guddoomiyaha gobolka Taabit Cabdi Maxamed, waxayna sheegtay in gogol looga arrinsanaayo maqaamka gobolka Banaadir aysan habooneyn in la dhigo degmada Balcad.

Mina Xasan Shibis ayaa horay ololaha raadinta xuquuqda gobolka Banaadir hormuud ka aheyd, hase ahaatee dhowaan ayey si weyn u beddeshay mowqifkeedii hore ee soo dhicinta xuquuqda gobolka Banaadir.

Xog gaar ah oo ay heshay Caasimada Online ayaa sheegeysa in Mina ay heshiis la xiratay ra’iisul Xasan Cali Kheyre iyo guddoomiyaha gobolka Banaadir Taabit Cabdi Axmed, oo lacag badan ku bixinaya sidii loo fashilin lahaa qorshahan.

Wararka waxay sheegayaan in xildhibaanada lacag badan qaadatay, sidoo kalena lagu soo xiray mashruucyo ay hay’ado badan iyo xildhibaano ku degeen hotelka Global ee ay leedahay.

Dadka Muqdisho, gaar ahaan beelaha Galmaax ayaa markii ay doorteen xildhibaanada Mina filayeen inay wakiil uga noqoto danahooda, hase yeeshee inay dantooda baadi goobta iska daayee waxay hadda u muuqataa inay dhabarka ka tooganeyso.

Caasimada Online
Xafiiska Muqdisho
[email protected]