Iyaddoo baryahanba uu socday abaabul xoogan oo ay kuwada jireen Ra’iisul Wasaare Saacid Farax iyo Madaxweyne Xasan Shiikh kuna aadanaa ninkii baarlamaanka ku awood bata ayaa guusha u danbeyn doona ayaa waxaa iminka soo baxaya in Ra’iisul wasaare Saacid Farax taasi loogu itaal sheegtay.

Warbaahinta K24 ayaa xaqiijisay in la gudbiyey mooshinkii kalsooni kala noqoshada xukuumada Ra’iisul wasaare Saacid Farax Garaad, iyaddoo guddoonka uu xildhibaanada soo gudbiyey ka aqbalay codsigaasi.

” Waxaan u gudbinay guddoonka baarlamaanka mooshin aan kalsoonidii kala noqoneysa xukuumada Ra’iisul wasaare Saacid Farax Garaad waxaana ku saxiixnay 168 xildhibaan kuwaasi oo ka kala scoda shanta beelood ee Soomaalida iyo kutlad xildhibaano ka kooban 45 oo iyaga magac qabiil aan ku socon” ayuu yiri xildhibaan aanan magaciisa hadda xusi karin xaalada ammaandartood.

Guddoomiye kuxigeenka labaad ee baarlamaanka Somaliya Mahad Cawad ayaa ah mas’uulka qabtay mooshinkaasi. Waxaana uu sheegay in maalinta sabtida ah xildhibaanada ka fariisan doonaan mooshinka laga keenay Ra’iisul wasaare Saacid Farax Garaad.

” Guddoomiye kuxigeenka labaad ee baarlamaanka Mahad Cawad ayaan gacanta u gelinay mooshinkaasi aanu wada saxiixnay, waxaana uu ina siiyey warqadii ogolaanshaha in codsigaasi uu inaga aqbalay, laakiin waxaan ku sheegayaa in hadafkeenu yahay in xukuumadan ku fashilantay wixii looga fadhiyey oo aheyd waxqabad mudadii sanadka aheyd” ayuu yiri xildhibaankan.

Sida muuqatana waxaa ay midan ka dhigeysaa rajo meel soo wajaheysa Ra’iisul wasaare Saacid Farax Garaad kaasi oo horey madaxweynaha kalsoonidiisa u waayey inuu haddana baarlamaankii sidaasi oo kale kalsooni ka waayi doono.

Dareenka Muqdisho aad ayuu u kacsan yahay waxaana dadka midka aad  la hadasho uu ku sheegayaa in waqtiga Ra’iisul wasaaraha uu dhamaad yahay, maadaama hadda baarlamaanka looga yeerayo kadibna kalsooni kala laabashadiisa inay iminka u diyaarsan yihiin 168 xildhibaan.

Dhinaca kale mar aan la xirirnay xafiiska Ra’iisul wasaare Saacid Farax Garaad xubno jooga ayaa laftooda inuu sheegay inay walaac xoogan ka qabaan saxiixa 168 xildhibaan oo mooshin ka keenay xukuumada. Waxaase ay ka gaabsadeen inay ka hor dhacaan inta sabtida arrintaasi laga gaarayo.

Xigasho: Kismaayo24.com

Xaafada Siigaale Degmada Hodan ee Magaalada Muqdisho waxaa maanta laga furey jaamacad cusub oo la magac baxday Imaamu shaafici.

Jaamacadaani ayaa laga hirgeliyay dhismaha caanka ah ee hore u ahayd Mowlca Macalin Nuur Maxamed Siyaad waxaana xaflad weyn oo maanta la sameeyay ka soo qeybgalay xildhibaano,waxgarada,culumaa’udiin,mas’uuliyiin ka socota wasaarada waxbarashada iyo xubno ka socday jaamacadaha Muqdisho.

Xildhibaan Khaliif C/qaadir Macalin Nuur ayaa maamule looga dhigay Jaamacadaasi waxaana khudbado kala duwan soo jeediyay mas’uuliyiin kala duwan kuwasoo lagu martiqaaday furitaanka Jaamacada.

Jaamacada Imaamu shaafici waxaa lagu baran doonaa Sedex Kuliyadood oo kala ah:

1-Kuliyada Quraanka Kariimka iyo culuumtiisa
2-Kuliyada Tarbiyada Islaamka
3-Kuliyada Shareeca walqaanuun

Jaamacada Imaamu Shaafici waxay kaga duwan tahay Jaamacadaha kale ee dalka iyadoo leh sedex Kuliyadood kaliya kuwaasoo dhamaantood diini ah.

Mas’uuliyiintii ka soo qeybgashay waxaa ka mid ahaa Dr.Mahdi oo dalka dibadiisa ka yimid.Macalimiin Masaari ah oo Jaamacada wax ka dhigi doona,siyaasiyiin ay ku jiraan Xildhibaano iyo xubno ka socday wasaarada waxbarashada Soomaaliya.

Xildhibaanada waxaa ka mid ahaa Xldhibaan Cumar Filish,Xildhibaan Bashiir Caddow ,Xildhibaan Yuusuf Xayle,Xildhibaan Cumar (furdug) iyo sidoo kale Jen.Yuusuf Indha cadde.

Guud ahaam Mas’uuliyiintaasi waxay sheegeen in Xareunta jaamacadaan tahay meel awalba lagu baran jirey Diinta Islaamka,hadana sidoo kale lagu baranayo maadooyin diini ah.

Muqdisho (Caasimada Online) Isagoo ka hadlayay Munaasabada maalinta Macalinka ayuu soo hadal qaaday madaxweynaha Somaaliya Xasan Sheekh arinta xagjirnimada iyo dhibaatada ay leedahay.

Madaxweyne Xasan sheekh wuxuu sheegay in dhalin yarada Soomaaliyeed gaar ahaan kuwooda mayalka adag inay u nugul yihiin burcad badeednimada iyo sidoo kal argagixinimada oo uu ku sheegay inay yihiin falal guracan.

Talada ugu haboon ee lagula dagaalami karo arinta xahjirnimada ayuu madaxweynuhu wuxuu sheegay in kaliya ay tahay in wax barasho wanaagsan ay helaan dhalinyarada Soomaaliyeed.

“Fikirka xagjirka ah waxaa lagula dagaali karaa, iyadoo waxbarasho tayeysan la siiyo caruurta  Soomaaliyeed.” ayuu yiri Madaxweyne Xasan Sheekh .

Isagoo ka hadlayay ahmiyada macalinku uu leeyahay ayuutilmaamay in Macalinku uu yahay kan dhalinta ku haggi kara nolosha saxda, ah, si ay hadhow dadka ugu haggaan wadada horumarka.

“21-ka November ayaa waddanka laga xusaa maalinta Macalinka oo taariikh weyn ku leh Soomaaliya. Maanta dalku wuxuu galay marxalad nabad ah oo tusaale u ah sida macalinka iyo waxbarashada ay uga adkaaneyso collaadaha iyo rabshadaha. Macalaimiintana waxey door muhiim ah ka soo qaateen sidii dalku uga dhici lahaa isbedel dhanka nabadda ah oo laga soo kabanayo collaadihii.” Sidaasi waxaa yiri Madaxweynaha Soomaaliya.

Caasimada Online

Xafiiska Muqdisho

[email protected]

Muqdisho (Caasimada Online) Idaacada Shabeelle ee magaalada Muqdisho ayaa waxay ku dhacday fadeexad weyn kadib markii Maamulka iyo wariye idaacadaas ka tirsan ay gabar wariye ah  ku dhiira galiyeen inay ka duubaan muuqaal ku aadan in rag wariyaal ah ay kusfi kula dhaqaaqeen .

Gabadhan ayaa sheegtay in Agaasimaha Idaacada Shabeelle C/maalik uu siiyay qarash Wariye Maxamed Bashiir oo bahda Shabeelle ka mid ahna uu ka duubay muuqaal ku aadan iyadoo sheegaysa in kufsi loo geystay sida ay inoo xaqqiijiyeen saraakiil ku dhaw dhaw hey’ada dambi baarista ee  CID-da oo iminka kiiskan la wareegtay .

Wararku waxa ay sheegayaan in heshiisku uusan ku jiran in Muuqaalkaasi lasoo dhigo barta intarnet-ka  markii laga qaadayayna loo sheegay in loo dhiibayo dibada hey’ado jira si ay ugu doodaan .

Mahamad Bashiir oo Wariye Shabeele ka tirsan iyo gabadhan sheegtay in la kufsday  ayaa la xiray shalay oo arbaco ku beegneyd.

Wariyaha ayaa lagu heystaa i inuu baahiyay Muuqaal aan wanaagsaneyn,sida laga soo xigtay Afhayeenka madaxtooyada Abdirahman Omar Osmaan, waxaana sidoo kale xabsiga la dhigay milkiilaha warbaahinta Shabeele,inkastoo markii danbe la sii daayay.

Bashiir iyo Gabdhaha dhibanaha  hada xiran waxaana ku socda baaritaan iyo su’aalo weydiin,” ayuu hadalkiisa sii raaciyay Afhayeenka Dowlada oo u waramay Al-Jazeera.

Muuqaal lagu daabacay Barta You Tubeka ayay ku muujisay Gabadha sida Afhayeenka sheegay in la Kufsaday,wuxuuna hadalkiisa intaasi ku Boliiska ay xireen Eedeysanaha.

Afhayeenka ayaa tilmaamay in Gabadha kufsiga sheegatay iyo Eedeynaha ay ka soo muuqan doonaan Maxkamad maalmaha soo socda.

Wariye Cabdala Muumin oo ka mid ah wariyaasha Somalida ah ee wax ka qora arimaha Bini aadanimada ayaa sheegay in xitaa hadii kiiskan uu yahay mid jira ay qalad tahay in qof dhibane ah magaciisa iyo muuqiisaba la baahiyo sida anshaxa saxaafad uu qabo .

Kiisaska kufsiga ah ayaa mudooyinkii dambe kusoo badanayay Somalia waxaana madaxda dowlada Somalia ay dhowr jeer oo hore ku cel celiyen in arintan ay tahay mid ka bad badis ah sida wax loo buun buuniyana aysan u jirin.

Halkaan Hoose ka dhageyso Cabdala Muumin

Cabdalla Muumin

Caasimada Online

Xafiiska Muqdisho

[email protected]

Muqdisho (Caasimada Online) Deeganka Lambar 50 ee gobalka Shabeellaha Hoose, waxaa maanta gaaray wafdi wasiiro,xildhibaanno iyo xubno kale isugu jira, kuwaasoo halkaas u tagay in ay soo ogaaday wax yaabaha sababay dagaal toddobaadkan deegankaas ku dhexmaray ciidamo ka wada tirsan dowladda.

Wafdiga dowladda oo ka ambabaxay Muqdisho, waxaa hoggaaminayay wasiirka arrimaha gudaha iyo amniga,Cabdikariin Xuseen Xuseen Guuleed waxaa kaloo la socday wasiiradda gaashandhigga, cadaaladda,xildhibaanno iyo Guddoomiyaha Gobalka Shabeellaha Hoose.

Wafdiga ayaa markii ay tageen deeganka Lambar 50 waxa ay kulamo la qaateen odayaasha iyo wax garadka ku dhaqan deeganka, waxaana ay wax ka weydiiyeen sida ay wax uga dhaceen deegaanka iyo khasaaraha ka dhashay dagaalkii halkaas ku dhexmaray ciidamada dowladda.

Waxaa goobta lagu soo bandhigay khasaaro ka dhashay dagaalkaas iyadoo dadka deeganka ay wafdiga u sheegeen in tacadiyooyin xooggan loo geestay oo ah naf iyo maal.

Kulanka maanta saxaafadda waa loo diidday, waxaana joogay oo kaliya Idaacadda dowladda sida uu noo sheegay xubin ka tirsan dadkii ka qaybgalay kulanka.

Wasiirka arrimaha gudaha amniga ayaa kulanka markii uu soo dhammaaday waxa uu la hadlay Radiyaha dowladda wuxuuna sheegay in booqashadooda ay la xiriirto siddii loo ogaan lahaa wax yaabaha sababay in labo ciidan oo ka tirsan dowladda ay ku dagaalamaan deeganka Lambar 50.

Wasiirka waxaa kaloo uu sheegay in odayaasha iyo wax garadka ku dhaqan deeganka Lambar 50 ay kala hadleen siddii loo joojin lahaa dagaalada isla markaana markala aysan u soo laaban.

Wasiirka waxaa kaloo dadka deeganka uu u ballan qaaday in wax xad-gudub ah loo geesan doonin dowladdana aysan raali ka ahayn.

Halkaan Hoose ka dhageyso Wasiirka arrimaha gudaha

Wasiirka Arimaha Gudaha

Caasimada Online

Xafiiska Wararka Muqdisho

[email protected]

Caruurtan Mataanaha ah ee dhawaan la dhalay ayaa muuqaalkooda noqday mid caan ah ayagoo diidanba in ay kala fuqaan markii loo qubeynayo waxeyna kaliya doonayaan in ay bogga iskugu haystaan sida xilliga hooyadood uurkeeda ay ku jireen oo aysan ifka usoo baxin kahor.

Waxaa cilmi baaristan isjaceylka labadan caruur lagu ogaaday xilli ay kallkaaliso u dhalatay Faransiiska oo lagu magacaabo Sonia Rochel ay sameysay qubees raaxo u leh caruurta oo caafimaad ahaana u wanaagsan ahna spa, waxaana labadan mataanaha ahi ay noqdeen kuwa caan ka dhigay farsamadaasi oo waxey ku hurdeen oo ay iskula dhageen xiligii qubeeska wayna diideenba in ay kala fuqaan.

HALKAAN KA DAAWO: