Muqdisho (Caasimada Online) – Ra’isul wasaaraha Somalia Xasan Cali Kheyre ayaa mar kale ka hadlay wararka sheegaya in shaqsiyaadka xilalka haya ee la shaqeynaayay Dowlada hore ay wali wadaa Musuq maasuq Hanti Qaran.
Kheyre waxa uu sheegay in Dowlada Somalia ay mid mid ula xisaabtami doonto shaqsiyaadka wali haya xilka waxa uuna meesha ka saaray inay dhici karto xadgudub dhanka Hantida Qaranka.
Kheyre waxa uu tilmaamay inay jiraan shaqsiyaad la tuhunsan yahay balse lagu wado baaritaan waxa uuna cadeeyay in shaqsigii lagu helo Musuq uu muteysan doono waxa uu sharciga qabo.
”Haddii uu jiray Musuq waxaan halkaani ka cadeynayaa in DFS aysan indhaha ka daboolan doonin musuqa, cidii aan ku helno musuq waxaan horgeyn doonaa sharciga”
”Ma jiri doonto cid ka sareyn doonta sharciga cidii lagu helo fal musuq maasuq ah waxa ay saaxiib la noqon doonaa qodobada ku xusan sharciga ee ku aadan Musuqa”
Kheyre waxa uu sheegay in Shacabka Soomaaliyeed ay diyaar u yihiin inay la xisaabtamaan Dowladiisa oo ay ugu horeeyaan isaga Madaxweyne Farmaajo si ay iyagana ula Xisaabtamaan Madaxda kale iyo shaqaalaha ku sifoobay Musuqa.
”Madaxweynaha iyo Ra’isul wasaaraha waxa ay diyaar u yihiin inay aqbalaan qeyla dhaanta shacabka sida musuqa, Cadaaladarida iyo wixii la halmaala, waxa aan anaguna la xisaabtami doonaa kuwa naga hooseeya cidna loogama aamusi doono musuq”
Dhanka Kheyre ayaa sheegay in dhibaato kasto oo ku timaada Shacabka Soomaaliyeed ay la qeyb san doonaan si looga badbaado tafaraarus iyo Khilaaf ka dhex curta Madaxda iyo Shacabka.
Caasimada Online
Xafiiska Muqdisho
Caasimada@live.com
