New York (Caasimada Online) – Wargeyska The New York Times waxa uu ka soo xigtay xubno ku dhow Madaxweynaha Turkiga inay sheegeen inay Dowladda Sacuudiga ku fashilantay hindise ay Madaxweyne Erdogan u soo bandhigeen, si aan loo shaacinin natiijada baaritaanka dilkii Saxafigii Sacuudiga ee Jamaal Khashoggi oo bishan October 2-dii lagu dilay magaallada Istanbul.
Wargeyska waxa uu qoray in Amiir Khaalid Faysal oo ah La- taliyaha Boqorka Sacuudiga oo dhawaan booqasho ku tegay Istanbul, iska markaana uu Madaxweyne Erdogan Kala hadlay baaritaanka dilkii Saxafiga Jamaal Khashoggi.
Wargeyska waxa uu qoray inay Ilo-wareedyo u sheegeen inuu Amiir Khaalid u sheegay Erdogan qorshe ay Sacuudiga Ku beddelanayaan hakinta Kiiska Saxafigii la dilay.
Qoddobadda ay Sacuudiga soo bandhigeen ayaa Kala ahaa:-
1-Inay taageero Maaliyadeed siinayaan Turkiga.
2-Inay Sacuudiga kordhinayaan Maalgashiga Turkiga iyo
3-Inay Sacuudiga cunaqabataynta ka qaadi doonaan Dowladda Qatar oo Isbahaysiga dhow la leh Turkiga.
Xubnaha ku dhow Madaxweyne Erdogan waxay u sheegeen Wargeyska The NYT inuu Madaxweynuhu Ku gacan-sayray Hindisihii uu Amiir Khaalid Faysal u soo bandhigay.
Wuxuuna Erdogan ku tilmaamay Hindisahaasi Laaluush Siyaasadeed.
W/Q: Ustaad Nuuradiin Abuukar