Sawirro: Ceelashii iyo tuuladii la gubay ee Cadale iyo cabsi weli ka jirto

By Ali Muhiyaddiin

Cadale (Caasimada Online) – Wararka ka imaanaya tuulooyin hoos taga degamda Cadale ayaa sheegay in halkaasi ay ka jiraan wali cabsi ah in mar walba dagaal dhici karo maadaama aan wali labadii beelood ee halkaasi ku dagaalamay aysan iskug imaan miiska wada hadalka si ay uga hadalaan arrimaha nadadaynta dhexdooda ah.

Odayaasha dhaqanka iyo duubabka beesha Mudulood ayaa dhawaan ku hoowlanaa in ay bilaabaan dhib u dhishiisiin dhex marta labada beelood ee walaalaha halka waraka qaar ay sheegayaan in ay jiraan shuruudo ay garab ka mid ah garbaha dagaalamay gaar ahaan dhanka tuulada Koogaar ku xireen wadahadalka.

Shuruudahaan aye caasimadda.com ka ogaatay in ay ka mid tahay in marka hore la fuiyo hishiisyo ay labadaasi beelood wada galeen sanadihii 1998 iyo 1999 kii dagaallo horay uga dhacay deegaanadaasi balse la sheegay in aan horay loo fulin hishisyadaas.

Sida la sheegay hishiishkii ugu danbeeyay ee 1999 kii ayaa waxaa goob jooga ka haa mas’uuliyiin sar sare iyo duubabka dhaqanka ka soo jeeda deegaanka kaasoo beelahaasi u kala xadeeynaaya dhulka ay ka wada dagaan Degamda Cadale.

Lama oga sida ay xaaladda noqon karto hadii aysan soo deg degin wada hadalada labadaaasi beelood maadaama ay mar walba dhici karaan iska hor imaadyo hor leh ama weeraro deegaanadii horay loogu dagaalamay.

Caasimada Online
Xafiiska Muqdisho
caasimada@live.com